The Fugitive (1993) Sinhala Subtitles | කෙදිනක හෝ සොයා ගනිමි ! [සිංහල උපසිරැසි සමග]

කොහොමද යාළුවනේ ගොඩක් කාලේකට පස්සේ බයිස්කෝප් අඩවියට උපසිරැසියක් ගේන්න තමයි සූදානම් වෙන්නේ. පරිගනකයේ දෝෂයක් නිසා ගොඩ දවසකින් උපසිරැසියක් නිර්මාණය කරන්න බැරි උනා. ඔෆිස් එකේ PC එකෙන් තමයි මේ වැඩෙත් කර ගත්තේ. බොසා මේක දැක්කොත් මාර වැඩේ. 😛 ඉතිං මේ ෆිලුම ගැන මාව දැනුවත් කරේ අපේ බයිස්කෝප් පවුලේ නිරෝෂ් ගුණසේකර සහෝදරයා. උපසිරැසි ගැන්වීම සදහා මට අවසර දුන්නේ අපේ තිසර නියෝ සහෝ. ඒ වෙනුවෙන් සහෝලා දෙන්නටම ස්තූතිවන්ත වෙනවා. 1960 දී The Fugitive යන නමින්ම විකාශය වූ ටීවී කතා මාලාව ඇසුරින් නිර්මාණය කරන ලද මෙම සිත්තම 7.8ක් වැනි ඉහල IMDb අගයක් ලබා ගැනීමටත් Rotten Tomato හී 96% ක අගයක් ලබා ගැනීමටත් සමත් වෙනවා. Crime/Thriller යන කාණ්ඩ වලට අයත් මෙය සලරුව අධ්‍යක්ෂනය කර ඇත්තේ Andrew Davis නම් අධ්‍යක්ෂවරයායි.

ගොඩක් වෙලාවට අපි අපේ එදිනෙදා වැඩකටයුතු ඉවර කරලා ඉක්මනටම ගෙදර යන්නේ තමන් ආදරය කරන කෙනාව, එහෙමත් නැත්තම් තමන්ගේ බිරිඳව මුණගැසිලා එයාලත් එක්ක කාලය ගත කරන්නයි. එහෙම එන වෙලාවක තමන් ගෙදර නැති අතරතුර තමන් ආදරය කරන කෙනාට කරදරයක් වෙලා තිබුනොත් අපිට මොනවා හිතෙයිද? අපිට ඒ වෙලාවේ එයා ළග ඉන්න බැරි උන එක ගැන ගොඩක් දුක්වෙයි. ඒ වගේම ඒ වෙනුවෙන් ඕනම දෙයක් කරන්න අපි ලෑස්ති වෙයි. දොස්තර රිචඩ් කිම්බල්ට වෙන්නෙත් ඉහත කිව්වා වගේම වැඩක් තමයි. ඔහු රෝහලේ සිට ගෙදර එද්දී ඔහුගේ බිරිඳව ඝාතනය කර තිබෙනවා. ඒ වගේම පොලීසිය සැක කරන්නෙත් රිචඩ්වම තමයි. ඒත් රිචඩ් කියන විදියට ඔහුගේ බිරිඳව ඝාතනය කරලා තියෙන්නේ බොරු අතක් දා ගත්ත පුද්ගලයෙක්. නමුත් පොලීසියට ඒ ගැන කිසිම හෝඩුවාවක් හොයා ගන්න බැරි වෙනවා. ඔක්කොම සාක්ෂි තියෙන්නෙත් රිචඩ්ට විරුද්ධවයි. අන්තිමට කොහොමින්හරි නොකරපු වරදකට රිචඩ්ට මරණ දඬුවම හිමි වෙනවා. බන්ධනාගාරයට යන අතරතුර වෙන රිය අනතුරකින් පස්සේ රිචඩ්ට වගේම තවත් හිරකරුවන් කිහිපදෙනෙක්ට පැනලා යන්න පුලුවන් වෙනවා. තමන්ගේ බිරිඳගේ ඝාතකයා හොයා ගන්න එක තමයි රිචඩ්ගේ ගේ එකම අරමුණ තමයි. මේ අතරතුර සිරකරුවන්ගේ පැනලා යාම ගැන පරීක්ෂණය භාර වෙන්නේ U.S. මාෂල්වරයෙක් වෙන සැමුවෙල් ජෙරාඩ්ට. එයාගේ ප්‍රධානම අරමුණ තමයි රිචඩ්ව හොයා ගන්න එක. රිචඩ්ව හොයන එකත් ජෙරාඩ්ට ලේසි වෙන්නේ නෑ මොකද රිචඩ් වෛද්‍යවරයෙක් වගේම ඉතාම බුද්ධිමත් කෙනෙක් ඒ වගේම වෙස් වලාගැනීම හොඳ හැකියාවකුත් රිචඩ්ට තියෙනවා. ඒ වගේම ජෙරාඩ් කියන්නෙත් ලේසි පහසු කෙනෙක් නෙමෙයි එයත් රිචඩ් පැනලා යන්න කරන හැම උපක්‍රමයක් ගැනම හොයාගන්නවා.

