The Girl with All the Gifts (2016) with Sinhala Subtitles | රුදුරැ රාක්ෂයින්ට එරෙහිව දිවි ගලවා ගැනීමේ මාරාන්තික මෙහෙයුම [සිංහල උපසිරැසි සමඟ]

ඔන්න එහෙනම් ආයෙත් වතාවක් ඉක්මණටම අළුත්ම චිත්‍රපටයක් අරගෙන ආවා. මේ වතාවේ අරගෙන ආවේ සොම්බි චිත්‍රපටයක්. මෙතෙක් කාලයක් තුරාවට චිත්‍රපට 37ක් වෙනුවෙන් සිංහල උපසිරැසි ගැන්වීම සිදුකලත්, මේ තමයි සොම්බි චිත්‍රපටයක් වෙනුවෙන් සිංහල උපසිරැසි ගන්වන පලවෙනි වතාව. මෙම චිත්‍රපටය සතු සුවිශේෂිත්වය නම්, සමස්ථ සොම්බි චිත්‍රපට ක්ෂේත්‍රයම වෙනස්ම වූ දිශාවකට රැගෙන යමින් නිර්මාණය කරන ලද අති විශිෂ්ඨ නිර්මාණයක් වීමයි. සාම්ප්‍රදායික සොම්බි චිත්‍රපට රටාවෙන් මිදී, ප්‍රේක්ෂකයා හට නැවුම් වූ අත්දැකීමක් ලබාදෙමින්, චිත්‍රපට කලාවේ නව දොරටුවක් විවර කිරීමට උත්සාහ දැරුවාවූ මෙම සිත්තම, චිත්‍රපට විචාරකයින්ගේ ඉහළ ප්‍රශංසා ලබාගැනීමට පවා සමත්කම් දැක්වූවා.

Drama, Horror, Thriller යන කාණ්ඩයන් නියෝජනය කරමින්, එක්සත් රාජධානිය මූලික කර ගනිමින් 2016 වර්ෂයේ සැප්තැම්බර් මස 23 වෙනි දින තිරගතවීම ආරම්භ කරන ලද මෙම සලරුව, මෙම ලිපිය මොහොත වන විට නවදහසකට ආසන්න වූ ප්‍රේක්ෂක ජනතාවකගේ මනාපයෙන් Imdb දර්ශකයේ 6.9 ක් වැනි ඉහළ අගයකින්ද, Rotten Tomatoes හි 84% ක අති විශිෂ්ඨ ඉහළ අගයකින්ද  සමන්විත වන අතරම, සිය ශුද්ධ ආදායම ලෙස ඇමරිකානු ඩොලර් මිලියන 2.1 ක මුදලකින් සවිබල ගැන්වී ඇත.

කාල වකවානුව – නුදුරු අනාගතයේ එක්තරා කාල සීමාවක්. 

සමාජ වාතාවරණය – හඳුනානොගත් ආසාධන තත්වයක් හේතුවෙන් බහුතරයක් වූ මිනිසුන්, සොම්බි බවට පරිවර්තනය වී ඇත. මනුෂ්‍යයන් ලෙස ඉතිරිව සිටින්නෙ ස්වල්ප වූ පිරිසක් පමණි. මහා මාර්ග, සාප්පු සංකීර්ණ, නිවාස යනාදී සියල්ල ජරා ජීර්ණව ගොස් ඇත. හමුදා පාලනයක් පමණක් ඇත. වචනයේ පරිසමාප්ත අර්ථයෙන්ම කිවහොත්, සමස්ත ලෝකයම පාළු මිනී පිටියක සිරි ගෙන ඇත.

මූලික ස්ථානය – මහා බ්‍රිතානයට අයත්වූ, අතිශය රහසිගත පර්යේෂණයන් සිදුකෙරෙන්නාවූ හමුදා කඳවුරක්.

