Quill: The Life of a Guide Dog (2004) |”කුයීල්”: ලෙංගතුකමට අරුතක්..! [සිංහල උපසිරසි සමඟ]

ඔන්න මම මගේ 3 වෙනි උපසිරැසි ගැන්වීම අරන් ආවා…හැබැයි මේ සැරේ අරන් ආපු එක නම් මීට කලින් දුන්නු ඒවට වැඩිය හාත්පසින්ම වෙනස් එකක්.ඒක ඉතින් කවර් එක බලපු ගමන්ම තේරෙනවානෙ නේද. බය හිතෙන විදිහෙ කිසිම දෙයක් අඩංගු නැති,Adventure ගෑවිලාවත් නැති ඉතාම සරල අහිංසක කථාවක් ඇතුලත් චිත්‍රපටයක් තමයි ඉතින් මේ සැරේ දෙන්නෙ වෙනසකටත් එක්ක…මේකෙ නම “කුයීල්”.කථාව පුරාවටම තියෙන්නෙ ඉතින් මේ අහිංසක බලු රාලගෙ ජීවිතය ගැන තමයි ඉතින්.ඔයාලා “හචිකෝ” ගෙ කථාව බලලා ඇතිනෙ. Hachi: A Dog’s Tale (2009). ඒ වගේම A Tale of Mari and Three Puppies (2007). ඒ වගේ චිත්‍රපටවලින්, කථා කරන්නට බැරි වුනත් මීනිස්කම් හොඳින් හදුනගත්, මිනිසුන් ට ආදරය,ලෙංගතුකම,කෙලෙහිගුන පෙන්වන සිව්පා සතුන් (කථාවෙ හැටියට ඉතින් බලු රාල ලා) ගැන මනාවට ලොවට කියන්නට උත්සාහ දරා තිබුනු හැටි ඔබට මතකයි නේද..!මේකත් ඒ වගේ තේමාවක් රැගත් එකක් හැටියට හදුන්වන්න පුළුවනි…

කොහොම වුනත් මේ වගේ තේමාවන් තියෙන චිත්‍රපටි වලට හුඟක් දෙනා කැමති නොවෙන්නත් ඉඩකඩ තියෙන නිසා බාගන්න කලින් “ට්‍රේලර් එක” බලලා බා ගැනීම, නොගැනීම තීරණය කලොත් හොඳයි. ඉතින්, මේ අපේ කථා නායක “කුයීල්” ගෙ උපතේ ඉඳලා, එයා හැදෙන වැඩෙන හැටි එයාගෙ ජීවිතය ගෙවෙන හැටි අඩංගු මේ චිත්‍රපටය සුරතල් සතුන්ට ආදරය කරන අපේ රසිකයෝ ඉන්නවනම් එයාලට හුඟක් ගැලපෙයි කියලා හිතනවා.ඉතාම සරල කථා තේමාවක් තමයි අඩංගු වෙලා තියෙන්නේ.

ඉතින්,මේ චිත්‍රපටය ජපන් චිත්‍රපටයක්.මේක ජපානෙදි තිරගත වෙලා තියෙන්නේ 2004 මාර්තු 13 වෙනිදා,අනිකුත් රටවල් වලදි ඊට පසුව තිරගත වෙලා තිබුනත් U S A වලදි මේක තිරගත වෙලා තියෙන්නේ හුඟාක් පස්සේ.ඒ කිව්වෙ 2012 දි.සෑහෙන කාලෙකට පස්සෙ. මේකට හිමිවෙලා තියෙන IMDb අගයත් ඉතින් සුළුපටු නැහැ. ඒ 7.2 ක් හැටියට.මේකට සබ් දෙන්න හිතන්න ඒකත් හේතුවක් වුනා.මේ කථාව වර්ගීකරනය පැත්තෙන් ගත්තොත් අපිට දාන්න පුලුවන් Drama, ළමා, වගේ ඝනයට තමයි.පවුලේ හැමෝටම එකට රස විදින්න පුළුවන් කියලත් කියන්න පුළුවනි. 🙂

