Sense8 (2017) [S02 : E10] with Sinhala Subtitles | යුධ ප්‍රකාශ කිරීම.. [සිංහල උපසිරසි සමඟ]

නවවෙනි කොටසේ දකින්න ඇති හොදම සිදුවීම් දෙකක්. එකක් ලීටෝට එයාගේ හොලිවුඩ් නිර්මාණයට දායක වෙන්න අවස්ථාවක් ලැබුනා එයා අර සම්මුඛ පරීක්ෂණයෙන් සමත් වුන නිසා. එතන සම්මුඛ පරීක්ෂණයේ හිටිය ව්‍රැග්ලර් කියපු විදිහට වගේම එයා අර සාදයේ හැසිරුණු විදිහට ලිටෝට රගපාන්න ලැබෙන්නේ සමලිංගික චිත්‍රපටයක. මේ නිසාම ලිටෝ හුගක් දෙගිඩියාවෙන් ඉන්නේ. එයා මෙච්චර කාලයක් මුළු ලෝකයාටම කලේ බොරුවක් කියලා. මොකද බොහෝ දෙනා තවමත් දන්නේ නැහැ එයා සමලිංගික නළුවෙක් හැටියට. වැඩේ කියන්නේ ලිටෝ එයාගේ සම්මුඛ පරීක්ෂණයේ ඉද්දීම තමයි එයාට සන්ටත් උදව් කරන්න වුනේ අර බාර් ටෙන්ඩර්ගේ වැඩේට. මේ අතරේ කැපියස් එයාගේ පළමු කතාව ලොකු සෙනගක් ඉස්සරහ කලා. ඒත් අන්තිම මොහොතෙදි ප්‍රචණ්ඩකාරී තත්වයක් ඇති වෙලා එයාව එයාගෙම ආරක්ෂාවට දාලා හිටිය කෙනෙක් මරන්න හැදුවා. ඒකෙන් බේරුවෙත් කැපියස්ගෙම හතුරෙක්. අන්තිමට දැකගන්න ලැබුනා සන් එයාගේ මෙහෙයුම දියත් කරන්න මූලාරම්භයක් අරගත්තා කියලා.

සන්ට දැන් නම් හොදටම ඕන කරලා තියෙන්නේ තමන්ගේ මල්ලිව මරලා පලිගන්න. ඒත් සැලසුම වුනේ එයාගෙන් ඇත්ත හෙළි කරගන්න එකයි. එයාගේ මල්ලි එතන උත්සවයේදි හුගක් ලොකු පම්පෝරි ගහද්දි නම් එයාට ඒ අදහස එපා වෙලා ගියාද මන්දා වුල්ෆ්ගැන්ගේ තීරණයත් අනුව සන් හැදුවේ එයාගේ මල්ලිව එතනදීම ඉවරයක් කරලා දාන්න. ඒත් වෙලාවටම එතනට පරීක්ෂක මුන් ඇවිත් බක්ව අත්අඩංගුවට ගන්න හදද්දීම ජොන්ග් කී කාරයා පරීක්ෂක මුන්ටත් වෙඩි තියලා අවුල් ජාලයක් කරනවා. මේ අතරම තමයි ජොන්ග් කී එයාගේ අක්කා සන්ව දකින්නේ. මරණ බයේ පැනලා යන්න තමයි උත්සහය වෙන්නේ. ඒත් මේ වෙද්දී එතන හිටිය හැම කෙනෙක්ගේම අවාධනය යන්නේ සන්ට. මොකද එයා හිරෙන් පැනලා ආපු කෙනෙක් නිසා. සන්ට පුලුවන් වේවිද එයාගෙම මල්ලිව මරලා දාලා යුක්තිය ඉෂ්ට කරගන්න? එහෙම නැත්තම් පාපොච්චාරණයක් කරගන්න? සැහෙන්න දෙනෙක් මේ වෙද්දී කතාව බලලා ඇති කියලා හිතලා ලිපිය මෙතනින් නවත්තන්නම් එහෙනම්.

