Dream House (2011) | පෙනෙන නොපෙනෙන ඇත්ත

හොරර් රසිකයන්ට එන්න එන්නම මේ කාලය හොඳ වේගෙන එන හැඩයි. මේ සිනමා කෘතිය නරඹා අවසන් වෙද්දි මට චිත්‍රපටි කිපයක් මතකෙට නැගුනා. මිට ඉහතදි මා විසින් ඔබ හමුවට ගෙනා The Haunting in Connecticut චිත්‍රපටිය ඉන් එකක්. මෙකත් ඊට සමාන නිර්මාණයක්. නමුත් වෙනස්කම් රාශියක් මෙහි තිබෙනවා. මේ සිනමා කෘතියට 2008 වසරෙ වැඩිම අදායම් ලාභී Daniel Craig රංගනයෙන් දායක වෙනවා. ඔහුව කවුරුත් හඳුනන්නෙ වර්ථමාන ජෙම්ස් බොන්ඩ්(007) කියලා. එවාගෙම Naomi Watts හා Rachel Weisz ද මේ සඳහා රංගන දායකත්වය දෙන අනෙක් රංගන ශිල්පිනියන් වේ. Rachel Weisz කිව් සැනින් ඔබට මතක් වෙන්නෙ The Mummy පළමු වන හා දෙවන සිනමා නිර්මාණයන්. King Kong කට්ටියට මතක ඇති. එකෙ ඉන්නවා Naomi Watts.

කතාව මෙන්න මෙහෙමයි විල් ඇටෙන්ටන් සාර්ථක වුනු ප්‍රචාරකවරයෙක්. නමුත් ඔහු තිරණය කරනවා තම රස්සාවට වඩා තම දුවරු දෙදෙනා වටිනා බව. එනිසා ඔහු තම රස්සාව හැරදමා ඇමරිකාවෙන් පිටව යනවා. ඔහුගෙ පවුල කුඩා පවුලක්. එය 4දෙනෙකුගෙන් සමන්විතයි. විල්, ලිබි හා දුවවරු දෙන්නයි. මේ හතරදෙනා එංගලන්තය කරා ඇදෙනවා. ඔවුන් විසින් මිලදි ගනු ලබන නිවස තමයි මෙහි ප්‍රධාන සාධකය වෙන්නෙ. මොකද මේ නිවස තුල සැහෙන්න තරම් අඳුරු මතකයන් තියෙනවා. ඒවාගෙම මේ නිවස තුලදි කාන්තාවක් හා දරුවන් දෙදෙනෙකු මරණයට පත්වි ඇති බවත් ඒ සඳහා එම පවුලෙ පිරිමියා වගකිව යුතු බවත් මොවුන් දැනගන්නෙ පසුවයි. විල් මේ කතාවේ සුල මුල හොයන්න උත්සහා කරනවා. මේ අතර ඔහුන්ගෙ උදව්වට ඇන් නැමති කන්තාවක් ඉදිරිපත් වෙනවා. මැය මේ මිය ගිය පවුලෙ ඥතියෙක් බව පවසනවා. අවසානයේ විල් මෙකේ ඇත්ත නැත්ත හොයා ගන්නවා. හොඳ කල්පනාවෙන් බැලුවොත් මේක පටලගන්නෙ නැතිව බලන්න පුළුවන් වෙයි. මොකද මම ඉහත කිව්වා වගෙ මේක බලලා ඉවර වෙද්දි චිත්‍රපටි ගණනාවක එකතුවක් කියලත් ඔබට හිතෙයි. Shutter Island, The Number 23, The Haunting in Connecticut වැනි සිනමා රසිකයන්ට මේක හොඳ නිර්මාණයක් වෙයි.

මේ ලිපියේ සම්පූර්ණ අයිතිය "Mangala(KOK\විෂ්)" සොහොයුරා සතු වන අතර උපුටාගැනීම් සියල්ලම ඔහුගේ අවසරය මතම සිදුවිය යුතුය...