Inescapable (2012) Sinhala Subtitles | දියණිය සොයා.. [සිංහල උපසිරැසි සමඟ]

ඔන්න යාළුවනේ තවත් හොඳ විදේශීය චිත්‍රපටියක් සිංහලෙන් උපසිරැසි සමගින් අරගෙන ආයෙත් මම ඔයාලා හමුවට ආවා.. IMDb රේටින් 5.1/10ක් ලබාගෙන තියෙන මේ චිත්‍රපටිය මේ සතියේ ලොව හොඳම චිත්‍රපටි 500 අතර 76වෙනි ස්ථානයේ රැඳී තියෙනවා වගේම මේ චිත්‍රපටියේ ප්‍රධාන චරිතය රඟදක්වන්නේ Star Trek: Deep Space Nine (1993), Kingdom of Heaven (2005), Clash of the Titans (2010), Reign of Fire (2002) වැනි චිත්‍රපටි වලට සුපිරි රංගනයකින් දායකත්වය ලබා දුන් Alexander Siddig විසිනුයි… මේ වසරේ පෙබරවාරි 22 තිරගත වීම ඇරඹුන මේ චිත්‍රපටිය කැනේඩියානු ඩොලර් මිලියන 4ක බොක්ස් ඔෆිස් ආදායමක් උපයාවියැයි විචාරකයින් පවසනවා. මේකෙ කතාවත් ටිකක් Taken (2008) චිත්‍රපටියේ කතාවට සමානයි වගේ බැලූ බැල්මට පෙනුනට මේක ඊට වැඩිය හාත්පසින්ම වෙනස් කතාවක්..

අඩීබ් කියන්නේ තම පවුලත් එක්ක කැනඩාවේ සාමකාමීව ජීවත් වෙන පුද්ගලයෙක්. ඔහු රැකියාව කරන්නේ බැංකුවකයි . ඔහුට දියණියන් දෙ‍දෙනෙක් ඉන්නවා. එයින් එක් දියණියක් වන මුනා වෘත්තියෙන් ඡායාරූප ශිල්පිණියක්.. පැවරුමක් සම්පූර්ණ කරන්න හිතාගෙන ග්‍රීසියට යන මුනා හදිසියේම කාටවත් නොකියා සිරියාවේ ඩැමස්කස් වලට යනවා. එහෙම යන්නේ ඇගේ පියා කවදාවත් ඔවුන්ට කියලා නොතිබුන ඔහු‍ගෙ අතීතය ගැන ඇත්ත හොයා ගන්නයි. එහේදි මුනා එකපාරටම අතුරුදහන් වෙනවා.. ග්‍රීසියේ ඉඳලා ඇය ඒමට නියමිතව තිබුනු ගුවන් යානයේ ඇය නොපැමිණි බව ඇගේ පෙම්වතා අඩීබ්ට දැනුම් දෙනවා. මේක දැනගත්ත ගමන්ම අඩීබ් කරන්නේ තම දියණිය හොයාගෙන සිරියාවට යන එකයි… සිරියාව කියන්නේ අඩීබ්ට නුහුරු රටක් නෙවෙයි. අඩීබ් කලින් ජීවත් වෙලා තියෙන්නේ සිරියාවේ ඩැමස්කස් නුවරයි. ඒ වගේම ඔහුට සිරියාවේ ෆාතිමා නමින් පෙම්වතියකුත් ඉඳලා තියෙනවා. ඇයගේ උපකාරය මත තමයි අඩීබ් සිරියාවට ඇතුළු වෙන්නේ.. ඉතින් අඩීබ් සිරියාවට ගිහින් ෆාතිමාවත් මුණගැහිලා ඇයත් එක්ක කෙලින්ම යන්නේ මුනා නැවතිලා හිටිය හෝටල් කාමරයටයි. ඒ කාමරයේ මුනාගෙ කැමරාව ඇරෙන්න අනිත් හැම දේම තියෙනවා. ඒ වගේම ඒ රටේ හොයාගන්න අමාරු විදිහේ විස්කි බෝතලේකුත් අඩීබ්ට හමුවෙනවා..

ඉතින් යාළුවනේ.. කතාව ගැන වැඩිය කියන්න යන්නෙ නැහැ.. අඩීබ්ට මොනවද සිරියාවත් එක්ක තියෙන සම්බන්ධතා? ඇයි අඩීබ් සිරියාව අතඇරලා කැනඩාවට යන්නේ? මුනා කොහොමද එකපාරටම අතුරුදහන් වෙන්නේ? අඩීබ් තම දියණිය හොයා ගන්න මොන වගේ දේවල්ද කරන්නේ? අඩීබ්ට කවුද උදව් කරන්නේ? සිරියාවේ අඩීබ්ට හතුරෝ ඉන්නවද? එහෙම ඉන්නවනම් ඔවුන්ගෙනුත් බේරිලා මුනාව පණපිටින් හොයා ගන්න පුළුවන් වේවිද කියලා චිත්‍රපටිය බලලම දැනගන්න.. ජයවේවා!

 

 

Due to copyright issues, we do not provide any torrent link.

මෙම ලබා දී ඇති උපසිරැසි DVD පිටපත් සඳහා අදාළ වේ.

2,190 downloadsDownload Inescapable.2012.rar27 KB

https://d36zzuvfojr38z.cloudfront.net/wp_content/uploads/2012/10/දිනිඳු-සම්පත්.jpg මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012/06/14