Manjummel Boys (2024) Sinhala Subtitles | මෙන්න නියම මිතුරෝ [සිංහල උපසිරැසි]

Manjummel Boys (2024) Sinhala Subtitles

ආදරණීය රසිකයන් සියළු දෙනාටම සුභ අළුත් අවුරුද්දක් ප්‍රාර්ථනා කරනවා. අවුරුදු නිවාඩුවෙ නිදහසේ නරඹා රස විඳින්න ලස්සන සිනමා පට පෙළක්ම බයිස්කෝප් ඔයාලට තිළිණ කරනවා.ඒ ගමන්ම අපට ඉල්ලීම් ගලාගෙන එනවා මෙතෙක් සබ් නොදුන්න අළුත් පරණ මලයාලම් සිනමා පට විශාල සංඛ්‍යාවකට සබ් ලබා දෙන්න කියලා මේකත් එහෙම ඉල්ලීමක්. අපේ සිනමා රසිකයින් නොඉවසිල්ලෙන් බලා ඉන්න තවම OTT Release නොවුන සුවිශේෂ චිත්‍රපටයකට සබ් ඉල්ලපු නිසා මම හිතුවා හැකි විදිහට කැමරා කොපියකට සබ් එකක් දෙන්න. මේක release වෙන්නෙ කියන හැටියට මැයි තුන් වෙනිදා.එච්චර කල් ඉවසන්න බෑ නේද මංජුමෙල් බෝයිස් බලන්න? දන්නවනේ කැමරා කොපි ගැන? පින්තූර, වගේම ශබ්දයේ කොලිටියත් ගොඩාක් අඩුයි.ඒ නිසා කියන්නෙ මේකෙ කොලිටි එක නම් චෝදනා කරන්න එපා. ඒත් චිත්‍රපට ඩිජිටල් කොපිය එනකල් බලන් ඉන්න බැරි අයටයි මේක දෙන්නෙ.ඒ නිසා කොලිටියටම බලන්න ඉන්නව නම් දැන්ම බලන්න එපා. යතා කාලයෙදි ඩිජිටල් කොපිය එළියට දාපුවාම අපි සබ් එක යාවත්කාලීන කරනවා. මේකට සබ් එක කරන එක ටිකක් අමාරු වැඩක් උනත් කොහොම හරි කලා. අඩුපාඩු ඇති. ඒව ඉවසන්න. ඒත් චිත්‍රපටියට කිසි හානියක් නොවෙන විදිහට අපි ඒක කලා. මේ සබ් එකට අදාල කැමරා කොපිය අපේ වෙබ් අඩවි සහ ටෙලිග්‍රෑම් වල ලින් වලින් බා ගන්න.හැම කොපියකටම අදාළ නෑ

මේ චිත්‍රපටිය ගැන නම් අමුතුවෙන් රසිකයින්ට කියන්න ඕනෙ නෑ. මුලින්ම කියනව නම් මේක තමයි මලයාලි ඉතිහාසෙ එතෙක් මෙතෙක් වැඩිම ආදායමක් ලබපු චිත්‍රපටය. මලයාලි චිත්‍රපටයක් ඉන්දියානු රුපියල් කෝටි දෙසීය පන්නපු පළවෙනි අවස්ථාව. සාපේක්ෂව අඩු ජනගහනයක් ඉන්න කේරළයෙ කෝටි 50 පන්නනව කියන්නෙත් ලොකු ආදායමක්. ඒත් කෝටි 20 ක බජට් එකකින් කරපු මේක මේ වෙන කොට කෝටි 250ක ආදායමකට ළං කරලා. ප්‍රධානම හේතුව මේ චිත්‍රපටය හිට් උනේ කේරළයෙ පමනක් නෙමෙයි මේ වෙන කොට තමිල්නාඩුවෙ මේ කාර්තුවෙ වැඩිම ආදායම් ලබපු චිත්‍රපටයහ් මේක. ඒකත් ආයාලන්, කැප්ටන් මිලර් වගේ විශාල දමිළ නිශ්පාදනද අභිබවා ගිහින්. හේතුව පස්සෙ තේරෙයි. කොහොම උනත් මොලිවුඩය මේ කාලෙ දියත් කරන බොක්ස් ඔෆිස් පෙරහරේ හටියට මේ වාර්තා කොපමන කලක් රැඳී තියෙයිද කියන එක ප්‍රශ්ණයක්. (ප්‍රීතිවිරාජ්ගෙ ආඩුජීවිතම් යන විදිහට)

survival drama ඝනයට වැටෙන මේ චිත්‍රපටය ගැන අපූරු තොරතුරු ටිකක් කතා කරමු. ජාන් ඊ මන් අධ්‍යක්ෂණය කරපු චිදම්බරම්ගෙ දෙවන චිත්‍රපටය තමයි මේක. සුපිරි නළු සෞබින් සුහේර් සමග තවත් යොවුන් නළුවන් පිරිසක් තමයි මේකෙ රඟපාන්නෙ මේකට පසු බිම් වෙන්නෙ ඇත්ත සිද්ධියක්.

