Time Freak (2018) with Sinhala Subtitles | අතීතයේ වැරදි නිවැරදි කර නුඹේ ආදරය ලබාගන්නෙමි [සිංහල උපසිරසි සමඟ]

ආයුබෝවන් සුබ දවසක් වේවා කියලා පිළිගන්නවා බයිස්කෝප් වාසීන් සියලු දෙනාම. ඔන්න එහෙනම් මගේ දෙවැනි සිංහල උපසිරැසියත් එක්ක ඔයාලව හමුවෙන්න ආවා. මගේ පළවෙනි සිංහල උපසිරැසිය I’LL TAKE YOUR DEAD (2018) චිත්‍රපට‍යේ සිංහල උපසිරැසියට ගොඩක් හොඳ ප්‍රතිචාර ලැබුනා. ඒකට හැමෝටම ගොඩක් ස්තූතියි. ඒක නිසා ඔන්න එහෙනම් මගේ දෙවැනි සිංහල උපසිරැසියත් බයිස්කෝප් අඩවියට තිළිණ කරන්නයි මේ සූදානම.

එ‍හෙනම් යාළුවනේ අපි දැන් අපි චිත්‍රපට‍ය ගැන කතා කරමු. මෙම චිත්‍රපට‍ය තිරගත වීම ආරම්භ වෙන්නේ 2018 නොවැම්බර් මාසයේ 9 වැනිදා. චිත්‍රපට‍ය විනාඩි 104 ධාවන කාලයකින් යුක්ත වෙනවා. චිත්‍රපට‍යේ IMDb අගය ‍5.8 ලෙස සඳහන් වෙනවා. මෙම චිත්‍රපට‍ය විද්‍යා ප්‍රබන්ධ හා කොමඩි ,ආදර ගණයට තමයි අයත් වෙන්නේ. $266,490 Box office අගයක් මෙම චිත්‍රපට‍ය ලබා ගෙන තියෙනවා. මෙම චිත්‍රපටිය අධ්‍යක්ෂනය කරන්නේ Andrew Bowler විසින්. මෙම චිත්‍රපටියේ ප්‍රධාන නිළිය ‍විදියට රංගනයෙන් දායක වන්නේ අපි කවුරැත් ආදරය කරන Game Of Thrones රෑපවාහිනී කතා මාලාවේ සන්සා ස්ටාර්ක්(Sansa Stark) චරිතයට පන පොවන සොෆියා ටර්නර් (Sophie Turner). ප්‍රධාන නලුවා විදියට රංගනයෙන් දායක වෙන්නේ Asa Butterfield. සෙසු චරිත ‍විදියට Skyler Gisondo, Will Peltz, Aubrey Reynolds රංගනයෙන් දායක වෙනවා. ඒ වගේම මෙම චිත්‍රපට‍ය Academy of Science Fiction, Fantasy & Horror Films, USA (2019) චිත්‍රපට‍ උලළේදී හෙ‍ාඳම විද්‍යා ප්‍රබන්ධ චිත්‍රපට‍ය ලෙස නිර්දේශ වෙලා තියෙනවා.

එහෙනම් අපි චිත්‍රපටියේ කතාව පැත්තට හැරෙමු. චිත්‍රපටියේ ප්‍රධාන චරිතය ස්ටිල්මන් උසස් අධ්‍යාපනය හදාරන දක්ෂ ගිෂ්‍යයෙක්. එයාට එවන් කියලා හොඳම යාළුවෙකුත් ඉන්නවා. අහම්බෙන් වගේ ස්ටිල්මන් ‍ඩෙබී කියලා ගැහැණු ළමයෙකුට ආදරය කරන්න පටන් ගන්නවා. කාලයක් මේ දෙන්නා ආදරය කරනවා. ඒත් මේ ආදර සම්බන්ධතාවය ඩෙබීගේ අකමැත්ත මත නවත්තන්න වෙනවා. ඒත් ස්ටිල්මන් සම්බන්ධය නවත්තන්න කැමති වෙන්නේ නෑ. එයා විවිධ ක්‍රම වලින් ඩෙබීගෙන් කැමැත්ත අහනවා. ඒ කොහොම ඇහුවත් ඩෙබීගේ උත්තරේ වෙන්නේ අපි මේ සම්බන්ධය නවත්වමු කියන එක. අන්තිමට ස්ටිල්මන් තේරැම් ගන්නවා මේක තමන් අතීතයේ කරපු වැරදි නිසා සිදුවුන දෙයක් කියලා. මේ නිසා ස්ටිල්මන් කාල යන්ත්‍රයක් නිර්මාණය කරනවා. ස්ටිල්මන්ට කාල යන්ත්‍රයේ සිද්ධාන්තය ඔළුවට එන්නේ අමුතු විදියකට. ඔයාලට ඒක චිත්‍රපට‍ය බැලුවම දැනගන්න පුළුවන් වේවි. ඩෙබීව කැමති කර ගන්න ඕන නිසා ස්ටිල්මන් කාලය හරහා අතීතයට යනවා. මේ ගමනට එයාගේ හොඳම යාළුවත් එකතු වෙනවා.මේ දෙන්නා අතීතයට ගිහින් තවත් වැඩේ අනා ගනියිද නැත්නම් වැරදි හදාගෙන ඩෙබීගේ ආදරේ ලබා ගනීද? ඔයාලට ඒක දැන ගන්න නම් චිත්‍රපට‍ය බලන්නම වෙනවා.

ඔන්න එහෙනම් මට පුළුවන් හැටියට විස්තරකුත් ලිව්වා. මතක ඇතුව සබ් එකේ හොඳ නරක කියලා කමෙන්ට් එකකුත් දාලම යන්න. හැමෝටම බුදු සරණයි දෙවි පිහිටයි.

එහෙනම් තවත් උපසිරැසියකින් නැවත හමුවෙමු.

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා ගැළපේ.

6,239 downloadsDownload Time.Freak_.2018.zip60 KB

මේ ලබා දී ඇති සිංහල උපසිරැසි පිළිබද “මාවන් ගීතාංජන” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2019-05-17
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවන් මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.