Eliminators (2016) with Sinhala Subtitles | දියණිය වෙනුවෙන් දිවි නොතකා මාරාන්තික සටනක [සිංහල උපසිරැසි සමඟ]

ඔන්න එහෙනම්, Anonymous AKA Hacker (2016) චිත්‍රපටියේදී පොරොන්දු වුන විදියටම තවත් ඉංග්‍රීසි චිත්‍රපටයක් අරගෙන තමයි මේ එන්නෙ.නිකන්ම චිත්‍රපටයක් නෙමෙයි. හොලිවුඩ් පුරවරයේ, නම රැන්දු ක්‍රියාදාම චිත්‍රපට නළුවෙකු ප්‍රධාන රංගන දායකත්වය ලබාදෙන, සුපිරිම මට්ටමේ ක්‍රියාදාම චිත්‍රපටයක් තමයි අරගෙන ආවේ. චිත්‍රපටයේ ගුණාත්මක පිටපතක් නිකුත් වෙලා නම් දින කිහිපයක් ගතවෙනවා. නමුත්, මෙම චිත්‍රපටය සඳහා අන්තර්ජාලය වෙත පළමු ඉංග්‍රීසි උපසිරැසිය නිකුතවන්නේ දෙසැම්බර් දෙවැනිදා උදේ. කොහොම වුණත්, වැඩ රාජකාරි මධ්‍යයේ පුළුවන් තරම් ඉක්මණට උපසිරැසිය කරලා ඉවරයක් කළා.

එහෙනම්, වැඩි අටුවා ටීකා අවශ්‍ය වෙන්නෙ නැහැ. චිත්‍රපටයේ ප්‍රධාන රංගන දායකත්වය සපයන්නෙ කවුද කියලා අමුතුවෙන් විස්තර කරන්න අවශ්‍ය වෙන එකක් නැහැ. වර්තමාන හොලිවුඩ් පුරවරයේ හිනි පෙත්තෙම රජයන තවත් එක් ක්‍රියාදාම නළුවෙක්. වෙන කවුරුත් නෙමෙයි. ඒ තමයි, Scott Adkins. මේ වර්ෂය තුල මීට පෙර අවසන් වතාවට රංගනයෙන් දායකත්වය ලබාදුන් Hard Target 2 (2016) චිත්‍රපටය හා නොදෙවෙනි අතිශය ඉහල මට්ටමේ රංගන දායකත්වයක් මෙහිදීද ලබාදීමට මෙම අති දක්ෂ රංගන ශිල්පියා සමත්වී තිබෙනවා. ඔහුත් සමගින්, මෙම චිත්‍රපටය සඳහා උප ප්‍රධාන චරිතයක් වෙනුවෙන්, රෙස්ලින් ක්‍රීඩක Stu Bennett සිය රංගන දායකත්වය සපයනු ලබනවා. චිත්‍රපටය නිෂ්පාදනය කරනු ලබන්නේ, ක්‍රියාදාම චිත්‍රපට සඳහා ප්‍රසිද්ධියක් උසුලන WWE Studios ආයතනය මගින්. එමෙන්ම, චිත්‍රපටය ලොව වටා බෙදාහරිනු ලබන්නේ, ලෝක ප්‍රසිද්ධ universal studios ආයතනය විසිනි.

සිය ආදරණිය බිරිඳගේ අකල් වියෝව සිය සිත්හි තබාගෙන, සිය ප්‍රාණ සම වැනිවූ සුරතල් දියණිය සමගින්, කිසිවෙකුටත් කරදරයක් නොමැතිව, තමන්ගේ පාඩුවේ ජිවත් වූ, රැකියාවෙන් ආරක්ෂකයෙකු වූ පුද්ගලයෙක්… සාමය රජයමින් තිබුනා වූ මෙම නිවසට අවාසනාව කැන්දාගෙන එමින්, කිසිවෙකු හෝ නොසිතන මොහොතක මෙම නිවසට බලහත්කාරයෙන් ඇතුල් වන නාදුනන කල්ලිය කවුරුන්ද… සිය සිඟිති දියණියගේ ආරක්ෂාව වෙනුවෙන්, මෙම නාදුනන කල්ලිය හමුවේ අසරණ වන මෙම පියා කුමන අන්දමේ තීරණයක් ගනීද… මෙමගින් ඇතිවෙන්නාවූ ප්‍රතිවිපාක හමුවේ, ලෝකයා හමුවේ හෙළිදරව් වූ, ලොවෙන් සැඟවී සිටි මෙම නාදුනන පුද්ගලයා කවුරුන් වේද… එදා මෙදා තුර ඉතිහාසයේ, යුරෝපයෙන් නිෂ්පාදනය කළාවූ අතිශය දරුණුම ඝාතකයා මොවුන් පසු පස හඹා ඒමට තරම් මොවුන්ගේ අතීතය කුමන තත්වයක පැවතියේද… මේ සියල්ල පිටුපස සිටිමින්, අදෘශ්‍යමානව මේ සියල්ල මෙහෙයවන්නාවූ, ලොවට අතාවශ්‍යම අපරාධකරුවෙකු වන, මහ මොලකරුවා කවුරුන් වේද… මේ සියල්ල මෙතැන් සිට ප්‍රේක්ෂක ඔබ සැමට භාරයි.

ක්‍රියාදාම චිත්‍රපට ප්‍රියකරන ප්‍රේක්ෂකයින් හැමදෙනාම අරගෙන බලන්න. අතිශය ඉහල මට්ටමේ, තාත්වික ක්‍රියාදාම සහිත චිත්‍රපටයක් බැව් නොබියව පැවසිය හැකියි. එහෙනම්, තවත් චිත්‍රපටයකින් හමුවන තුරාවට, සියලු දෙනාටම ජයවේවා!!!

ලබාදී ඇති උපසිරැසි ගැලපෙන පිටපත්

Eliminators.2016.720p.BRRip.850MB.MkvCage
Eliminators.2016.720p.BluRay.x264-ROVERS
Eliminators.2016.1080p.BluRay.x264-ROVERS
Eliminators.2016.BDRip.x264-ROVERS
Eliminators.2016.480p.x264-mSD
Eliminators.2016.BluRay.1080p.5.1CH.x264.Ganool
Eliminators.2016.BluRAy.720p.700MB.Ganool

 

 

 

Due to copyright issues, we do not provide any torrent links.

ලබා දී ඇති උපසිරසි ඉහත පිටපත් සඳහා අදාළ වේ.

13,665 downloadsDownload Eliminators.2016.Baiscopelk.com_.zip52 KB

 

https://d36zzuvfojr38z.cloudfront.net/wp_content/uploads/2016/05/SisilaPrasad.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.