වර්ෂ 2006 දි කේරළයෙ කොචි ප්‍රදේශයේ මංජුමාල් (මංජුමෙල්) නම් කුඩා නගරෙක ක්‍රීඩා සමිතියක තරුණයො කණ්ඩායමක් ට්‍රිප් එකක් යනවා. ඒ තමිල්නාඩුවෙ කඳුකර පෙදෙසක් වන කොඩෙයිකානල් කියන ප්‍රදේශයට.එහි තිබෙන ‘යකාගෙ කුස්සිය’නමින් කලින් හඳුන්වනු ලැබූ පසුව ගුණා කේව්ස් නම ලැබුන ගුහා සංකීර්ණයක් නරඹන්න මේ පිරිස යනවා.1991 දි කමල් හසන් රඟපාපු ගුණා නැමැති එකල ජනප්‍රිය උන චිත්‍රපටයෙ එක් ජනප්‍රිය ගීතයක් (කන්මනි අන්බෝඩු කාදලන්) රූ ගත කරන්නෙ මෙතන. ඒ නිසාම මෙතනට ගුණා කේව් කියන නම පට බැඳෙනවා.තරුණ පිරිස යන්නෙ ඒ ස්ථානය බලන්න. එහි ඇති නතුරු දායක තත්වය මත එතන තහනම් ප්‍රදේශයක් කර තිබුනත් මේ කෙළිලොල් තරුණයින්ට ඒක බාධාවක් නෙමෙයි.ඒක අමුතුවෙන් කියන්න ඕනෙ නෑනේ. ඇයි අනතුරු දායක කියල හොයල බලන්න එපායැ.

Manjummel Boys (2024) Sinhala Subtitles

ගුනා 1991 චිත්‍රපටියෙ පෝස්ටරයක්

ඇත්ත මංජුමාල් කොල්ලොයි(එදා) නළු මංජුමාල් කොල්ලොයි

ඇත්ත මංජුමෙල් කොල්ලෝ දැන්.මෙහි මයික් එක අල්ලන් ඉන්නේ කුට්ටන්,ඔහුට දකුණු පසින් සුභාෂ්

ඉතිං එතනදි යම් සිදුවීමක් සිදු වෙනවා.ඒ සිදු වීම අවසන් වෙන්නෙ කොල්ලො ටිකට ලොකු ප්‍රසිද්ධියක් ලැබිලා.ඒ කාලෙ සමාජ මාධ්‍ය එතරම් ජනප්‍රිය නැති නිසා මේ සිද්ධිය දැන් වගේ වයිරල් වෙන්නෙ නෑ.කාලයත් එක්කම කතාව යටපත් වෙලා ගියත් කිහිප දෙනෙක්ම ඒක සිනමාවට ගේන්න තැත් කරනවා. ඒත් ඒක සාර්ථක කර ගන්නෙ චිදම්බරම්. ඉතිං දැන් ඔයාලට තේරෙනව ඇති ඇයි තමිල්නාඩු ජනතාව ආදරයෙන් මේක වැලඳ ගන්න හේතුව.මේක වැඩිපුර රූප ගත වෙන්නෙ තමිල්නාඩුවෙොවුන් ආදරය කරන කමල් හසන් සහ ගුනා මේකට පසුබිම් වෙනවා.කමල් හසන් මෙන්ම රජ්නිකාන්ත් පවා මේ චිත්‍රපටය සම්බන්ධයෙන් විශාල ප්‍රසංශාවක් දෙනවා.ඇත්තම කියනවා නම් චිත්‍රපටයක් නිකම් ජනප්‍රිය වෙන්නෙ නෑ. ඒත මේකෙ ත්‍රාසය, කුතුහලය නොඅඩුව රඳවාගෙන ඉතා තාත්විකව ඉදිරිපත් කරනවා. අපිට උනත් හිතෙන්නෙ අපේ කතාවක් වගේ දැනෙනවා.

චිත්‍රපටයෙන් පස්සෙ ජනප්‍රිය ඒකෙ පරණ කතාව නැවත උඩට ඇවිත් ඒ ඇත්ත තරුණයින්ටත් එදාටත් වඩා සෑහෙන ප්‍රසිද්ධියක් එනවා. ඔවුන් දැන් නිතරම විවිධ මාධ්‍යය ඔස්සේ දැක ගන්න පුළුවන් ඔවුන්ගේ සත්‍ය කතා පුවතත් එක්ක.අධ්‍යක්ෂක වරයා ප්‍රේක්ෂකයින්ට රහසක් ඉතුරු කරමින් කරපු අපූරු වැඩක් පසුව හෙළි උනා. ඒ තමයි ඒ ඇත්ත මංජුමෙල් කොල්ලො ටිකත් මේ චිත්‍රපටයෙ එක දර්ශනයකට සම්බන්ධ කර ගැනීම. මුල් හරියෙ මංජුමෙල් කොල්ලො එක්ක මගුල් ගෙදර වළියක් දා ගන්නෙත් ඊට පස්සෙ උන් එක්ක කඹ අදින්නෙත් මේ ඇත්තම මංජුමෙල් කොල්ලො ටික තමයි. ඒක කොයි වෙලාවෙදිවත් කිය වෙන්නෙ නෑ. ප්‍රේක්ෂකයින්ම තමයි හෙලි කර ගන්නේ. ඒ වගේම තමිල්නාඩුවෙ දැන් ගුණා චිත්‍රපටයට නැවත තිර ගත කිරීමකට විශාල ඉල්ලුමක් ඇති වෙලා තියෙනවා කියලත් ආරංචියි.

ඉතිං තව විස්තර අවශ්‍ය නෑ, බලන්න හදිස්සි නිසා නවතින්නම්. ආයෙත් කියනවා මේක කැමරා කොපියක් හොඳේ.

අවුරුදු කාලෙ තවත් නව උප සිරස කීපයකින් හමු වෙමු. ආයුබෝවන්

Due to copyright issues, we no longer provide any torrent links.

මෙම උපසිරැසිය HQ-PreDVD(කැම්) පිටපත් සඳහා වලංගු වේ.

මේ ලබා දී ඇති සිංහල උපසිරැසි පිළිබද “BANDULA K” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
SILVER MEMBER
JOINING DATE – 2023-09-10
SUB-MAKER RATING BY ADMINS

Manjummel Boys (2024) Sinhala Subtitles