The Mentalist [S02 : E21] | ගණිතඥයා… [සිංහල උපසිරසි සමඟ]

The Mentalist කතා මාලාවේ 21 වන කතාංගයට උපසිරැසි දෙන්නයි, මේ සූදානම් වෙන්නේ. අද කතාව පාදක වෙන්නේ සුපිරි ගණිතමය හැකියාවක් තියෙන නෝවා වැලික්වට් කියන පුද්ගලයෙකුගේ ඝාතනයක් වටා. මේ ඝාතනය සිදුවෙන ආකාරය කතාව මුලදීම පෙන්වනවා. නමුත් ඝාතනය සිදුකරපු කෙනාගේ සැබෑ මුහුණ දකින්න හැකියාවක් ලැබෙන්නේ නෑ. ඇසින් දුටු සාක්ශි කාරයෙකුගේ විස්තර අනුව කෙනෙක්ව විස්තර කලත්, CBI එකට ඒ වගේ අය ගොඩක් හොයාගන්න පුළුවන් වෙනවා. ඒක නිසා එතැනින් කවුරු මිනීමැරුම සිදු කලාද කියලා හොයාගන්න බැරි වෙනවා. මෙතැන ඉඳන්ම මේ කණ්ඩායමට ලොකු අසීරු තත්වයකට තමයි මුහුණ දෙන්න වෙන්නේ.

වැඩිදුර විමර්ශණ වලදී නෝවා විසින් ඔනෑම ආරක්ශිත කේතයක් කැඩිය හැකි උපකරණයක් හදපු බව දැනගන්න ලැබෙනවා. මේක හදන්නේ බන්ටින් නම් පුද්ගලයෙක් වෙනුවෙන්. බන්ටින් කියන්නේ සාමාන්‍යයෙන් ප්‍රෙහෙලිකා වර්ග හදන මනුස්සයෙක්. මෙයා ප්‍රෙහෙලිකා වර්ග නිර්මාණය කරලා, ඒවා අනුසාරයෙන් පරිගණක ආරක්ශක වැඩසටහන් නිපදවීමක් තමයි කරන්නේ. මොහු ජේන් එක්ක දවස් ගාණක් තිස්සේ චෙස් අදිනවා, චෙස් පුවරුවක් බාවිතා කරන්නේ නැතිවම. මේ අතර දැනගන්න ලැබෙනවා, නෝවා විසින් ඒ උපකරණය නිපදවූවාත් ඒක බන්ටින්ට විකිණීමේ අදහස අත්හැරියා, කියලා නෝවා විසින් කියලා තියෙනවා. නෝවා එහෙම තීරණයක් ගන්න හේතුව තමයි, ඒක වැරදි කෙනෙකුගේ අතට ගියෝතින් ලොකු විනාශයක් සිදුවෙන්නට ඉඩකඩ තිබීම. මේ කාරණාව නිසාවෙන් CBI විසින් සිදුකරණ විමර්ශණය සම්පූර්ණයෙන්ම වෙනත් අතකට ‍හැරෙනවා. ඒ විදියේ උපකරණයක් තියෙනවා නම්, ඒක නිසා තමයි නෝවා මරලා තියෙන්නේ. හැමෝම හොයන්නේ ඒ උපකරණය තියෙනවද කියලා. කොහොම නමුත් අවසාන බාගයේ මිනීමරුවා ජේන්ගේ උපක්‍රමයකින් අල්ලනවා. ඒ කොහොමද? මිනීමරුවා කවුද කියලා දැනගන්නත් එක්කලා සම්පූර්ණ කතාවම ඔයාලට බලන්න වෙනවා.

කතාව බලන්න, බලලා අවසානයේ උපසිරැසියේ ගුණදොස් ඇතිනම් කියන්න. තවත් උපසිරැසි දෙකකින් මේ සමය අවසාන වෙනවා. අන්තිම එකට කලින් උපසිරැසියෙන්, නැවත හමුවෙමු.

හැමෝටම ආයු-බෝ-වේවා !!! __/|\__

[button link=”http://tinyw.in/pDWZ” type=”icon” “center” newwindow=”yes”] 130 MB (2.8GB) කොපිය මෙතනින් බාගන්න[/button]

[button link=”http://tinyw.in/TEny” type=”icon” “center” newwindow=”yes”] 350 MB (8.0GB) කොපිය මෙතනින් බාගන්න[/button]

[author] [author_image timthumb=’on’]http://www.baiscopelk.com/wp-content/uploads/2012/10/Normal-.jpg[/author_image] [author_info]මේ ලබා දී ඇති සිංහල උපසිරැසි පිළිබද “ප්‍රණිත් රණසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]

<< Previous Episode                        All Episodes                      Next Episode >>