ඉතින් රිචඩ්ට මොකද වෙන්නේ? කවුද මේ තනි අතේ ඝාතකයා? ජෙරාඩ්ට රිචඩ්ව අල්ලගන්න පුලුවන් වෙයිද? රිචඩ් තමන්ගෙ බිරිඳගේ ඝාතකයා හොයා ගනීද? මේ හැමදේම පිටිපස්සෙ ඉන්නේ කවුද? ඒ ගැන දැන ගන්න මේක ෆිලුම බලන්න කියලා ආරාධනා කරනවා. අවසානය වෙනකන්ම කුතුහලයෙන් ෆිල්ම් බලන්න කැමති අයට මේක හොඳ ෆිලුමක්. ඒ වගේම හොද තාත්වික දර්ශන රැසක් තියෙනවා. ප්‍රධාන චරිතය වෙන දොස්තර රිචඩ් කිම්බල් විදියට එක් වෙන්නේ සුපිරි, කීර්තිමත් රංගධර Harrison Ford. ප්‍රේක්ෂකයන්ට මෙයාව අමතක වෙන්නනම් විදියක් නෑ. Indiana Jones චිත්‍රපට පෙලේ පෞරාණික උරුමයන් සොයා යන ගවේෂකයා ඉන්ඩියානා ජෝන්ස් , එහෙමත් නැත්තම් Star Wars චිත්‍රපට මාලාවේ මණ්දාකිණියේ කුප්‍රකට සොර දෙටුවා හාන් සෝලෝ ලෙස පුරාවෘත්තගත චරිත නිරූපණය කල අද්වීතීය නළුවෙක් ලෙස හැරිසන් ෆෝඩ් හදුන්වන්නට පුලුවන්. ඒ වගේම සහය චරිතය වන සැමුවෙල් ජෙරාඩ් ලෙස සුප්‍රකට නලු Tommy Lee Jones දායක වෙනවා ඒ වගේම මෙය 1993 දී මිලියන 368.9$ ක බොක්ස් ඔෆිස් ආදායමක් ලබාගැනීමටත් සමත් වෙලා තියෙනවා. 1994දී හොඳම සහය නළුවාට හිමි ඔස්කාර් සම්මානය දිනා ගැනීමට Tommy Lee Jones සමත් වෙනවා. 1994 ජපන් චිත්‍රපට උළෙලේදී හොඳම විදේශ චිත්‍රපටය ලෙසත්, ASCAT චිත්‍රපට උලෙළේ TOP BOX OFFICE FILM ලෙසත් මේ සලරුව තේරි තිබෙනවා. ඒ වගේම තවත් සම්මාන රැසකට නිර්දේශ වී ඉන් සම්මාන දිනා ගැනීමට මේ සුපිරි සලරුව සමත් වෙලා තියෙනවා.