“කුයීල්” කියන්නෙ තවත් සහෝදර බලු පැටවුන් 4 දෙනෙක් සමග මෙලොව එළිය දකින “ලැබ්‍රඩෝර්” වර්ගයට අයත් සාමාන්‍ය බලු පැටියෙක්.එයාව කොහොම,කොහොම හරි තෝරගන්නවා අන්ධ අයට මග පෙන්වන බල්ලෙක් විදිහට පුහුනු කිරීම සඳහා.ඒ විදිහට අන්ධ පුද්ගලයින්ට මග පෙන්වන බල්ලන් විදෙස් රටවල් වල හුඟක් දකින්න පුළුවන්.ලංකාවෙත් එහෙම දැන් තියෙනවද දන්නෙ නම් නෑ..කොහොම වුනත් ඉතින් “කුයීල්ගේ” ජීවිතේ තමයි මේ කථාවෙ තියෙන්නේ.එයාට කථාව පුරාවටම හමුවන චරිත,එයා මුහුන දෙන අත්දැකීම් වගේ දේවල් වලින් කථාව ගලායන්න ඉඩ හැර තිබෙනවා. 🙂

(මේකත් ටිකක් කියන්න ඕනේ, මේකෙ සීඩ්ස්, මම බාගන්නකොට තිබුනා වගේ නම් නෙමෙයි සෑහෙන්න අඩුවෙලා (සතියක් ඇතුලත ) ඒ නිසා සීඩ්ස් ටිකක් වැඩි කරලා අනිත් අයටත් සහයෝගයක් දෙන්න පුළුවන්නම් අගය කරනවා.) ඉතින් මම කථාව ගැන දුන්නෙ කෙටි හැදින්වීමක් පමනයි. කැමති අය බාගන්න ගමන් අදහසකුත් තියලා ගියොත් ස්තූතිවන්ත වෙනවා. එහෙනම්, නැවත හමුවෙමු.සැමට ජය..! 😉

“”අවසානෙට මට හිතුනෙ මේ ජීවිතේ පුරාවටම අපිට මොන මොන චරිත මුන ගැහෙනවද, සමහරු එනවා යනවා, සමහරු ටික කාලයයි, තවත් අය ජිවිතේටම බැඳිලා ඉන්නවා.ඒත් ඉතින් අන්තිමට, ඒ හැමෝගෙම මතක විතරක් නෙමෙයිද අපිට ඉතිරි වෙන්නෙ..! සතෙක් වුනත් එහෙමයි,ඒවා සමහර වෙලාවට පෙර භවයන් වල අපි පතපු විදිහට වෙනවා වෙන්නත් පුළුවන්.තිරිසන් සතෙක් වෙලා හරි මේ ආත්මෙදි අපි ලඟට එන්නෙ ඒ විදිහෙ ප්‍රාර්ථනාවන් හින්දා වෙන්නත් පුළුවන්. ඒ කොහොම වුනත් මිනිස් ආත්මයක් ලබලා තියෙන අපි හැමෝම අනිත් හැම ජීවිතයකටම ආදරේ කරමු..ඒ වගේම කිසිම වෙලාවක ‘ශාරීරික ආබාධ ඇති කෙනෙකුට, අයට’ කිසි වෙලාවක හිනාවෙන්නවත් සරදම් කරන්නවත් එපා. ඒ අයට හැම තිස්සෙම අනුකම්පා සහගත වෙමු. ඒ වගේ අය වෙනුවෙන් අපේ ආදරය කරුණාව උපරිමව දෙමු.එහෙම ඒවා කිසිදවසක අපතේ යන්නෙ නෑ…””

 

 

700 MB (DVD) කොපිය මෙතනින් බාගන්න

aa17dbeecaa97268c2ef37fca0a063ad96dd401d ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

620 downloadsDownload Quill-The-Life-of-a-Guide-Dog-2004.zip27 KB

 

https://d36zzuvfojr38z.cloudfront.net/wp_content/uploads/2014/09/Dayan-Madushanka-e1411154216455.jpg මේ ලබා දී ඇති සිංහල උපසිරැසි පිළිබද “දයාන් මදුශංක ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.