Dil Chahta Hai (2001) | මිතුදමක් වෙන් කල සෙනෙහසක්… [සිංහල උ…

උපසිරිසි බාගත කිරීම සඳහා පහලට යන්න

[box]එහෙමනම් ඉතින් යාළුවනේ අද දවස අපි හැමෝගෙම රසවින්දනයේ සොදුරු නවාතැන්පලවන baiscope.lk අඩවියට ඉතාම සුවිශේෂී දවසක්. 2009 වසරේ මාර්තු මාසෙ 10 වනදා රොයිලි ප්‍රනාන්දු සහෝදරයා විසින් බිංදුවයි එකෙන් පටන් අරගත්තු මෙම පරහිතකාමී ව්‍යාපාරයට අද දවස වෙනකොට එකයි බිංදු තුනක් දක්වා දුෂ්කර-දීර්ඝ ගමනක් ඇවිත් අද දව…

එහෙමනම් ඉතින් යාළුවනේ අද දවස අපි හැමෝගෙම රසවින්දනයේ සොදුරු නවාතැන්පලවන baiscope.lk අඩවියට ඉතාම සුවිශේෂී දවසක්. 2009 වසරේ මාර්තු මාසෙ 10 වනදා රොයිලි ප්‍රනාන්දු සහෝදරයා විසින් බිංදුවයි එකෙන් පටන් අරගත්තු මෙම පරහිතකාමී ව්‍යාපාරයට අද දවස වෙනකොට එකයි බිංදු තුනක් දක්වා දුෂ්කර-දීර්ඝ ගමනක් ඇවිත් අද දවස වන විටදී රන් සලකුනක් තබන්නට සමත්වෙලා. අද දවසෙදි සම්පූර්ණ වෙච්ච සිංහල උපසිරසි දහස අතරට “හේවා ලුණුවිලගේ ආසිරි ප්‍රියන්ත” කියන නම දහ අට වතාවකම සලකුනු කරන්නට හැකිවීම ගැන මහාණර්ඝ, නමුත් නිහතමානී සතුටක් ලබන අතර බයිස්කෝප් අඩවිය තව චිරාත් කාලයක් යෙහෙන් වැජබේවා කියල හදවතින්ම ප්‍රාර්ථනා කරනගමන් දහ නවවන වතාවටත් මම තවත් ලස්සන හින්දි බයිස්කෝප් පටයක් අරගෙන ආව. ඕං එහෙනම් පඳුර තලන්නයි මේ සූදානම…. 😉

බොලිවුඩය තමන්ගේ යටතට පත්කරගෙන අණසක පතුරවාලන සුප්‍රසිද්ධ ඛාන් වරුන්ගෙන් දෙදෙනෙක් වන “Aamir Khan” සහ “Saif Ali Khan” සමගින් “Akshaye Khanna” ප්‍රධාන චරිත සදහා පනපොවන, සුරූපී “Preity Zinta” ගේ රංගනයෙන් හැඩවූ සොදුරු සිනමා සිත්තමක් වන මෙය Rock On!! (2008), Zindagi Na Milegi Dobara (2011) හි දෙබස් රචකයා සේම Don 2 (2011) වැනි ඉහලම ප්‍රේක්ශක ප්‍රතිචාර දිනාගත් සිනමාපටයක අධ්‍යක්ෂකවරයා වන “Farhan Akhtar” නම් අපි කොයි කවුරුත් හොදින් හදුනන රංගන ශිල්පියාගේ අතින් අධ්‍යක්ෂනයට ලක්වූ කුළුදුල්ම සිනමා සිත්තම වන අතර “National Film Award ” වෙතින් 2002 වසරේ හොදම වෘත්තාන්ත චිත්‍රපටයට හිමි සම්මානය සමගින් විවිධ සම්මාන උළෙලවල් වලදී සම්මාන 6ක් හිමිකරගෙන අන්තර්ජාතික බයිස්කෝප්පට දර්ශකයේ ක‍ටුව “8.2”ක් වැනි ඉහලතම අගයක රදවන්නට සමර්තකම් දක්වා තිබේ.ඒ වගේම Farhan Akhtar ගැන තව ටිකක් කියනවනම් මොහු Rock On, සහ Zindagi Na Milegi Dobara හි එන ගීත සදහා ගායනයෙන්ද දායක වෙලා තියනව ඒ වගේම තවත් බයිස්කෝප්පට හය හතක නිශ්පාදන කටයුතු කරලත් තියනව, ඒ කියන්නෙ ඉතින් මෙයා ඉසව් කීපයකම හැකියා පරිපූර්ණත්වයෙන් යුත් කළා කරුවෙක් කියන එක තමා 😉

