The Battleship Island (2017) Sinhala Subtitles | අමානුෂිකත්වය පිරි කුරිරු දූපතෙන් පැන යාමේ වෙහෙසකර සටන [සිංහල උපසිරැසි සමඟ]

2017 වර්ෂයේ තිරගත වූ සිනමා නිර්මාණ අතරින් බිහිවූ විශිෂ්ටතම සිනමා සිත්තමක් තමයි The Battleship Island කියන්නෙ. තමන්ගේ බඩවියත සදහා ඉතා කටුක, දුෂ්කර රැකියාවක් වන පතල් හෑරීම ජීවිකාව කරගත් අසරණ මිනිසුන් රැසක් ඔවුන්ට ඉතා වේදනාකාරී ලෙස පහරදෙමින් වහලෙකුට සේ සලකමින් බලහත්කාර ලෙස සිර කර ගෙන සිටින හෂීමා දූපතෙන්(The Battlefield Island) තමන්ගේ අයිතිය, නිදහස හා තම මව්බිම කරා ළඟා වීමට එම දූපතෙන් පැන ගැනීමට දරන උත්සාහය මෙම සුවිශිෂ්ට සිනමා සිත්තම මඟින් නිරූපණය කෙරේ.

හිට්ලර්ගේ දෙවන ලෝක යුද්ධයෙන් පසු ඇමරිකාව හා ජපානය අතර පැවති කුරිරු යුද සමයේ දී ජපානයේ නීති විරෝධී ලෙස පවත්වාගෙන යනු ලැබූ අවි ආයුධ කර්මාන්තයත් සමඟ ජපානයේ නාගසාකි නගරය අසල පිහිටා ඇති හෂීමා දූපතෙහි ගල්අඟුරු පතල් හෑරීම සිදු කෙරුණි. මෙම දූපතෙහි පතල් රැකියාවෙහි නිරත වන කම්කරුවන් හට ඉතා කුරිරු ලෙස සලකමින් තාඩන, පීඩන සිදුකරමින් වහලුන් ලෙස රඳවාගෙන සිටියහ. මේ අතර රැකියා බලාපොරොත්තුවෙන් මෙහි පැමිණෙන කාන්තාවන් හට අත් වන්නෙ දරුණු ඉරණමකි. එනම්, මෙම කාන්තාවන් ගණිකාවන් ලෙස යෙදවීමයි. මෙය ජපානයේ නාගසාකි නගරයට පරමාණු බෝම්බ හෙලීමට ආසන්න සමයේදී සිදුවූ සත්‍ය පුරාවෘත්තයක් ඇසුරින් නිර්මාණය වූවකි.

2017 වර්ෂයේ ජූලි මස 26 වනදා දකුණු කොරියාවේ තිරගත වීම ඇරඹූ මෙම අනර්ඝ සිනමා සිත්තම මිලියන 21ක අධික මුදලක් බරපැන දරමින් නිර්මාණය වූ අතර, ඇමරිකානු මුදලින් මිලියන 46.1ක් වැනි දැවැන්ත Box Office වාර්තාවක් තැබීමට ද මෙය සමත් වී තිබෙනවා. Action, Drama, Fantasy යන අංශයන්ට අයත් මෙය The Berlin File (2013), Vetarin (2015) වැනි ජනප්‍රිය චිත්‍රපට අධ්‍යක්ෂණය කළ Ryoo Seung-wan විසින් අධ්‍යක්ෂණය කර ඇති අතර Sangkyunkwan Scandal (2010), A Werewolf Boy (2012), Descendants Of the Sun (2016) වැනි අතිශය ජනප්‍රිය නිර්මාණයන්හි රඟපෑ Song-Joong-ki හා Master’s Sun (2013), A Company Man (2012) යන නිර්මාණයන්හි රඟපෑ So Ji-sub යන සුප්‍රකට රංගන ශිල්පීන්ගේ රංගනයෙන් හැඩගැන්වී ඇති මෙම චිත්‍රපටය Imdb දර්ශකයේ 7.2 ක ඉහල අගයකුත් Rotten Tomattoes හි 55% කුත් ලබාගැනීමට සමත් වී තිබෙනවා.

කතාවේ වැඩි විස්තරයක් නම් කියන්න යන්නෙ නෑ. ඉස්සෙල්ලම කිව්ව කරුණු වලින් ඔයාලට කතාව මොන වගේද කියලා තේරෙනවා ඇතිනෙ. මම නම් කියන්නෙ මේ වගේ සුපිරිම සුපිරි කතාවක් අතාරින්න නම් එපා කියලා. මේ මගේ පස්වැනි උපසිරැසි ගැන්වීම. මේක මං බාරගෙන කරගෙන යන අතතුරදි වැඩ වගයක් වැටුනා. ඒක නිසා තමයි උපසිරැසිය ගේන්න ටිකක් පරක්කු වුනේ. ඒත් ඉක්මනටම දෙන්න ඕනෙ නිසාම හනි හනිකට කරන්න ගත්තා. හම්මෝ! දැන් නම් දොළහත් පහුවෙලා නිදි මතයි! එහෙනම්, නැවත උපසිරැසියකින් හමුවන බලාපොරොත්තුවෙන්, යන්නම්.

 

 

 

Due to copyright issues, we do not provide any torrent links.

මෙම ලබා දී ඇති උපසිරැසිය BR/HD පිටපත් සඳහා අදාළ වේ.

23,294 downloadsDownload The-Battleship-Island-2017-BR.zip100 KB

https://d36zzuvfojr38z.cloudfront.net/wp_content/uploads/2017/09/unnamed.png මේ ලබා දී ඇති සිංහල උපසිරැසි පිළිබද “කසුන් නුවන්ත
” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2017-09-06
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.