කතා තේමාව – මෙලනි…. උපන් දා සිටම, හමුදා කඳවුරක් තුල, එක්තරා විශේෂිත වූ කුටියක් තුල, අතිශය දරුණු ලෙස සිර කර තබාගෙන සිටින්නා වූ කුඩා ගැහැණු ළමයෙකි. ඇය මෙන්ම තවත් කුඩා ළමුන්, මේ ආකාරයට සිරකොට තිබෙන්නා නමුත්, ඒ සියල්ලක්ම අතුරින් ඇය සුවිශේෂී වනවා. මෙම සියලු දෙනාම සිය අධි ආරක්‍ෂිත සිර කුටි තුලින් එලියට ගනු ලබන්නෙ, දිනකට එක් වතාවක් පමණි. ඒද, හමුදා ආරක්ෂාව යටතේ, අතපය සහ හිස අංශු මාත්‍රයක් හෝ සෙලවිය නොහැකි ලෙස විලංගු දැමීමෙන් අනතුරුවයි. එක්තරා දිනයකදී මේ සියල්ල උඩි යටිකුරු වනවා. අධි ආරක්‍ෂිත හමුදා කඳවුරට, අවට සිටින්නාවූ ගිනිය නොහැකි තරම් වූ සොම්බීන් ප්‍රමානයකගෙන් අති දැවැන්ත ප්‍රහාරයක් එල්ල වනවා. මෙම ප්‍රහාරය හමුවේ හමුදා කඳවුර සම්පූර්ණයෙන්ම විනාශ වී යන අතර, ඉහත කී කුඩා දැරිය ඇතුළු කිහිප දෙනෙකුන් පමණක් සිය ජීවිත ගලවා ගැනීමට වාසනාවන්ත වෙමින්, මෙම ස්ථානයෙන් පළා යාමට සමත්කම් දක්වනවා. 

සිදුවන්නෙ කුමක්ද – හමුදා නිලධාරින් කිහිප දෙනෙකුන් සමගින් දිවි ගලවාගන්නා මෙම කුඩා දැරිය සියළු දෙනාගේම භීතියට කරුණක් වනවා. ඉහත කී ආකාරයට කුඩා ළමුන්, එතෙක් කාලයක් පුරාවට අමානුෂික ලෙස සිරකොට තබාගෙන සිටියාවූ කාරණාව කුමක්ද…? නිර්භීත හමුදා නිලධාරින් පවා භීතියෙන් ත්‍රස්ත කිරීමට තරම් මෙම කුඩා දැරිවිය සතු සුවිශේෂිත්වය කුමක්ද…? එසේම, සිය ජීවිත බේරාගෙන පලායන්නාවූ මෙම කණ්ඩායමට, නිරුපද්‍රිතව ගමන් කිරීමට හැකියාව ලැබෙන්නෙ ඉතාමත් සුළු කාල සීමාවක් පමණයි. නොසිතූ විරූ අයුරින් පමිනේන්නාවූ බාධා මගින් සියල්ල උඩි යටිකුරු ස්භාවයක් ගනු ලබනවා. සිදුවන්නෙ කුමක්ද… අතුරු සිදුරු නොමැතිව පිරී ඉතිරී යන්නාවූ සොම්බි අමනුෂ්‍යයන් හමුවේ මොවුන් කෙසේ නම් සිය දිවි බේරාගනීවිද… මොවුන් අතුරින් අවසානයේ දිවි ගලවා ගැනීමට කී දෙනෙකුන් නම් සමත්කම් දක්වාවිද…? මෙකී නොකී සියලු ප්‍රශ්නාර්තයන් සඳහා මෙම සලරුව, කදිම ලෙස ප්‍රේක්ෂක ඔබ සැම වෙනුවෙන් පිළිතුරු ලබාදෙනු ඇත.

එහෙනම්, කැමති අය අරගෙන බලන්න. වගකීමෙන් කියනවා, චිත්‍රපටය අවසානයේ කිසිඳු ආකාරයක පසුතැවිල්ලක් නම් සිදුනොවේවි. රසවිඳින්න හැකියාව සහිත අනර්ඝ සිතුවක් ලෙස හැම දෙනාටම නිර්දේශ කරනවා. කොහොමත් චිත්‍රපටයේ පූර්ව ප්‍රචාරක පටයත් නරඹලාම ඉන්නකො මුලින්ම.

එහෙනම්, අදට අවසරයි. තවත් රසබර සිත්තමකින් හමුවන තුරාවට, හැමදෙනාටම ජයවේවා!!!

Due to copyright issues, we do not provide any torrent links.

The.Girl.with.All.the.Gifts.2016.720p.BluRay.x265.ShAaNiG

ලබා දී ඇති උපසිරසි සියලුම  Blu-Ray පිටපත් සඳහා අදාළ වේ.

[author] [author_image timthumb=’on’]http://www.baiscopelk.com/wp-content/uploads/2016/05/SisilaPrasad.jpg[/author_image] [author_info]මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]