Naam Hai Akira AKA Akira (2016) with Sinhala Subtitles | අසාධාරණයට එරෙහිව තනිව ඇය..! [සිංහල උපසිරැසි සමග]

පුංචි කාලේ ඉඳන්ම මට මුහුණ දෙන්න උනේ මගෙ වයසට වගේම ගෑණු ළමයෙක්ට සාමාන්‍යයෙන් ඔරොත්තු නොදෙන දේවල් වලට. මගෙ ජීවිතේ හැමදාමත් කරදර, අවදානම් හොයාගෙන ගියා. ප්‍රශ්නයි කරදරයි මගෙ ජීවිතේට බද්ධ වෙලයි තිබ්බේ.. සාමාන්‍ය කෙල්ලෙක් ගෙවන සියුමැලි ජීවිතේ නෙමේ මම ගෙව්වේ. කොටින්ම කිව්වොත් සමහරවෙලාවට මගේ ඇඟේ ලේ හොල්ලන සිදුවීම් පවා උනා. ඔයාලා විශ්වාස කරයිද දන්නේ නෑ, මං ඒ වෙද්දිත් පුංචි කෙල්ලෙක්. මේ දේවල් හින්දා සාමාන්‍ය කෙල්ලෙක් කරන දේවල් නෙමේ මට කරන්න සිද්ධ උනේ. වෙන ගැහැණු ලමයි නැටුම් පංති යන වයසෙදි මට යන්න උනේ කරාටේ පංති වලට. ජීවිතේ දරදඬු උනා. කෙල්ලෙක් වෙලත්, වලි දාගෙන ලේ පෙරාගෙන ගෙදර එද්දි අම්මලටත් ඒක අමුත්තක් උනේ නෑ.

පොඩි කාලේ ඉඳන් මට අසාධාරණේ පේන්න බැහැ. දවසක් ඒ වගේ අසාධාරණයක් වෙනුවෙන් පෙනී හිටින්න ගිහිල්ලා මගෙ මුලු ජීවිතේම ආපස්සට ගියා. පුංචි වයසෙන්ම මට පරිවාස භාරයට යන්න උනා. අන්තිමේදි මං නිර්දෝෂයි කියලා ඔප්පු උනත්, මගෙ ඉස්කෝල ජීවිතේ අවුරුදු තුනක්ම මං අහිමි කරගෙන තිබුණා.

ජීවිතේ ලොකුම පෙරළිය සිද්දවෙන්න ගත්තේ මං අම්මත් එක්ක ගම අත ඇරලා මුම්බායි ගියාට පස්සේ. අයියා මුම්බායි වල හිටියට මං එයාගේ ගෙදර නතර උනේ නෑ. මට ඕන උනේ තනියෙන් ඉන්න. ඒ හින්දා මං කොලේජ් එකේ හොස්ටල් එකේ හැමෝම අත ඇරලා දාපු කාමරයක් මගෙ පදිංචිය කරගත්තා. පුරුදු විදිහට අලුත් කොලේජ් එකේදිත් ප්‍රශ්න මං පස්සෙන් පන්නන්න ගත්තා. කොලේජ් එකේ පොරවල් කියලා හිතාගෙන ඉන්න එවුන්ට මාව වහ කදුරු වගේ උනා. ඒත් මං හැමදේකින්ම ඈත් වෙලා මගෙ ඉගෙනීමට විතරක් හිත යොමු කරගෙන හිටියේ. ඒත් දෛවය මට එහෙම ඉන්න දුන්නේ නෑ.

දවසක් මහ රෑ… මගෙ කාමරේ ඉස්සරහ කවුදෝ පොඩි බෑග් එකක් දාලා ගිහින් තිබුණා… ඒ බෑග් එක… මගෙ  ජීවිතේම නරකාදියකට ඇදලා දාපු ඒ බෑග් එක…. නිදන් හිටපු සිංහයෙක්ව ඇහරපු ඒ බෑග් එක…..!!

කවුරුහරි ඔයාගෙන් එදා මෙදාතුර බලපු හොඳම, ගතිම හින්දි චිත්‍රපට මොනාද කියලා ඇහුවොත් ඔයාගෙ උත්තරේට අනිවා Ghajini (2008) සහ Holiday (2014) ඇතුලත් වෙයි. මේ චිත්‍රපට දෙකම අධ්‍යක්ෂනය කරලා තියෙන්නේ A.R. Murgadoos  විසින්. ඔන්න මෙයා මේ අවුරුද්දෙත් අලුත් චිත්‍රපටියකට අත ගැහුවා. ඒ තමයි දැන් ඔයාලා බලන්න යන Akira. පොඩි ඉඟියක් දුන්නොත් මේක තමා Mouna Guru (2011) කියන දෙමල චිත්‍රපටියේ Remake එක. ලොකු වෙනසක් තියෙනවා, ප්‍රධාන චරිත වල. දෙමළ චිත්‍රපටියේ ප්‍රධාන චරිතය කොල්ලෙක් උනත්, Akira එකේදි ප්‍රධාන චරිතේ වෙන්නේ නම් කෙල්ලෙක්.

Murgadoosගේ කලින් නිර්මාණ තරම් මේක සාර්ථක උනේ නම් නැහැ. ඒවා තරම් ලොකු ආදායමකුත් උපයා ගත්තේ නැහැ. හැබැයි කිසිම කම්මැලිකමක් නැතුව බලන්න පුලුවන් චිත්‍රපටියක් කියලා ඉහළින්ම නිර්දේෂ කරන්න පුලුවන්.  පොඩ්ඩක් පරක්කුයි නම් තමා  මේක මම කරන්න ගත්තත්  මයුර කලින් කරන්න ඉඳලා  තියෙන්නේ මේ සබ් එකෙනුත් වැඩි හරියක් කරෙත් මයුරම තමා සබ් එක කරන්න තිබ්බ ආසාව නිසාම මයුරට ඉවර කරන්න නොදී මමම ඉවර කරලා  දුන්නේ. පරක්කුවට සමාවෙන්න ඕනේ තේ කඩ වගේ සබ් දෙන අය දැන් වැහි වැහැලා උනාට  බයිස්කෝප් එකෙන් දෙනකම් බලාගෙන ඉන්න අයට එහෙනම් රස විඳින්න කියලා ඉල්ලන ගමන් සමුගන්නවා.

ලිපිය-මයුර සුරාජ්

 

 

 

Due to copyright issues, we do not provide any torrent links.

Akira-2016.1CD.DVDRIP.X264  මෙම ලබා දී ඇති උපසිරසි ඉහත පිටපත සඳහා අදාළ වේ.

18,420 downloadsDownload Akira-2016.Baiscopelk.com_.zip58 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “ගයාන් රූකාන්ත” සහ “මයුර සුරාජ්” සොහොයුරන් හට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.