The Marine 5 Battleground (2017) with Sinhala Subtitles | මාරාන්තික කල්ලියකට එරෙහිව මැරීන් සෙබලා නැවතත් ක්‍රියාන්විතයේ [සිංහල උපසිරැසි සමඟ]

ඔබත් ක්‍රියාදාම වර්ගයේ චිත්‍රපට නැරඹීමට ප්‍රියකරන්නෙක්ද? එසේනම්, වර්ෂ 2006දී, සුප්‍රකට රෙස්ලින් ක්‍රීඩක John Cena ගේ ප්‍රධාන රංගන දායකත්වය සහිතව ආරම්භවූ සුප්‍රකට The Marine චිත්‍රපට මාලාවේ එකඳු කතාවක් හෝ නරඹා තිබෙනු නිසැකයි. කිසිවෙකු හෝ නොසිතූ අයුරින් ලැබූ අනපේක්ෂිත ජනප්‍රියත්වය නිසාවෙන්ම, චිත්‍රපට නිෂ්පාදකයින් විසින් පළමු චිත්‍රපටයෙන් නොනැවතී දිගින් දිගටම චිත්‍රපට නිකුත් කරනු ලැබුවා. අතීත චිත්‍රපට පිළිබඳව මතක් කිරීමක් කරනු ලැබුවහොත්,

The Marine (2006) – ප්‍රධාන රංගන දායකත්වය, රෙස්ලින් ක්‍රීඩක John Cena විසිනි.
The Marine 2 (2009) – ප්‍රධාන රංගන දායකත්වය, රෙස්ලින් ක්‍රීඩක Ted DiBiase Jr. විසිනි.
The Marine 3: Homefront (2013) – ප්‍රධාන රංගන දායකත්වය, රෙස්ලින් ක්‍රීඩක  Mike Mike ‘The Miz’ Mizanin විසිනි.
The Marine 4: Moving Target (2015) – ප්‍රධාන රංගන දායකත්වය, රෙස්ලින් ක්‍රීඩක  Mike ‘The Miz’ Mizanin විසිනි.

මෙවැනි වූ වාතාවරණයක් මත තමයි, අවසාන චිත්‍රපටයෙන් වසර දෙකකට පසුව, මෙම පස්වන චිත්‍රපටය නිකුත් වෙන්නේ. තුන්වෙනි සහ හතරවෙනි චිත්‍රපට තුලින් ලද අසීමිත ජනප්‍රියත්වය නිසාවෙන්ම මෙවරත් ප්‍රධාන රංගන දායකත්වය සපයනු ලබන්නේ, සුප්‍රකට රෙස්ලින් ක්‍රීඩක  Mike ‘The Miz’ Mizanin විසිනි. ඔහුත් සමගින් තවත් රෙස්ලින් ක්‍රීඩක ක්‍රීඩිකාවන් කිහිප දෙනෙකුන්ම මෙම චිත්‍රපටය තුල රංගනයෙන් දායක වෙනවා. එමෙන්ම, සුපුරුදු පරිදි චිත්‍රපටයේ නිෂ්පාදන දායකත්වය, WWE Studios ආයතනය විසිනි. එමෙන්ම, චිත්‍රපටය නිල වශයෙන් නිකුත්වීමට තිබෙන්නේ, අප්‍රේල් මස 25 වෙනි දිනයි.

ජේක් කාටර් සහ සෝයි විලියම්ස් යනු, ගිලන් රථයක සේවය කරන්නාවූ පරිපූරක වෛද්‍යවරුන් දෙපලක්. දිනක් රාත්‍රියේ මොවුන් හට මූලස්ථානයෙන් දැනුම් දීමක් ලැබෙනවා, ගොඩනැගිල්ලක් තුල සිටින්නාවූ හෘදයාබාධයක් සහිත පුද්ගලයෙකු පිළිබඳව. ලැබුණු අණට අනුව, මේ පිළිබඳව සොයාබැලීමට මෙම දෙදෙනා පිටත්ව යනවා. නමුත් විශ්මයට කාරණාව වන්නේ, මෙම ගොඩනැගිල්ල මාස ගණනාවක් පුරාවට වසා දමා තිබීමයි. මාස ගණනාවක් තුරාවට වසා දමා ඇති ගොඩනැගිල්ලක් තුල හෘද රෝගියෙක් සිටින්නේ කෙසේද? මෙයයි ඔවුන් දෙදෙනා තුල පැවති කුතුහලය වූයේ. ගොඩනැගිල්ල තුලට ගමන් කරනා මොවුන් දෙදෙනාට දකින්නට ලැබෙන්නෙ තමන් සිතා සිටි අන්දමේ දර්ශනයක් නම් නොවෙයි. ඔවුන් මොහොතකට හෝ නොසිතන්න ඇති ඔවුන් මේ පය තබන්නේ තම ජීවිතයේ තීරණාත්මක සංධිස්ථානයකට බව. අතිශය මාරාන්තික අවි ආයුධ සමගින් සන්නද්ධවූ මාරාන්තික බයිසිකල් කල්ලියකගේ ග්‍රහණයට මොවුන් පත්වෙනවා. නමුත් මෙම බයිසිකල් කල්ලිය මොහොතකට හෝ නොසිතන්නට ඇති, ඔවුන් මේ ගැටෙන්නේ, ඇෆ්ඝනිස්තානයේ අතිශය බැරෑරුම් චාරිකා දෙකක් සමගින් යුධ භූමියේදී ධෛර්යසම්පන්නව සතුරාට මුහුණු දී, සතුරු බලඇණි විනාශ කර දැමීම හේතුවෙන් ලෝකඩ පදක්කමකින් පුදනු ලැබුවාවූද, කාලයක් තිස්සේ පෞද්ගලික ආරක්ෂක සේවයේ නියතු වුණා වූද, අතිශය දියුණු අවි ආයුධ හැසිරවීමෙහි ලා නිපුනයෙකු වන්නා වූද, අතිශය නිර්භීත මැරීන් බටයෙකුට එරෙහිව බව.

එහෙනම්, කැමති අය අරගෙන බලන්න. පෙර චිත්‍රපට නරඹපු අයට නම් අමුතුවෙන් කියන්න අවශ්‍ය වෙන්නේ නැහැ. ඔවුන් දන්නවා මේ චිත්‍රපටය මොන මට්ටමේ එකක්ද කියලා. පෙර චිත්‍රපට නරඹලා නැහැ කියලා කිසිම ප්‍රශ්නයක් නැහැ. කිසිම චිත්‍රපටයක් එකිනෙක සම්බන්ධ වෙන්නේ නැහැ. එහෙනම්, පුරා හෝරා එකහමාරක් ක්‍රියාදාම ලෝකයේ සැරිසරන්න. චිත්‍රපටය විඳින්න. තවත් චිත්‍රපටයකින් හමුවන තුරාවට, හැමදෙනාටම ජයවේවා!!!

 

 

 

Due to copyright issues, we do not provide any torrent links.

The.Marine.5.Battleground.2017.720p.BluRay.x264-ROVERS

ලබා දී ඇති උපසිරසි BR පිටපත් සඳහා යාවත්කාලින කර ඇත.

9,425 downloadsDownload The-Marine-5-Battleground-2017-BR.zip62 KB

 

https://d36zzuvfojr38z.cloudfront.net/wp_content/uploads/2016/05/SisilaPrasad.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.