මේ සීරිස් එක මං බලන්න ගත්තේ ගිය සතියේ. ඒකෙන් ඇතිවෙච්ච ආසාවට තමයි නතර වෙලා තියෙන සෙන්ස් 8 වලට සබ් ටික කරලා දාන්න මට හිතුනේ. ඉතින් අන්තිම කොටස් දෙකේ හරි සබ් දෙක කරලා මේක ඉවරයක් කරගන්න ලැබුණු එක සතුටක්. මට මේක බාරදුන්න ආසිරි අයියට හුගක් ස්තුතිවන්ත වෙන්න ඕන. ඒවගේම කියන්න ඕන මේ කතාමාලාව දෙවැනි කතාසමයෙන් නවත්වනවා කියන එක තමයි Netflix ලා ඒ දවස්වල ඉදන්ම කිව්වේ. ඒත් ඉතින් මේක බලන ඕන කෙනෙක්ට තේරෙනවා මේකේ අවසානය කිසිම තේරුමක් නෑ කියලා. මොකද අනිවාරයෙන්ම තවත් කතා සමයක් ඕන කියන එකයි ප්‍රධාන කාරණය වෙලා තියෙන්නේ කතාමාලාව සදහා දරන්න වෙලා තියෙන පිරිවැය අධික වීම. මොකද දැනටම ප්‍රධාන රටවල් නවයක කතාව රූගත කරලා තියෙනවා. කොහොම වුනත් ප්‍රේක්ෂකයන්ගේ දැඩි ඉල්ලීම නිසාවෙන් xhamster කියන අසභ්‍ය චිත්‍රපටි නිකුත් කරන වෙබ් අඩවිය කියලා තියෙනවා ඊලග කතාමලාවක් කරනවානම් ඒකෙ පිරිවැය ඒ අය දරන්න ලෑස්තියි කියලා. ඔය කිව්වට ඉතින් කොහොම වෙයිද කියන්න දන්නේ නෑ. ඒත් ඉතින් ආයේ අර නත්තල් විශේෂිත කතාංගය වගේ පැය දෙකකට සිමා වුනු කොටසක් එනවා කියලා නම් ආරංචියි. හරියටම තහවුරු කරලා කියන්න නම් දන්නේ නැහැ. බලමුකෝ මොකද වෙන්නේ කියලා.

“බොහෝ දෙනෙක් පොදුවේ අහන ප්‍රශ්ණයකට මං පිළිතුරක් දෙන්නම්. ඒ තමයි මේකේ පලවෙන චිත්‍රපට වගේම කතාමාලා වලදී වගේම, සමාජ ජාලවල පණිවිඩ හරහාද හුග දෙනෙක් ඉල්ලීම් කරනවා අලුත් අලුත් සීරිස් වලට උපසිරැසි දෙන්න, ඇයි මේ අලුත් කිසිම එකකට දෙන්නේ නැත්තෙ? අහවල් සීරිස් එකේ අලුත් සීසන් එක ආවා ඒකට තවත් ප්‍රමාද නොකර දෙන්න. මේකයි අලුතෙන් එන හැම සීරිස් එකකටම අපේ දැන් උපසිරැසි ගැන්වීමක් කරන්නේ නැහැ බොහෝ දෙනෙක් ඉල්ලුවේ නැති නම්. මොකද සුළු පිරිසක් වෙනුවෙන් උපසිරැසි කරන්න ගියාම උපසිරැසි ගන්වන කෙනාට පවා එපා වෙනවා. මොකද බලන පිරිස අඩුවෙන්න අඩුවෙන්න තමන්ට ඉන්න කට්ටිය අඩු වෙන නිසා. උපසිරැසි කරන කෙනාගේ කාලයත් අපරාදේ. අනික් හේතුව තමයි මේ කතාමාලා රිනිව් එහෙමත් නැත්තම් අලුත් වෙන්න ගත්තම උපසිරැසි කරන කෙනාට එපා වීමක් වෙනවා. මොකද හැම කෙනෙක්ටම හැමදේම හැමදාමත් එකම විදිහට කරන්න බැහැ. වැඩ වැටෙනවා. නිකන් හිතලා බලන්නකෝ මග නැවතුනු එකකට මිනිස්සු අරහෙම බනිනවනම් අලුත් එකක ඊලග කතා සමයක් ආවම උපසිරැසි නොදී හිටියොත් කොහොම මොනා කියාවිද කියලා. මේ නිසාමයි දැන් දැන් අලුතින් පටන් ගත්ත කතාමාලා පවා නැවතීමක් කරලා තියෙන්නේ. ඒකට ඉතින් අපි කවුරුත් වගකියන්න ඕනත් නැහැ කියන එකයි මගේ මතය නම්. “

එහෙනම් ඉතින් මං ගිහින් එන්නම්. හැමෝටම ජයෙන් ජය!

Due to copyright issues we do not provide any torrent links

Sense8.S02E10.WEBRip.x264-SKGTV

මෙම ලබා දී ඇති උපසිරැසි WEB-DL පිටපත් සඳහා පමණක් අදාල වේ

Subtitle Contributor Rank

PLATINUM MEMBER
JOINING DATE – 2015-02-12
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]