My Love from the Star (2013) AKA Byeol-e-seo on geu-dae [EP 01] with Sinhala Subtitles | තරු අතරින් ආ මාගේ ආදරවන්තයා [සිංහල උපසිරැසි සමඟ]

හැමෝටම සුභ දවසක්.මේ පාර මම අතගැහුවේ කොරියන් කතාවකට.. ගොඩක් කල් ඉඳලා මේ වගේ කතාවකට සබ් කරන්න ආසාවක් තිබ්බා..අහල බැලුවම අසංක සහෝ කිව්වා මේක කරලා එවන්න කියලා..මේ කතාව ගැනනම් ඉතිං ලොකුවටම කියන්න ඕනෙත් නෑ.. මොකද මේක හඬ කවලා ටීවී ඒකෙත් ගියානේ.. ඒනිසා ගොඩක් අය මේක බලලත් ඇති.. හැබැයි ටීවී එකේ මේ කතාවේ සම්පුර්ණ කොටස් පෙන්නුවේ නෑ…කොටසක් අවසානයේ යන පොඩි පොඩි වැදගත් කෑලි කපලා දාලා..ඉතිං මේ කතාව කලින් බලලා තියෙන අයටයි බලල නැති අයටයි දෙගොල්ලොන්ටම මම මේ කතාව බලන්න ආරාධනා කරනවා.

කතාවේ නම තමයි My Love From The Star. මේකට You Who Came from the Stars කියලත් කියනවා. මේක විකාශය වුනේ 2014 වර්ෂයේ. 10/9.6 වගේ ඉහල ප්‍රේක්ෂක ප්‍රතිචාර අගයක් ලබාගන්න පුළුවන් වුන මේ කතාවට, සම්මාන ගණනාවක්ම වගේම, ටෙලි නාට්‍යකට ලබාගන්න පුළුවන් ඉහලම සම්මානය වන Baeksang Arts සම්මානයද ලබාගන්න පුළුවන් වෙනවා. ජෝසන් රජ කාලේ මේ ලෝකෙට එන පිටසක්වල ජීවියෙක්,ආපහු එයාගේ ලෝකෙට යන්න බැරුව මේ ලෝකේ අතරමංවෙනවා.අවුරුදු 400ක කාලයක් මෙයා නම් වෙනස් කර කර තමයි ජිවත් වෙන්නේ,වර්තමානයේදී දෝ මින් ජුන් කියලා විශ්වවිද්‍යාලයක මහාචාර්ය වරයෙක් විදිහට වැඩකරන මෙයාට දවසක් විදුලි සෝපානයේදී චෝන් සෝන්ග් යි කියන ජනප්‍රිය වගේම මුරණ්ඩු නිළිය මුණගැහෙනවා.චෝන් සෝන්ග් යි එයාගේ අලුත් ගෙදර පදිංචියට යන ගමන් තමයි මේ දෙන්නා මුණගැහෙන්නේ.

පළමු හමුවේදීම දෝ මින් ජුන්ට චෝන් සෝන්ග් යිව එපා වෙනවා,මොකද චෝන් සෝන්ග් යිගේ හැසිරීම නිසා, එයා හිතන්නේ දෝ මින් ජුන් එයාගේ පස්සෙන් එනවා කියලා.එහෙම හිතලා මෙයා දෝ මින් ජුන්ට අපහාස කරනවා.පස්සේ තමයි මෙයා දැනගන්නේ දෝ මින් ජුන් කියන්නේ එයාගේ අල්ලපු ගෙදර ඉන්න කෙනා කියලා.දෝ මින් ජුන් ජිවත් වෙන්නේ කිසිම පුද්ගලයෙක් සමඟ සම්භන්ධයක් තියා ගන්නේ නැති නිශ්ශබ්ධ ජිවිතයක්.හැබැයි චෝන් සෝන්ග් යිගේ ආගමනයත් එක්ක,මෙයාගේ නිස්කලංක ජිවතයට ආයුබෝවන් කියන්න සිද්ධ වෙනවා.දෝ මින් ජුන් පිටසක්වල ජීවියෙක් නිසා,එයාට මිනිස්සුන්ට නැති ගොඩාක් හැකියාවන් තියෙනවා.ඒවා මොනවද කියලා ඔයාලට කතාව බලද්දී දැනගන්න පුළුවන් වෙයි.මේ සමහර හැකියාවන් නිසා දෝ මින් ජුන් ගොඩාක් අපහසුතාවයකින් තමයි ඉන්නේ. හිතනවා කතාව කිව්වා ඇති කියලා.. පතරංග ජාතකේ වගේ දිග ලිපි ලියන්න මගේ කොහෙත්ම කැමැත්තක් නෑ. කතාව බලලා හොඳ නරක පහලින් කමෙන්ට් කරගෙන යන්න කියලා හැමෝගෙන්ම ඉල්ලා සිටිනවා. ආයෙත් මුණගැහෙනකම්,

හැමෝටම ජය…

Due to copyright issues, we do not provide any torrent links.

මෙම ලබා දී ඇති උපසිරසි HDTV පිටපත් සඳහා වලංගු වේ.

[author] [author_image timthumb=’on’]http://www.baiscope.lk/wp-content/uploads/2016/03/අවන්ත-ශශිත්.jpg[/author_image] [author_info]මේ ලබා දී ඇති සිංහල උපසිරැසි පිළිබද “අවන්ත ශශිත්” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]

Subtitle Contributor Rank

BRONZE MEMBER
JOINING DATE – 2016-03-08
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]