A Thursday (2022) Sinhala subtitles | උන්මත්තකාවියකට නතු වූ බ්‍රහස්පතින්දාව… [සිංහල උපසිරසි]

මගේ නම කැතරීන් අල්වාරෙස්.. මෙහේ කොලාබාවල පොලිසියේ ACP… මම ගැබිණියක්.. අද නිවාඩුවකුත් දාලා දොස්තරව මුණ ගැහෙන්න අපොයිමන්ට් එකක් දාගෙන ඉන්නකොට… උදේම කොස්තාපල් ලෝඛණ්ඩේගෙන් කෝල් එකක් ආවා.. නෛනා ජෛස්වාල් කියලා තරුණියක් පෙර පාසලක ළමයි ටිකක්ව ප්‍රාණ ඇපයට තියාගෙන පොලිසියෙන් ඉල්ලීම් කීපයක් ඉල්ලනවා කියලා කෝල් එකක් ආවා කියලා.. නිවාඩුවත් පැත්තකින් තියලා මටත් එන්න වුණා.. බැලින්නම් කතාව ඇත්ත..

ඇයගේ ඉල්ලීම වුණේ මගේ ගෝලයෙක් වුණු ජාවේද් ඛාන් එක්ක කතා කරන්න ඕනේ කියන එක… හොයලා බලනකොට ඇය මේ පෙර පාසලේ ගුරුවරිය… ළමයි 16ක්ව ඇය ප්‍රාණ ඇපයට අරන්.. ඇය ඉතා හොඳ කරුණාවන්ත ගුරුවරියක් කියලයි අසල්වාසියෝ කියන්නේ, මේක විශ්වාස කරන්නත් අමාරුයි කියලා තමා හැමෝම කියන්නේ… ඇය ටික ටික අමුතු ඉල්ලීම් තමා ඉල්ලන්න ගත්තේ… ඇයගේ මේ ඉල්ලීම්වල අරමුණ මොකක්ද??

මේ අවුරුද්දේ ඩිස්නි හොට්ස්ටාර් ප්ලස් වලින් මුදාහැරුණු අලුත්ම හින්දි චිත්‍රපටය වුණු අ තර්ස්ඩේ චිත්‍රපටයේ මූලික කතාව තමා ඕක…

තර්ස්ඩේ චිත්‍රපටය අධ්‍යක්ෂණය කරන්නේ බෙහ්සාද් ඛම්බටා විසින්, තිර රචනයටත් ඔහු දායක වෙනවා… නෛනා ජෛස්වාල් කියන ප්‍රධාන චරිතයට දායක වෙන්නේ Vicky Donor, Sanam Re, Kaabil, Baala, Bhooth Police වගේ ජනප්‍රිය චිත්‍රපටවල රඟපෑ යාමී ගෞතම්…ඇයට අමතව නේහා දූපියා, අතුල් කුල්කර්ණි, ඩිම්පල් කපාඩියා වගේ දක්ෂ නළු නිළියන් සහය රංගනයෙන් දායක වෙනවා.

IMDb දර්ශකයේ 8.3ක අගයක් මේ වන විට මේ චිත්‍රපටය ලබාගෙන තියෙනවා.. මේ වනවිට හතර වටින්ම විචාරක පැසසුම් ලබන අ තර්ස්ඩේ ත්‍රිලර් ශානරයේ මේ චිත්‍රපටය නරඹන්න කියලා ඔබට ආරාධනා කරනවා.

එහෙනම් ගිහින් එන්නම්…. ආ මේක ඉක්මණට ගේන්න උපසිරැසි ලයින්වලින් භාගයක් බොහොම ඉක්මණින් යුහුසුළුව කරලා දුන්නු අපේ හින්දි ඔස්තාර් ෆීනික්ස් උතුමාණන්‍ට මම මේ මොහොතේ බෙහෙවින්ම ස්තූතිවන්ත වෙනවා…

එහෙනම් ගිහින් එන්නම්.

 

 

 

Due to copyright issues, we no longer provide any torrent links.

මෙම ලබා දී ඇති උපසිරසි WEB පිටපත් සඳහා ගැළපේ.

8,355 downloadsDownload A-Thursday-2022.zip63 KB

මේ ලබා දී ඇති සිංහල උපසිරැසි පිළිබද “සිසිත සමරතුංග (සිසියා)” සොහොයුරාට සහ PHOENIX” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

 

SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.