October Faction [S01 : E04] Sinhala Subtitles | මලවුන් පෙනීම [සිංහල උපසිරසි සමඟ]

කොහොමද කට්ටියට, ඔන්න එහෙනම් හතරවෙනි කොටසටත් ආවා.October Faction කතා මාලාවෙ හොඳම ටික පටන් ගන්නෙ මේ කොටසින් කියලා කිව්වොත් නිවැරදියි. ඊට කලින් කලින් කොටස ගැන පොඩ්ඩක් මතක් කරගමු.

මතක ඇතිනෙ තුන්වෙනි කොටස ඇලන් පවුලෙ අයට එච්චර හොඳ කොටසක් නෙමෙයි කියලා. විව් කැතීට කියනවා තමන් බස් අන්තුර සිද්දවෙන්න කලින් ඒකෙ චිත්‍රයක් ඇන්දා කියලා. මේක නිසා විව්ට පාසලේදි ගොඩක් ලැජ්ජා වෙන්න සිද්ද වෙනවා.ජෙෆ් මැරුන කෙනෙක් එක්කත් කතා කරනවා. බෑස්ව හම්බෙන්න යන ඩෙලෝරිස්ට වෙලද සැලේදි ඝාතනය කරපු වැම්පයර්ලාගෙ ඥාතියො ටිකක් පහරදුන්නා. ෆ්‍රෙඩ්ගෙ තවත් රහසක් දකින්නත් පුළුවන් වුනානෙ. ෆ්‍රෙඩ් එක්ක වැම්පයර්ලා දඩයම් කරන්න යන ඩෙලෝරිස්ට හම්බෙන්නෙ මැරිච්ච වැම්පයර්ලා ටිකක්. මේ අතරතුරේදි ප්‍රෙසිඩියෝ එකේ ප්‍රධානීන් ෆ්‍රෙඩ් හොයාගත්ත සංකේතය ගැන විශේෂ සැලකිල්ලක් දක්වනවා. ෆ්‍රෙඩ්ව තර්ජනයක් වෙන්න පුළුවන් කියලා මේ අය සැක කරනවා.

අද කතාව පටන්ගන්නෙ වැම්පයර් ප්‍රහාරය ගැන විස්තර කරන්න ෆ්‍රෙඩ් සහ ඩෙලෝරිස් නිව්යෝර්ක් වලට යනවා. මේ යන්නෙ ජෙෆ් සහ විව්ට ක්‍රෙඩිට් කාඩ් එකත් දීලා.ලැබුන අවස්ථාවෙන් උපරිම ප්‍රයෝජන ගන්න ජෙෆ් නවතින්නෙ පාසලේ හැමෝටම තමන්ගෙ ගෙදර පාටියකට ආරාධනා කරලා. මේ පාටියෙදි තමයි ඔක්කොම පටන්ගන්නෙ..කලින් කොටසෙදි පෙන්නපු ස්ටීව්ගෙ අවතාරය ජෙෆ්ට ආයෙත් පේන්න ගන්නවා. ඒ විතරක් නෙමෙයි පිලිප් සහ ස්ටීව් අතරෙ කලින් සිදුවීමකුත් පෙන්නනවා.මේ අතරතුරේදි පිලිප් සියදිවි හානිකරගන්න උත්සාහ කරනවා. ස්ටීව් ඉල්ලනවා පිලිප්ව බේරගන්න කියලා.මේ අතරෙදි විව් කැතීගෙ අනතුරු ඇඟවීම් නොසලකා තමන්ගෙ හිත ගිය රොබ් එක්ක හිතවත් වෙනවා. ඒත් රොබ් කියන්නෙ එච්චර හොඳ කෙනෙක් නෙමෙයි කියලා විව්ට තේරුම් ගන්න එච්චර වෙලාවක් යන්නෙ නෑ. විව්ගෙ උදව්වට එන්නෙ තුන්වන කොටස අවසානයේ පෙන්නන අමුත්තා. ඒ කවුද කියලා ඉදිරියේදි දැනගන්න පුළුවන්. මේ අතරතුරේදි තවත් කෙනෙක් ගෙදරට ඇතුල් වෙනවා. ඒ කවුද,මොකටද එන්නෙ කියලා නරඹලාම දැනගන්නකෝ.. මීලඟ කොටසෙන් හමුවෙමු..

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.