Van Wilder: Party Liaison (2002) AKA Van Wilder Sinhala Subtitles | කූලිජ් සරසවියේ වයස්ගත උපාධිදාරියා [සිංහල උපසිරසි සමඟ] (18+)

සියලු දෙනාටම සුභ දවසක් වේවා. අද අරගෙන ආපු ෆිල්ම් එකනම් ගොඩක් කට්ටිය මේ වෙනකොටත් බලලා ඇති. බලපු අයනම් දන්නවා ෆිල්ම් එක කොයි වගේද කියලා. කොහොම හරි මේ වගේ සුපිරි ෆිල්ම් එකකට තාමත් සිංහල උපසිරැසියක් නොතිබුන නිසා තමයි තිසර නියෝ සහෝට කියලා උපසිරැසිය වෙන් කරගත්තේ. කොහොමින් කොහොම හරි වැඩේ පටන් ගත්තට පස්සෙ තමයි තේරුනෙ මේ ෆිල්ම් එකට සිංහල උපසිරැසි සකස් කිරීම කොච්චර අමාරුද කියලා. හේතුව තමා මේ ෆිල්ම් එකේ ගොඩක් වෙළද නාම වගේම අහලවත් නැති වචන අඩංගු වෙලා තිබුනෙ. ඒ නිසා නිරන්තරයෙන් අන්තර්ජාලය එක්කමයි ඉන්න උනේ. කාර්‍යබහුල කාල වකවානුවක් කොහොමින් කොහොම හරි ඉක්මනට ඔන්න වැඩේ අහවර කලා. ඉතින් වැඩිදෙයක් නොකියම තිසර නියෝ සහෝට වගේම බයිස්කෝප් ඇඩ්මින් මඩුල්ලටත් ස්තූතිවන්ත වෙමින් මම ෆිල්ම් එක පැත්තට හැරෙන්නම්.

මේ ෆිල්ම් එකේ නම National Lampoon’s Van Wilder. මේ ෆිල්ම් එක වෑන් වයිල්ඩර් කතා මාලාවේ පලමු චිත්‍රපටය ලෙස මුල්වරට ප්‍රදර්ශනය කරනු ලබන්නේ 2002 අප්‍රේල් 05 වැනි දිනයි. මේ චිත්‍රපටය අධ්‍යක්ෂණය කරල තියෙන්නෙ වෝල්ට් බෙකර් (Walt Becker) විසින්. මේ චිත්‍රපටය සදහා ලැබී තිබෙන IMDB අගය 6.4/10.ඒ අගය කොතරම් සාධාරණද කියලා චිත්‍රපටය නරඹලාම ඔයාල තීරණය කරන්න. මේ කතා මාලාව කවුරුත් දන්න American Pie කතාමාලාව වගේම Comedy (ප්‍රහසන), Romance (ආදර) ගණයට අයිති වෙන්නක්. මේ චිත්‍රපටය මිනිත්තු 92ක කාලයක් පුරා ධාවනය වෙනවා. චිත්‍රපටයේ ප්‍රධාන චරිත රග දක්වන්නෙ රයන් රෙනෝල්ඩ්ස් (Ryan Reynolds) හා ටාරා රෙඩ් (Tara Reid) විසින්. රයන් රෙනෝල්ඩ්ස්නම් දන්නවනෙ කට්ටිය. ඩෙඩ්පූල්, ග්‍රීන් ලැන්ටර්න් චරිත රග දක්වන්නෙත් මෙයාම තමයි. ෆිල්ම් එක ගැනනම් ඉතින් මීට වඩා දෙයක් කියන්න නෑ. ඒත් චිත්‍රපටේ වෙන කතාව කියන්න ඕනැනේ.

මේ චිත්‍රපටයේ කතාව ගොඩ නැගෙන්නෙ වෑන් වයිල්ඩර් කියලා පුද්ගලයෙක් වටා. මෙයා ඉගෙන ගන්නෙ කූලිජ් කැම්පස් එකේ. ඒකත් ඇවිල්ලා පොඩි කාලයක් නෙවෙයි අවුරුදු 7ක ඉදන්. වෙන අයනම් කැම්පස් යන්නෙ උපාධිය ගන්නනේ. ඒත් මෙයානම් කැම්පස් ගිහිල්ලා තියෙන්නෙ ඒකට නෙවෙයි. ඒකට ගියානම් ඉතින් අවුරුදු 7ක් කැම්පස් එකේ පල්වෙන්න ඕනැයැ. ඉතින් මෙයා විභාගවලින් කට්ටි පැන පැන තමන්ට ඕනැ විදිහට කැම්පස් එක ඇතුලේ කරක් ගහනවා. මෙයා කැම්පස් එකේ කොච්චර ජනප්‍රියද කියනවනම් කැම්පස් එකේ ඉන්න කනිටු සිසු සිසුවියන්ට ඕනෙත් මෙයා වගේ වෙන්න. මෙයාගෙ නම කිව්වම කැම්පස් එකේ නොදන්න කෙනෙක් නෑ. ඔහොම ඉතින් කතාව යද්දී මෙයාගෙ ප්‍රසිද්ධිය නිසාම මෙයා ගැන වාර්තා කරන්න මාධ්‍යවේදියෙක් එනවා. මාධ්‍යවේදියෙක් කීවට මෙයා මාධ්‍යවේදීනියක්. ඔන්න ඔතනින් තමයි කතාව හරියටම පටන් ගන්නෙ. මෙතන ඉදන් තමයි වෑන්ට නොසිතූ ප්‍රශ්නවලට මුහුණ දෙන්න වෙන්නෙ. මීට වඩා දෙයක් කියන්න යන්නෙ නෑ රසාස්වාදය බිදෙන නිසා. කතාව බලලම දැනගන්න පුලුවන් මොකද වෙන්නෙ කියලා.

මේ චිත්‍රපටය සුපිරිම චිත්‍රපටයක් කියලා අවිවාදයෙන්ම කියන්න පුලුවන්. ඒ නිසා මේ චිත්‍රපටය බලන්න කියලා සියලුදෙනාටම ආරධනා කරනවා. කලින් බලල තියෙන කට්ටිය උනත් සිංහල උපසිරැසියත් එක්ක ආයි බලයි කියලා හිතනවා. කොහොමහරි මේ චිත්‍රපටයේ තියෙන ඇතැම් දර්ශණ හා වාග් භාවිතය නිසා වැඩිහිටියන් පමණක් මෙය නරඹන්න කියලා කියන්න ඕනේ. මේ චිත්‍රපට මාලාවේ කොටස් 3න් මේ පලවෙනි කොටස. තුන්වෙනි වෙනි කොටසට දැනටමත් බයිස්කෝප් වෙබ් අඩවියේ උපසිරැසිය ලබා දී තිබෙනවා. ඉතින් මේ චිත්‍රපට මාලාවෙ දෙවෙනි කොටසටත් සිංහල උපසිරැසිය ලබා දීමේ බලාපොරොත්තුවෙන් මම අදට සමුගන්නවා. ඔබට ජය…

….ඔබ අනාගතය ගැන ඕනෑවට වඩා හිතනවනම් ඔබට වර්තමානය ගැන අමතක වෙනවා…( වෑන් වයිල්ඩර් )

Due to copyright issues, we do not provide any torrent links.

මෙම ලබා දී ඇති උපසිරැසි BR පිටපත සඳහා අදාළ වේ.

[author]

මේ ලබා දී ඇති සිංහල උපසිරැසි පිළිබද “සාලිය රණස්ගල්ල” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank

NEW MEMBER
JOINING DATE – 2018-12-28
SUB MAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවන් මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]