The Sandman [S01 : E08] Sinhala Subtitles | නපුරු හීනයකට උනත් හීන දකින්න පුළුවන් [සිංහල උපසිරසි]

ආයුබෝවන් හැමෝටම. ඔන්න එහෙනම් පොරොන්දු උන විදියට ඉක්මනටම හැමෝම ආසාවෙන් බලන් ඉන්න සෑන්ඩ්මෑන් සීරිස් එකේ 08 වෙනි කොටස අරන් ආවා. මේ වෙද්දි හැමෝම කලින් කොටස බලන්න ඇති කියලා හිතනවා. එහෙනම් පෙර කොටස පොඩ්ඩක් මතක් කරගෙනම අද කතාව පැත්තට යමු නේද.

පෙර කතාංගයෙන් . . . .

කතාමාලාවේ තවත් වැදගත් චරිතයක් වෙන රෝස් වෝකර් එහෙමත් නැත්තම් ඩ්‍රීම් වෝටෙක්ස් ගැන තමයි මේ කතාංගය වෙන් වෙලා තිබුනේ. වසර කිහිපයකට කලින් රෝස්ගේ දෙමව්පියන් දික්කසාද වෙන වෙලාවේ රෝස් සහ එයාගේ මල්ලි ජෙඩ් එකිනෙකාගෙන් වෙන්වෙනවා. මේ කාලේ වෙද්දි රෝස්ගේ දෙමව්පියෝ දෙන්නම මියගිහින් නිසා තමන්ගේ මල්ලිව හොයගෙන එයාගේ නීත්‍යානුකූල භාරකාරත්වය ලබාගන්න රෝස්ට ඕන වෙනවා. මේ අස්සේ රෝස් කියන්නේ වෝටෙක්ස් කෙනෙක් කියලා දැනගන්න ඩිසයර් සහ එයාගේ නිවුන් සොහොයුරිය ඩිස්පෙයා මෝෆියස්ට එරෙහිව රෝස් භාවිතා කරන්න කුමන්ත්‍රණයක් දියත් කරනවා. ඒ වගේම රෝස්, එයාගේ යෙහෙළිය වෙන ලයිටා හෝල් එක්ක එංගලන්තයට ඇවිත් අමුත්තියක්ව මුණගැහෙන්න අවස්ථාව ලැබෙනවා. ඒ වෙන කවුරුත් නෙමෙයි ඔයාලට මතක ඇති පළවෙනි කතාංගයේ මෝෆියස්ව සිරකරාම ඒ වෙලාවේ ලෝකේ පුරාම නිදාගෙන හිටපු හැමෝම දීර්ඝ නින්දකට වැටුනා කියලා. ඒ වගේම මෝෆියස් ආපහු නිදහස් උනාම ඒ නින්දට වැටිලා හිටපු අය ආපහු අවදි උනා. ඒත් අවාසනාවට එහෙම අවදි වෙන්න ජීවත් වෙලා ඉඳලා තියෙන්නේ එකම කෙනයි. ඒ තමයි රෝස් හම්බවෙන්න ආපු අමුත්තිය වෙන යුනිටි කින්කේඩ්. ඒ වගේම ඇය රෝස්ගේ මිත්තණිය කියලත් අපිට දැනගන්න ලැබුනා. ඒ වගේම තමන්ගේ මල්ලිව හොයාගන්න ආපහු කේප් කෙනඩි නගරයට යන රොස්ට අළුත් යාළුවෝ කට්ටියකුත් මුණගැහෙනවා. අන්තිමට අපි දැක්කේ ජෙඩ්ව හදාගන්න ගත්ත අයගෙන් බේරිලා එයා පැනලා යන්න හදන උත්සහය වරදිනවා වගේම සිහිනෙන් ඩ්‍රීම් ලෝඩ්ගේ මාලිගාව ඇතුලටම ගිහින් මෝෆියස් එක්ක කතාකරන්නත් රෝස්ට පුළුවන් වෙනවා.

අද කතාව වෙන් වෙන්නේ රෝස් තමන්ගේ මල්ලිව හොයන්න දරන උත්සහය වටා. ඒකට රෝස්ගේ මිත්තණිය, එයාගේ යාළුවෝ වගේම මෝෆියස්ගෙන් පවා උදව් ලැබෙනවා. ඒ වගේම රෝස්ව තමන්ගේ පැත්තට නම්මගන්න කොරින්තියන් ලොකු උත්සහයක් යොදන බවත් පේනවා. එහෙනම් තවත් පරක්කු නොවි ඔයාලා මේ කොටස බලලා ඉන්නකෝ. ඊලඟ කොටස අපේ සචින්ත සහෝ අරන් එයි. මාව මේකට සමබන්ධ කරගත්තට චාමිකර සහෝට නැවතත් ස්තූති කරන ගමන් මම යනවා. තවත් උපසිරසියකින් ඔයාලව ආපහු හම්බෙන්නම්. ජය වේවා !

අද කතාංගයේ නම – Playing House
කතා රචනය – Alexander Newman-Wise
අධ්‍යක්ෂනය – Andrés Baiz
විකාශය වූ දිනය – 2022 අගෝස්තු 05
IMDb අගය – 7.2
මීළඟ කතාංගය – Collectors

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත සඳහා වලංගු වේ.