එහෙනම් ඔයාලත් ෆිල්ම් එක බලනන. හැමදාම වගේ කියන්න තියන්නේ ඉතිං ඔයාලගේ අදහස්/උදහස් පුංචි කොමෙන්ටුවකින් දාන්න කියලා තමයි. එතකොට ආයෙත් මේ වගේ උපසිරැසියක් කරන්න ධෛර්යය ලැබෙනවා.

එහෙනම් ආයෙත් හමුවෙනතුරු ජය වේවා!

මෙයට පෙර විකියා සොයුරා පලකල ලිපිය.

ප්‍රශ්න නැත්තේ කාටද?… ලොකේ හැමෝටම ලොකු පොඩි ප්‍රශ්න ගොඩාක් තියෙනව නේද?.. මේ බයිස්කෝප් එකත් කෙනෙකුට මුහුණ දෙන්න වෙන ලොකුම ලොකු ප්‍රශ්නයක් ගැන කියවෙන මැක්ෂා බයිස්කෝප් එකක්. මේ බයිස්කෝප් එකේ ප්‍රධාන චරිත රගපාන්නේ මගේ ආසම නළුවෙකු වන Harrison Ford විසින්… ඉතිං මේ බයිස්කෝප් එක රේටින් වල 7.8 අගයක් ගෙන ඔස්කාර සම්මානයක් පවා අරගෙන තියෙන සුපිරි එකක්…

ඔන්න කතාව පැත්තට හැරුණොත් Harrison Ford මේ බයිස්කෝප් එකේ රගපාන්නේ Dr. Richard Kimble නැමැති දොස්තරගේ චරිතයයි… තම බිරිද මැරීමේ චෝදනා පිට අත්අඩංගුවට ගන්නා Dr. Richard Kimble ඔහු එයට නිර්දෝෂී බව අනේකවර කියා සිටියත් අවසානයේ සිරගෙදරට නියමවෙයි. ඔප්පුකරන්නට කිසිත් සාක්ෂී නොමැති කල ඔහුට සිදුවන්නේ උසාවිය දෙන තීන්දුව පිළිගැනීමටය…

එහෙත් සිරගෙදර ප්‍රවාහණ බස් රථය තුළ සිදුවන්නේ නොසිතූ සිදුවීමක්ය. එයින් දිවි ගලවා ගන්නා මොහු තම බිරිද මැරූ පුද්ගලයා සොයා මෙහෙයුම අරබයි..ඒ ඔහුට මතක ඇති එකම එක සාක්ෂියක් පසුපසය.. ඒ තමාට පණ මෙන් ආදරය කල බිරිද වෙනුවෙන් කරන යුක්තිය ඉ‍ටු කිරීමයි.. එමෙන්ම පොලීසියද වැටෙන්නේ ලොකුම ලොකු උගුලකටය… මනාවට තැනට සුදුසු අයුරින් වෙස්වලා ගැනීමට උපන් හපන් ඇති මොහුව ඇල්ලීම ලෙහෙසි පහසු කටයුත්තක් නම් නෙමේ… ඒත් මුර බල්ලන් ලෙස මොහු ඇල්ලීමට වෙර දරන රහස් පරීක්ෂණ කණ්ඩායම් මං මුළා කර අරඹන මොහුගේ මෙහෙයුම සිතන තරම් ලේසි පහසු වන්නේ නැත.

ප්‍රශ්න, අභියෝග, බාධා කම්කටොලු මැද තිත්ත ඇත්ත සොයන මේ මිනිසා දෙස ඔබ බැලිය යුතුමය…

 

 

Due to copyright issues, we do not provide any torrent links. 

ලබා දී ඇති උපසිරසි BR පිටපත් සඳහා අදාළ වේ.

3,134 downloadsDownload The.Fugitive.1993.zip47 KB

මේ ලබා දී ඇති සිංහල උපසිරැසි පිළිබද “ යුරාන් ධනුක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2018-08-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.