මෙන්න තියනව කතාව…. 😀

බොලාලට තියනවද මිත්තර සමාගමක්, හරියටම කියනවනම් ගජ මිත්තර සමාගමක් ? එක බඩවැල කඩාගෙන ආවෙ නැතිවුනාට ඕනම වෙලාවකදි තමන්ගෙ හෙවනැල්ල වගේ තමන්ගෙ පිටිපස්සෙන් ඉදන් තමන්ගෙ හිතට හයියක් වෙන නමුත් හද්ද ගොබ්බ වැඩ කරල ඔයාලව පට්ට පජාත කරන, කන කෑම එක පවා උදුරන් කන තමන්ගෙම කියල හිතට දැනෙන එවුන් ටිකක්? අන්න ඒ වගේ සරසවියෙදි මුනගැහිල ආරම්භකරපු ගජ මිත්තර සමාගමක් ගැන කතාවක් තමා මේක.මේ සමාගමේ ඉන්නෙ මිත්තරයන් තුන් දෙනයි මෙන්න මෙහෙමයි මුන් තුන්දෙනා ගැන වර්නණාව.

“ආකාශ්” (Aamir Khan)

ධනවත් ව්‍යාපාරිකයෙක්ගෙ පුතෙක්, මූ තමා තුන්දෙනාගෙන් සරලම බුවා, අනිත් උන් දෙන්නට කරන තරමක් පජාත වැඩටික කරන්නෙ මූ තමා. හැබැයි ගොයියෝ පොර කෙල්ලෙක්ව සෙට්කරගත්තොත් වැඩිම උනොත් සතිදෙකක් ඉදීවි ඒ කෙල්ල එක්ක, පොර ආදරේ ගැන දකින්නෙ මෙන්න මේ විදියටයි, “මේ ආදර කතා වලටනම් ගොඩක් මොලේ ඕනේ.අරයා අරහේ ඉදන් කදුළු සලනවා, මෙයා මෙහේ ඉදන් හූල්ලනවා. ආදරේ කියන්නේ මොන විගඩමක්ද!” අනේ ඉතින් දැන් මෙහෙම පොරටෝක් දුන්නට වෙන්න යන දේ බුවාගෙ ඇගේ තියන මයිලක්වත් දන්නෙ නෑ 😛

“සමීර්” (Saif Ali Khan)

මෙයා සෑහෙන සීරියස් බුවෙක්, ආදරේ කරන්න ගියාම බොක්කෙන්ම ආදරේ කරනව, කෙල්ල පොඩ්ඩක් හරි අවුලක් දැම්ම ගමන් පොර මූඩ් ගහනව, කෙල්ල නිසා අඩාකන එක තමා මෙයාගෙ විනෝදාංශෙ, මොනා උනත් ඒ කෙල්ලම්ගෙන් බූට් පාරනම් වරදින්නෙම නෑ මෙයාට, ඒ බූට් පාරට ඉලක්කෙ අල්ලන්න මෙයාගෙ අනිත් යාළුවො දෙන්නත් මදි නොකියන්න දායක වෙනව 😉 ඔය අතරෙ සමීර්ගෙ අම්මල මෙයාට යෝජනාවක් අරන් එනව, (ඔව් ඔව් ප්‍රපෝසල් එකක් තමයි). මූ ඒකට තදින් විරුද්දයි. අනේ අප්පේ ඒ එන කෙල්ලව දැක්කම අපේ බූට් කොලුවගෙ හද සලිත වෙලා ඇබරිලා පැනි බේරෙන්න ගන්නව, මූ ඉතින් කෙල්ලව උගෙ කාමරේට එක්කන් ගිහින් මෙන්න මෙහෙම කියපි “අම්ම මට මේ යෝජනාව ගැන කිව්වම මම පොඩ්ඩක් වත් කැමති උනේ නැහැ…ඒත්… දැන්… මම..” මූට මේක කියන්න කට ගන්න හම්බවෙන්නෙ නෑ කෙල්ලත් ඉබ්බ දියේ දානකොට ඇන්නෑවෙ කියන්නහේ “මට හරි සතුටුයි, ඔයත් මේ යෝජිත විවාහ වලට විරුද්ධ එකට. this arranged marriage bullshit…!” කියල කියනවනෙ ඉතින් ඊට පස්සෙ…….

