Iruttu (2019) Sinhala Subtitles | අන්ධකාරය [සිංහල උපසිරසි සමඟ]

සුභ දවසක් බයි‍ස්කෝප් සිංහලෙන් රසික රසිකාවියනි! අද අප ඔබවෙත රැගෙන ආවේ පසුගිය වසරේ අවසානයේ තිරගත කරන ලඳ තවත් අමුතුම ආකාරයේ දමිළ සිනමාපටයක්. හැමදාම බලන හොල්මන් කතා, අද්භූත කතා සමඟින් සංසන්දනය කර බැලුවහොත් ඔබට මේ සිනමාපටයේ දි සම්පූර්ණම වෙනස් ආකාරයේ කතාවක් දැක ගන්නට පුළුවන් වේවි යැයි අනුමාන කරනවා. ඒ වගේම අද්භූත කතා වලට කැමති අනිකුත් භාෂා සිනමා රසිකයනුත් නිසැකවම මේ සිනමා පටයට කැමති වේවි යැයි කියාද අනුමාන කරනවා. ‍එනම් මේ සිනමා නිර්මාණය සාම්ප්‍රදායික දමිළ චිත්‍රපටවල ආකාරයෙන් නිර්මාණය කර නැති නිසා ගීත කිහිපයක් තිබුණත් සම්පූර්ණයෙන්ම මේ චිත්‍රපටය හොලිවුඩ් චිත්‍රපටයක ආරයෙන් නිර්මාණය කර තිබීම විශේෂත්වයක්. පසුබිම් සංගීතය කතාව ගොඩ නැඟීම සහ චිත්‍රපටයේ සංකල්පය සම්පූර්ණයෙන්ම වෙනස්. ඒ නිසා මෙය බැලිය යුතුම අද්භූත ඝණයේ සිනමාපට වලින් එකක් යැයි කියා යෝජනා කිරීමටද කැමතියි.

චිත්‍රපටය ගැන කතා කලහොත් මෙහි කතාව තුල සිටින්නෙ අරාබිකරයෙ Jinn නමින් හැඳින්වෙන අත්භූත ජිවීන් කොටසක්. ඔවුන් නිසාවෙන් ගමකට සිදුවන අභිරහස් සහ භයානක සිදුවීම් කිහිපයක් ගැනයි කතාව තුල ඇතුලත් කර තිබෙන්නේ. ඉතින් ඒ අද්භූත ජීවි කොට්ඨාශය ගැන යම් පැහැදිලි කිරීමක් සිදු කිරීමට තරම් ප්‍රමාණවත් මූලාශ්‍රයක් නොමැති නිසා අප ඔවුන් ගැන පැහැදිලි කිරීමට සූදානම් වන්නේ නෑ. කිමද එය විස්තර කිරීමේදි යම් යම් හෝ අඩුපාඩුවක් සිදුවුවහොත් එය ප්‍රේක්ෂක ඔබට අප විසින් සිදුකරන අකටයුත්තක් වෙන නිසාවෙන්. අන්තර්ජාලය තුල ඉහත වචනය ගැන සොයා බැලුවහොත් ඔබටම මේ පිළිබඳ දළ අදහසක් ලබා ගැනීමට හැකිවේ යැයි තවදුරටත් පසක් කරමින් චිත්‍රපටයේ අනෙකුත් විස්තරයන් සඳහා යොමුවෙනවා.

2019 දෙසැම්බර් මස 06 දින තිරගත කිරීම ආරම්භ කල මේ සිනමාපටය සඳහා ඉතාමත් හොඳ මට්ටමේ ප්‍රේක්ෂක ප්‍රතිචාරයන් මෙන්ම විචාරක අදහස්ද හිමිවුනා. දමිළ චිත්‍රපට අධ්‍යක්ෂකවරයෙකු මෙන්ම නළුවකුද වන Sundar විසින් මෙහි ප්‍රදාන චරිතය හොබවනවා. V. Z. Durai දමිළ චිත්‍රපට අධ්‍යක්ෂකවරයාගේ අධ්‍යක්ෂණයෙන් සහ තිර රචනයෙන් නිර්මාණය වුන අතරම මෙහි තවත් ප්‍රධාන චරිතයක් හොබවන Sai Dhanshika ගේ රංඟනයද බොහො සෙයින් කතා බහට ලක් උනා. Girishh නම් දමිළ සිනමා සංගීත අධ්‍යක්ෂකවරයාගේ අද්භූත චිත්‍රපටයකට මනා ලෙස ගැලපෙන අති ප්‍රභල තියුණු පසුබිම් සංගීතය නිසා ඔබද තිගැස්සි යන බව නම් නොඅනුමානයි.

යුතුකමක් වශයෙන් පවසන්නම් ශ්‍රී ලංකාවට අමාරු කාලයක් වන මේ අවස්ථාවේ රජයේ නීති රීති වලට අවනත වෙමින් නිව‍සේ සිට ඔබගේ සහය ලබා දෙන්න. කම්මැලි අයට බයිස්කෝප් වෙඩ් අඩවියේ ඕනෑ තරම් චිත්‍රපට, කතා මාලා ලබා දී තිබෙනවා.

Due to copyright issues, we do not provide any torrent link.

මෙම ලබා දී ඇති උපසිරැසිය HDRip පිටපත් සඳහා අදාළ වේ.

[author]

මේ ලබා දී ඇති සිංහල උපසිරැසි පිළිබද “රංග ප්‍රසන්න” සහ “ චාමික මධුෂාන් ” සොහොයුරන් හට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.[/author]

SUB-MAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]