Franz + Polina (2006)Sinhala Subtitles | කටුක ප්‍රේමය [සිංහල උපසිරැසි]

පොලීනා කියන්නෙ බෙලරුසියාවෙ ඈත පිටිසර ගම්මානයක ජීවත්වුන සුන්දර තරුණියක්, ඇය අම්මා එක්ක ගමේ ජීවත්වුනේ. මේ කාලෙ බෙලරුසියාව පාලනය කලේ ජර්මානු නාසි හමුදාව, එයාලා අල්ලගෙන හිටපු ප්‍රදේශවල සාමාන්‍ය මිනිසුන් සමූල ඝාතනය කලා, වදකඳවුරු වලට යැව්වා, ජර්මන් හමුදාව ගම්මාන පිටින් ගිනි තිබ්බා. මේ වගෙ ගම්වල හිටපු හැමෝම කැලෑවලට පැනලා ගියා. එහෙම පැනල යන පිරිමි උදවිය රුසියාවට සහය දක්වන කැරලිකාර කණ්ඩායම් වලට එකතුවුනා. පොලීනාගෙ අයියයි තාත්තයි දෙන්නම කැරලි කණ්ඩායම් වලට එකතුවෙලා හිටියෙ. මේ වෙලාවෙ ෆ්රාන්ස් හිටියෙ පොලීනගෙ ගමේ, එයා ජර්මන් නාසි හමුදාවෙ සුලු සේවකයෙක්, ඉක්මනටම මේ දෙන්න අතරෙ හාදකමක් ඇතිවෙනවා. ඔවුන්ගෙ ආදර කතාව ගැන මේ චිත්‍රපටියෙන් කියවෙනවා. යුද්ධය නිසා බොහෝ දේවල් ඇතිවෙනවා වගෙම නැතිවෙන්නත් පුලුවන්. මොන විදියක පැත්තක හිටියත් සතුරෙක් වුනත් ඔවුනුත් හැගීම් දැනීම් ඇති මිනිසුන් කියල මේ චිත්‍රපටයෙ කතාවෙ දකින්න තියෙනවා.

බයිස්කෝප් සහෝදර සහෝදරියන් වෙනුවෙන් අද ගෙනාවෙ ටිකක් විතර සම්භාව්‍ය ගනයෙ සම්මානනීය දෙවන ලෝක යුද්ධෙ කාලෙ පදනම්වුන රුසියානු ලස්සන ආදර කතාවක්. මම චිත්‍රපටියක දැකපු ලස්සනම දර්ශන තල මේ චිත්‍රප්ටියෙ තිබුනා, හැම කැමරා කෝණයක්ම චිත්‍රයක් වගේ. මේ චිත්‍රපටියෙ තිරරචනය රඟපෑම් සහ කැමරාකරණය අතිවිශිෂ්ඨ තලයක තියෙනවා.යුද්ධය නිසා බොහෝ දේවල් ඇතිවෙනවා වගෙම නැතිවෙන්නත් පුලුවන්. මොන විදියක පැත්තක හිටියත් සතුරෙක් වුනත් ඔවුනුත් හැගීම් දැනීම් ඇති මිනිසුන් කියල මේ චිත්‍රපටයෙ කතාවෙ දකින්න තියෙනවා. Mikhail Segal අධ්‍යක්ෂනය කරපු මේ චිත්‍රපටයට ලෝකෙ පුරා රසිකයන්ගෙ ප්‍රතිචාර ලැබිලා තියෙනවා. ෆ්රාන්ස් සහ පොලීනා දෙන්නට ලස්සන අලුත් ජීවිතයක් ගතකරන්න පුලුවන් වේවිද කියල ඔයාලම බලන්න. ඔබට සුභ දවසක් වේවා!

Due to copyright issues, we do not provide any torrent links.