57 Seconds (2023) Sinhala Subtitles | තප්පර 57ක් කාලය හරහා ආපස්සට! [සිංහල උපසිරැසි]

57 Seconds (2023) Sinhala Subtitles

මට ඒක වෙනස් කරන්න පුළුවන් උනානම්? දවසකට එක්කෙනෙක් හරි මෙහෙම කියන බවනම් අනිවාර්යයෙන්ම වෙන දෙයක්. ඔබ, මම ඇතුළු මේ ලෝකේ ඉන්න බහුතරයක්ම දවසකට හරි මෙහෙම හිතලා නෑ කිව්වොත් ඒක ලොකු බොරුවක්. ඇත්තටම අපේ මේ ජිවීත කාලේ කරපු දේවල්, අත්විඳපු දේවල් ආපහු අතීතයට ගිහින් වෙනස් කරන්න පුළුවන්නම් කොච්චර හොඳද. ඒක කරන්නනම් අපිට කාල තරණය එහෙමත් නැත්තම් Time Travelling කරන්න වෙනවා. දශක ගාණක් තිස්සේ විද්‍යාඥයෝ ඔට්ටු වෙන තවත් සංකල්පයක් තමයි මේ කාල තරණය කියන්නේ. ඇල්බට් අයින්ස්ටයින්ස්, ස්ටීවන් හෝකින්ස් වැනි සුපතල විද්‍යාඥයන් පවා මේ පිළිබඳ විවිධ මත ඉදිරිපත් කරත් අදටත් ලොවට තියෙන ලොකුම ගැටළුවක් විදියට මේ කාල තරණය හඳුන්වන්න පුළුවන්.

57 Seconds (2023) Sinhala Subtitles

නමුත් මේ සිද්ධාන්තය කල්පිතයකටම සීමා නොකර කිසිම ප්‍රශ්නයක් නැතුව කරලා පෙන්නපු කට්ටියකුත් මේ ලෝකේ ඉන්නවා. ඒ තමයි හොලිවුඩ් වල ඉන්න සිනමා පට අධ්‍යක්ෂවරු සෙට් එක. චිත්‍රපට රසිකයෝ වශයෙන් අපි හැමෝටම ඒකනම් අමතක වෙන්න විදියක් නෑ. මිනිසුන්ගේ ඔළුවට ඉතා තදින්ම මේ කාල තරණ සංකල්පය දාන්න හැකිවුන චිත්‍රපටයක් විදියට 1985 වසරේ නිකුත් උන Back to the Future හඳුන්වන්න පුළුවන්. මෙම සලරුවේ හඳුන්වලා දුන්න කාල තරණ සංකල්පය එකල ලොවපුරා උන්මාදයක් ඇති කරවන්න සමත් උන බව අප දන්නවා. ඒ වගේම Terminator, Planet of the Apes, 12 Monkeys වැනි චිත්‍රපට වගේම මෑත කාලයේ නිකුත් උන Interstellar (2014), The Butterfly Effect (2004), Tenet (2020), Avengers: End Game (2019) ඊට හොඳම උදාහරණ ලෙස පෙන්වන්න පුළුවන්. ඉතිං මේ කාල තරණ සිද්ධාන්තය මත නිර්මාණය උන නවතම චිත්‍රපටය තමයි අද ඔයාලට අරගෙන ආවේ.

57 Seconds (2023) Sinhala Subtitles

57 Seconds චිත්‍රපටය මේ වෙද්දි 55%ක ගූගල් පරිශීලක කැමත්ත ලබාගෙන, 5.4ක IMDb අගයකුත් ලබාගෙන තියෙනවා. Fantacy / Mystery යන කාණ්ඩයන්ට තමයි චිත්‍රපටය වර්ගීකරණය කරලා තියෙන්නේ. චිත්‍රපටය අධ්‍යක්ෂනය කරන්නේ Rusty Cundieff විසින්. රංගනයෙන් දායක වෙන අය අතර The Hunger Games චිත්‍රපට මාලාවේ සහ Bridge To Terabithia (2007) වැනි සිනමාපට වලින් හමුවූ Josh Hutcherson ෆ්රෑන්ක්ලින් ෆොක්ස් ලෙසත්, කවදාවත් පෙනුම වෙනස් නොවෙන හොලිවුඩයේ පුරාවෘත්තයක් වන Morgan Freeman ඇන්ටන් බරෙල් ලෙසත්, Lovie Simone ජේලා ලෙසත්, Bevin Bru රෙනේ ලෙසත්, Greg Germann සිග් තොරින්සන් ලෙසත් රංගන දායකත්වය ලබාදෙනවා.

57 Seconds (2023) Sinhala Subtitles

කතාව ගැන සාරාංශව කිව්වොත් ෆ්රෑන්ක්ලින් කියන බ්ලොග් රචකයට අරුම පුදුම උපකරණයක් හම්බෙනවා. උපකරණයක් කිව්වට මේක මුද්දක් වගේ ගැජට් එකක්. මේක නිකන්ම ගැජට් එකක්කුත් නෙමෙයි ඒකට පුළුවන් හරියට තප්පර 57ක් අතීතයට යන්න. මේ මුද්දේ බලය යොදාගෙන තමන්ගේ පවුලට වගේම ලෝකෙටම වින කරපු මහා ඖෂධ සමාගමක් අයිති සල්ලිකාරයෙක්ව බංකොලොත් කරන්න ෆ්රෑන්ක්ලින් උත්සහ කරනවා. සිග් තොරින්සන් කියන මේ සල්ලිකාරයත් එසේ මෙසේ කෙනෙක් නෙමෙයි. ඔහු ඇමරිකාවේ බලවතුන්ගේ ලැයිස්තුවේ ඉන්න සටකපට හයානක මිනිහෙක් බවත් ෆ්රැන්ක්ලින්ට වැටහෙනවා.

57 Seconds (2023) Sinhala Subtitles

ඉතින් අපේ වීරයට මේ මුද්ද හම්බෙන්න කොහොමද? ඒ වගේම තමන්ගේ පළිගැනීම සම්පූර්ණ කරයිද කියලා දැනගන්න දැන්ම මේ චිත්‍රපටය බලන්න කියලා ඔයාලගෙන් ඉල්ලනවා. ඒ වගේම විශේෂයෙන්ම අපේ විමාට ස්තූති කරන්න ඕන මේ සලරුව කරමු කියලා යෝජනා කරලා උපසිරසි ගොනුවත් හොයලා දුන්නට. ඒ වගේම දිනිදු සම්පත් සහෝදරයාටත් බොහොම ස්තුතියි මේ වැඩේ ඉවර කරන්න හවුල් වුනාට.

57 Seconds (2023) Sinhala Subtitles

එහෙනම් තවත් ලිපිය දිගු කරන්න අදහසක් නෑ. වෙනදා වගේම කොමෙන්ටුවක් කොටාගෙන යන්න කියලා ඔයලගෙන් ඉල්ලන ගමන් මමත් ගිහින් එන්නම්. තවත් උපසිරැසියකින් නැවත හමුවෙමු. ජය වේවා !

මේ ලබා දී ඇති සිංහල උපසිරැසි පිළිබද “දිනිදු සම්පත්” සහ “යුරාන් ධනුක” සොහොයුරන් වෙත අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

Subtitle Contributor Rank
SUBMAKER RATING BY ADMINS

57 Seconds (2023) Sinhala Subtitles