Ninnu Kori (2017) With Sinhala Subtitles | ඔබට සුභපතමි..! [සිංහල උපසිරැසි සමඟ]

ඔන්න තවත් අලුත්ම ෆිලුමක් අරගෙන ආයෙත් ඉක්මනින්ම ආවා.මේක තෙලිගු ෆිලුමක්.මම හිතන්නේ මේකත් තෙලිගු රසිකයන් බලාගෙන හිටපු ෆිලුමක්.ඒත් හැමෝටම දැනගන්න ෆිලුම ගැන පොඩි විස්තරයක් කරන්නම්.මේක අයත්වෙන්නේ Comedy, Romance ප්‍රභේදයන්ට.Nenu Local (2017),Gentleman (2016) වගේ මෑත කාලීනව ජනප්‍රිය වුනු චිත්‍රපටවලට රංගනයෙන් දායක වුනු Nani මෙහි සුපිරි තරුව ලෙස රඟපානවා.ඒ වගේම Nivetha Thomas තමයි ප්‍රධාන නිළිය.එයත් Gentleman(2016) ෆිලුමට රංගනයෙන් දායක වුනා.ඒ වගේම තෙලිගු,දමිළ චිත්‍රපටි කිහිපයකම ප්‍රතිවීර චරිතයට පණ පොවපු Aadhi Pinisetty මෙහි වෙනස් චරිතයකට පණ පොවනවා.ජූලි 7වෙනිදා තිරගතවීම් අරඹපු මේ ෆිලුමට සෑහෙන ධනාත්මක ප්‍රතිචාර ලැබුණු බවක් තමයි ගොඩක් චිත්‍රපටි සම්බන්ධ මුලාශ්‍ර වලින් කියවෙන්නේ.ඒ වගේම ෆිලුමේ රූගත කිරීම් කරලා තියෙන්නේ ඇමෙරිකාවේ සහ ඉන්දියාවේදී.

ෆිලුම පටන්ගන්නේ පල්ලවී උදේ අවදිවෙලා තමන්ගේ සැමියා-අරුන් සොයන සිද්දියත් එක්ක.මේ කියන දවසේ තමයි මේ දෙන්නගේ විවාහයේ පළවෙනි සංවත්සරය යෙදිලා තියෙන්නේ.ඒ වෙනුවෙන් අරුන් පල්ලවීට පුදුමකිරීමක් ලැහැස්ති කරලා තියෙනවා.ඒ වගේම පල්ලවීට අරුන්ගෙන් ලස්සන තෑග්ගකුත් ලැබෙනවා.මේ දේවල් එක්ක මේ දෙන්නා බොහොම ආදරයෙන් ඉන්න යුවලක් කියලා තමයි අපිට හිතෙන්නේ.මේ අතර අරුන් එයාගේ රැකියාවට යන්න ලැහැස්ති වෙද්දී පල්ලවී කියනවා විවාහ සංවත්සරයේ සාදයේ වැඩ හින්දා පල්ලවී එදා එයාගේ රැකියාවට යන්නේ නැති බව.ඒත් අරුන් ගෙදරින් පිටවෙලා ගිය ගමන් පල්ලවී බොහොම කලබලයෙන් ලැහැස්තිවෙලා ගෙදරින් එලියට බහිනවා.එයා මේ විදියට එලියට ගිහින් හමුවෙන්නේ උමා කියන තවත් තරුනයෙක්ව.මෙයාගේ පැමිණීමෙන් උමා ගොඩක් සතුටු වෙනවා.ඔය විදියට තමයි ෆිලුම පටන්ගන්නේ.

තෙලිගු ආදර කතා බලන්න කැමති අයට අනිවාර්යෙන්ම ෆිලුම අරගෙන බලන්න කියලා ආරාධනා කරනවා! ෆිලුමේ ලස්සන ගීත කිහිපයක්ම ඇතුලත් වෙනවා.මේකේ සංගීත නිර්මාණය කරලා තියෙන්නේ මෑත කාලීනව ජනප්‍රිය වුනු විශාල මලයාලම් චිත්‍රපට සංඛ්‍යාවකට සහ තවත් දමිළ,තෙලිගු චිත්‍රපටවලට සංගීතය සැපයූ Gopi Sundar.මේකේ හොඳ පිටපතක් අන්තර්ජාලයට මීට සති කිහිපයකට කලින් නිකුත් වුනත් ඉංග්‍රීසි උපසිරැසියක් නිකුත් වෙන්නේ නම් මීට දින කිහිපයකට කලින්.ඒක දැකපු ගමන් තමයි ෆිලුම භාර අරගෙන කරන්න ගත්තේ.මේ ෆිලුම මම උපසිරැසිකරණය කරපු ෆිලුම් විසි හතෙන් පළවෙනි තෙලිගු උපසිරැසි ගැන්වීම.ඒ නිසා ෆිලුම බලලා උපසිරැසිය ගැන යම් අදහසකුත් දාලා යන්න අමතක කරන්න එපා කියලා අවසාන වශයෙන් මතක් කරනවා.තවත් ෆිලුමකින් ආයෙත් හමුවෙමු! එතෙක් ඔබට ජය!

 

 

 

 

Due to copyright issues, we do not provide any torrent links.

Ninnu Kori (2017) Telugu HDRip

Ninnu Kori (2017) Telugu WebRip

මෙම ලබා දී ඇති උපසිරසි ඉහත පිටපත් සඳහා වලංගු වේ.

https://d36zzuvfojr38z.cloudfront.net/wp_content/uploads/2017/01/TharinduRRasanga1-e1485642059118.jpg මේ ලබා දී ඇති සිංහල උපසිරැසි පිළිබද “තරිඳු රසාංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-01-29
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.