Superman III (1983) with Sinhala Subtitles | සුපිරි මිනිසා 3 [සිංහල උපසිරසි සමඟ]

ආයුබෝවන් යාලුවනේ. ඔන්න මම මගේ හැත්තෑ නව වන උපසිරැසිය අරගෙන ආවා. මේ මම දුන්න සුපර් මෑන් කතා මාලාවේ තුන්වන කොටස. මේ චිත්‍රපටයේ නිෂ්පාදන කටයුතු කරන කාලයේදී තමා මේ චිත්‍රපට මාලාවට ගැටළු රැසකට මුහුණ දෙන්න වෙන්නේ. ඒ තමා ලොයිස් ලේන් චරිතය රඟපාන ලද Margot Kidder වැනි අය සමග චිත්‍රපටයේ නිෂ්පාදන කටයුතු කරන Pierre Spengler මත ගැටුම් ඇති කර ගන්නේ. ඒ සුපර් මෑන් කතා තේමාවේ වෙනස් කම් සහ ඔහු අලුතින් මේ හා සමගාමිව නිර්මාණය කරන්න පටන් ගත්ත සුපර් ගර්ල් චිත්‍රපටයේ අන්තර්ගතය සම්බන්දයෙන්. මේ හින්දම ඔහු විසින් Margot ව චරිතයෙන් ඉවත් කරනවා. ඒ හින්ද තමා ඔයාලට මේ චිත්‍රපටයේ ලොයිස් ලේන් ගේ චරිතය ඉතාමත් සුළු කොටසකට පමණක් දක්නට ලැබෙන්නේ. කොහොම උනත් IMDb අගය 4.9 අරන් තියන මේ චිත්‍රපටය ඩොලර් මිලියන තිස් නවයක වියදමෙන් නිර්මාණය වී ඩොලර් මිලියන අසූවකට වැඩි අදායමක් අරගෙන තියනවා.

කතාව යන්නේ මෙට්‍රොපොලිස් නගරයෙන් පිටවෙලා පාසලේ හමුවකට ගම්පලාතට සුපර් මෑන් යාමත් එක්ක. ඒ අතරේ රෝස් වෙබ්ස්ටර් කියන පොහොසත් ව්‍යාපාරිකයෙක් පරිගණක ඉංජිනේරුවෙක් ගේ උපකාරය ඇතුව ලොව පොහොසත් වීමට උත්සාහ ගැනීමත් එයට එරෙහිවීම නිසා සුපර් මෑන්ට එරෙහිව කෘතිමව සාදන ලද ක්‍රිප්ටනයිට් යොදා ගැනීමත් ඇතුලත්. සුපුරුදු වීර ක්‍රියාවලින් ඉවත්වෙලා සුපර් මෑන් බොන්න පුරුදු වීම සහ වෙනත් නුසුදුසු ක්‍රියාවන් සිදුකිරීමත් පසුව කෙසේහෝ අවසානයේ රෝස් ව පරාද කිරීමත් තමා මේ චිත්‍රපටයේ දක්නට තියෙන්නේ. ඉතාලියේ ඇලවුනු පිසා කුලුන කෙලින් කිරීම වැනි දර්ශන ඇතුලත් ව තියන මේ චිත්‍රපටය එම කාලයේ තිබු උසස්ම තාක්ෂනය යොදාගෙන නිර්මාණය කරලා තියන හින්දා ඔයාලට කම්මැලි නැතුව බලන්න පුළුවන්.

මම ඊළඟට ඔයාලට අරගෙන එන්නේ මේ චිත්‍රපට මාලාවේ සුපර් මෑන් ට සමගාමිව නිර්මාණය උන සුපර් ගර්ල් චිත්‍රපටය. ඉතින් එකත් අරගෙන එන බලාපොරොත්තුවෙන් සමු ගන්නම්. ඒ වගේම සුපුරුදු විදියට ඔයාලගේ අදහස් සහ යෝජනා කමෙන්ට් හරහා ලබාදෙන්න කියලත් කියනවා.

බුදු සරණයි…!

Superman (1978) | සුපිරි මිනිසා 1

Superman II (1980) | සුපිරි මිනිසා 2

 

 

 

Due to copyright issues, we do not provide any torrent links.

 

Superman.III.1983.720p.BrRip.264.YIFY

මෙම ලබා දී ඇති උපසිරැසි සියළුම Blu-Ray පිටපත් සඳහා අදාළ වේ.

257 downloadsDownload Superman.III_.1983.Baiscopelk.com_.zip88 KB

 

https://d36zzuvfojr38z.cloudfront.net/wp_content/uploads/2016/08/AsankaGAP.jpg මේ ලබා දී ඇති සිංහල උපසිරැසි පිළිබද “අසංක ප්‍රදීප් රණතුංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.