“සීඩ්” (Akshaye Khanna)

මේ ගොයියගෙ කතාව මේන් මෙහෙමයි, සුදුපාට හිස් කොලයක තමන්ගෙ හිතට ගලාගෙන එන සිතුවිලි නිදහස් රේඛාවකින් සටහන් කරන කෙනාට කියන්නෙ කවුරු කියලද, සිත්තරා කියල නේද? මෙයාගෙ විනෝදාංශය තමයි අන්න ඒක, යාළුවොත් එක්ක සාදයකට ගියත් එයාගෙ වැඩේ කොලකෑල්ලක් අරගෙන ඉරි ගොඩක් මාර්ගයෙන් එයාගෙ හිතේ ඇතිවෙලාතියන සිතුවිලි එයාගෙම ක්‍රමේකට සටහන් කරන එක තමයි මෙයාගෙ ආතල් එක. කොහොම වුනත් එයා තාම එයාගෙ හොදම සිතුවමනම් ඇදල නෑ කියල තමයි එයා කියන්නෙ. , ඉතින් ඔහොම ඉන්නකොට මෙයාට හොදම සිතුවම අදින්න අවස්ථාවක් ලැබෙනව, ඒක ලැබෙන්නැ “තාරා” හින්දයි එයා ළමෙක් ඉන්න අම්ම කෙනෙක් එයාගෙ සැමිය එයාව දික්කසාද කරල තියෙන්නෙ එයාගෙ උපන්දිනේ දවසෙමයි, එයාගෙ උපන්දින තෑග්ග මොනතරම්ද කියනවනම් එයාගෙ කුසින් ඉපදුනු ළමයව බලන්නත් නීතියෙන් තහනම් කරල. හැබැයි සීඩ් මේ වෙනකම් ආදරේ හොයාගෙනෙ ගිහින් නෑ තනිකඩ නිදහස් ජීවිතයක් තමා මෙයා මේ වෙනකම්ම ගත කරල තියෙන්නෙ ඒත් එයා ආදරේ ගැන කියන්නෙ මෙන්න මෙහෙමයි………!

කෝ මෙතන එයාගෙ කෝණෙන් එයා දකින ආදරේ ගැන කියල නෑනෙ? නෑ තමා ඒකනෙ පැය ගානක් මහන්සිවෙලා සිංහල උපසිරසියත් එක්කම මිත්‍රකමයි ආදරයයි අතරෙ දෝලනය වෙන මේ ලස්සන බයිස්කෝප් පටය අද ඔයාලට අරන් ආවෙ, බාගෙනම බලන්ටකෝ… ආහ්! තව දෙයක් තියන්ව කියන්ට “Old is Gold” හොඳේ. පරණයි කියල අතාරින්ට එහම එපා ගොයියනේ… 😀 එහෙමනම් ඉතින් තවත් මේ වගේම ලස්සන බයිස්කෝප් පටයක් එක්කම මම ආයෙත් ඔයාලව මුනගැහෙන්න එන්නම්.

එහෙනම්, චිරං ජයතු බයිස්කෝප්! 😀

700 MB කොපිය මෙතනින් බාගන්න

c2c15a95747828c2ff557d50772b6ae7e41fe670 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

4,084 downloadsDownload Dil.Chahta.Hai_.2001.zip55 KB

https://d36zzuvfojr38z.cloudfront.net/wp_content/uploads/2012/10/හේවා-ලුණුවිලගේ.jpg මේ ලබා දී ඇති සිංහල උපසිරැසි පිළිබද “හේවා ලුණුවිලගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Ratings
Reviews: 0

Subtitles by

හේවා ලුණුවිලගේ

Gold

View profile

Subtitles: 51
Downloads: 822.9K
Readers' rating: No reviews yet

Write a review of හේවා ලුණුවිලගේ →

Subtitles

4,084 downloadsDownload Subtitles55 KB

Dil Chahta Hai (2001) | මිතුදමක් වෙන් කල සෙනෙහසක්… [සිංහල උපසිරසි සමඟ]

හේවා ලුණුවිලගේ

Subtitles

60 comments

Leave a comment

බයිස්කෝප් සිංහලෙන් – Sinhala Subtitles – Sinhala Subtitles – සිංහල උපසිරසි වෙබ් අඩවිය Support

Advertise with us අප සමඟ දැන්වීම් පළ කරන්න