Hum Do Hamare Do (2021) Sinhala Subtitles | අපි දෙන්නයි, අපේ දෙන්නයි [සිංහල උපසිරසි]

Hindi Medium (2017), Stree (2018), Luka Chuppi (2019), Roohi (2020), Mimi (2021) වගේ කවුරුත් ආස කරපු ජනප්‍රිය චිත්‍රපටි අරන් ආපු Maddock Films අරන් එන අලුත්ම චිත්‍රපටිය තමා අද මේ අරන් එන්නේ. ඔක්තෝම්බර් 29 වෙනිදා ඩිස්නි හොට්ස්ටාර් වෙතින් එළිදක්වපු මේ චිත්‍රපටිය අධ්‍යක්ෂණය කරන්නේ Abhishek Jain විසින්. එතකොට මේ චිත්‍රපටියට රංගනයෙන් දායකත්වය දක්වන්නේ Rajkumar Rao, Kriti Sanon, Paresh Rawal, Rathna Pathak Shah වගේ ජනප්‍රිය වගේම ප්‍රවීණ නළු නිළි සංකලනයක්. Comedy ගණයට අයත් වෙන මේ චිත්‍රපටියට ජාත්‍යන්තර සිනමා දර්ශකයේ 6.8ක අගයක් අරන් තියෙනවා. කොහෝම හරි මේ Hum Do Hamare Do චිත්‍රපටිය නම් කාලය ගෙවාගන්න සැහැල්ලුවෙන් බලන්න පුළුවන් ගණයේ චිත්‍රපටියක් කියලා කියන්නම ඕන.

චිත්‍රපටියේ කතාව ගැන ටිකක් කියලා ඉන්නම්කෝ. දෘව් ශිඛර් කියන්නේ කාත් කවුරුවත් නැති කෙනෙක්. ඒ කියන්නේ අම්මා, තාත්තා එහෙම නෑ. අනාථයෙක් විදිහට පොඩිකාලේ ගෙවාගෙන මහන්සි වෙලා ඉගෙනගෙන මිනිහා ලොකු ව්‍යාපාරිකයෙක් වෙනවා. දවසක් මිනිහගේ ඇප් එකක් එලි gදක්වන උත්සවයකදී මෙයාට හම්බෙනවා ආන්‍යා කියලා ගැහැණු ළමයෙක්ව. පොඩි පොඩි සීන් කිහිපයකට පස්සේ දෙන්නා අතර මිත්‍රකමක් ඇති වෙනවා. ඔය මිත්‍රකම දුර දිග ගිහින් දෘව්ට ආන්‍යා ගැන ආදරයක් ඇතිවෙනවා. ඒත් ආන්‍යා නම් දෘව්ට මිත්‍රරකමකට එහා දෙයක් පෙන්නුවේ නෑ. දවසක් දෙන්නා කතාවක් දාගෙන ඉද්දි ආන්‍යාගේ කටින් එයා බඳින්න කැමති විදිහ ගැන කතාවක් පිට වුණා. ගොඩක් කෙල්ලන්ගේ ආසාව ඉතින් බැඳලා දරුවෙක් මල්ලෙක් හදලා පුංචි පවුලක් ගොඩනගන එක වුණාට ආන්‍යාට ඊට වඩා වෙනස් සැලැස්මක් තමා තිබුණේ. ඒ තමයි එයා බඳින කොල්ලට ෂෝක් පවුලක් තියෙන්න ඕන. ඒ කියන්නේ අම්මා, තාත්තා ඉන්න ලස්සන අංගසම්පූර්ණ පවුලක්. ඒ වගේ තමයි ඒ පවුලට ෂෝක් බල්ලෙකුත් ඉන්න ඕන. මේක දැනගත්තම දෘව්ට නිකම් මොකක්ද වුණා වගේ. තමන් ආන්‍යා හොයන ජාතියේ කෙනෙක් නෙමේ නේද කියලා එයාට හිතෙන්න ගත්තා. බල්ලා නම් මොකක්හරිම කියමු, ඒත් කොහෙන්ද අර කියපු අංගසම්පූර්ණ පවුලක් දෘව්ට? මෙන්න මෙතැනදී තමා හරිම කතාව පටන් ගන්නේ. ළමයි හදාවඩා ගන්න කතා අහලා තිබ්බට දෙමව්පියන්ව හදාවඩා ගන්න හදන කතා අහලා නෑනේ නේද? ඉතින් අපි බලමු මේ පලහිලව්ව මොකක්ද කියලා.

එහෙනම් බලලා ප්‍රතිචාරයක් දාගෙන යන්න. ජයවේවා හැමෝටම. අලුත් උපසිරසියක් එක්ක හම්බවෙමු.

 

 

 

Due to copyright issues, we do not provide any torrent link

මෙම උපසිරැසි සියලුම HD පිටපත් සඳහා වලංගු වේ.

7,278 downloadsDownload Hum-Do-Hamare-Do-2021.zip69 KB

මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට සහ දහරා මුතු අමා” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

 

SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.