Iron Man (2008) Sinhala Subtitles | මහා සිනමා විශ්වයකට දොරගුළු විවර කරමින්…. [සිංහල උපසිරසි සමඟ]

මේ වෙනකොට නම් අයන් මෑන් කියන්නෙ කවුද, කොහොම චරිතයක්ද මොනා කරන කෙනෙක්ද කියලා නොදන්න කෙනෙක් ඉන්න බැහැනෙ. අවුරුදු 11 වගේ කාලයක් මාවල් විශ්වයේ චිත්‍රපට 23 එක්ක ගත කරපු අපි අයන් මෑන් නොදැන ඉන්නෙ කොහොමද නේද. එහෙම වුනත් කට්ටියට මතක් වෙන්නත් එක්ක මම පොඩි විස්තර ටිකක් කියන්නම්.

මාවල් ආයතනය කියන්නෙ 1996 කාලයෙ නැත්තට නැතිවෙලා බංකොලොත්වෙලා ගිය ආයතනයක්. කොහොමහරි මෙයාලා දගලලා දගලලා 2008 දි සෑහෙන උත්සහයකින් පස්සෙ මාවල් සිනාමා විශ්වයක් ගොඩනගන්න හිතාගෙන Iron Man ෆිල්ම් එක රිලීස් කරනවා ලොකු අවධානමක් අරගෙන. ඇත්තටම මේ ෆිල්ම් එක 2008 දි අසාර්ථක උනානම් එහෙම අද වෙනකොට අපිට MCU කියලා දෙයක් ගැන අහන්නවත් නැති වෙනවා. ඇගේ මවිල් කෙලින් වෙන ඉන්ටො එක්කින් පටන්ගෙන ඊලඟට මේ විශ්වයෙ මොකක්ද වෙන්න යන්නෙ කියන කුතුහලය අපිට විදගන්න අවස්ථාවක් නැතිවෙන්න තිබුනා මේක අසාර්ථක වුනානම්. ඒ වගේ ලොකු අවධානමක් අරන් තමයි මාවල් ලොක්කො ටික අයන් මෑන් ප්‍රථම චිත්‍රපටය නිර්මාණය කරන්නෙ.

ඔයාලා දන්නවා මාවල්ලගෙ කඩා වැටීමත් එක්ක මෙයාලගෙ සුපර්හීරෝ චරිත වෙන ආයතන වලට විකිණුවා. X-Men, Fantastic Four ටීම් වල සේරම වගේ චරිත වල අයිතිය Fox ආයතනයටත්, Spider-Man ගෙ අයිතිය Sony ආයතනයටත් තමා තිබුනෙ. ස්පයිඩිව නම් තාමත් අයිති සෝනිලට තමා. ඒ වගේම තමා Iron Man අයිති වෙලා තිබුනෙ New Line Cinema ආයතනයට. ඒ කියන්නෙ මාවල්ලට අයන් මෑන් යොදාගෙන ෆිල්ම් එකක් හදන්න අයිතියක් තිබුනෙ නැහැ. අයන් මෑන්ගෙ අයිතිය මෙයාලට නෙවෙයි මුලින්ම තිබුනෙ, අයන් මෑන් අයිතිය Universal ගෙන් Fox ටත් එතනින් පස්සෙ තමා New Line Cinema ආයතයටත් අයන් මෑන් අයිතිය ලැබෙන්නෙ. මේ චරිත යොදාගෙන චිත්‍රපට හදන්න උවමනාව තිබ්බත් ඒවා හරිගියෙ නැහැ මේ අයිතීන් පිළිබඳ ප්‍රශ්න නිසා. ඒ නිසා මාවල් ආයතය තීරණය කරනවා තමන්ගෙම චිත්‍රපට නිෂ්පාදනය පටන් ගන්න. හැබැයි මේකට සල්ලි තියෙන්න එපැයි නේද. එතනදි තමා ඊලග අවධානම් තීරණය ගන්නෙ. මාවල්ලා Merrill Lynch ආයතනයෙන් ඩොලර් මිලියන 525 ක ණයක් අරගන්නවා, මේ මුදල් යොදවනවා මාවල් විශ්වයෙ ප්‍රධාන චරිත 10 කගෙ අයිතිය නැවත ලබාගන්න. Ant-Man, Black Panther, Doctor Strange, Captain America වගේම Avengers කණ්ඩායමේ අයිතිද ඇතුලුව. ඒ කියන්නෙ මුල ඉදන්ම සුපිරි සැලැස්මක් ඇතුවයි ගේමට බැහැලා තියෙන්නෙ හිතාගන්න පුළුවන්නෙ චරිත ටික දිහා බැලුවාම. මේ ගණුදෙනුවට පස්සෙ මාවල්ලා අයන් මෑන්ගෙ අයිතියත් New Line සමාගමෙන් අරගන්නවා.

ඊට පස්සෙ මෙයාලා තීරණය කරනවා මාවල් ස්ටූඩියෝ එකේ පළවෙනි ෆිල්ම් එක විදිහට Iron Man චිත්‍රපටිය නිෂ්පාදනය කරන්න. ඇත්තටම ලොකු අවධානමක් එක්ක තමයි මේක කරන්නෙ, මොකද දැනටම මෙයාලා ලොකු ණයක් අරන් තියෙන්නෙ. ඒකෙන් ගොඩ එන්න නම් අයන් මෑන් සාර්ථක වෙන්නම ඕන. ඇමරිකානු ඩොලර් මිලියන 140 වගේ විශාල පිරිවැයක් යොදලා නිෂ්පාදනය කරන අයන් මෑන් චිත්‍රපටය ඇමරිකානු ඩොලර් මිනියන 585.3 වගේ ඉහල ආදායමක් සමග මාවල් ආයතනයට විශාල විශ්වයක් තනන්නට දොරගුලු විවර කරලා දෙනවා. බංකොලොත් වෙලා හිටපු මාවල් සමාගම අයන් මෑන් චිත්‍රපටයෙන් ගත් පන්නරයත් සමග අදවෙනකොට බිලියන ගානක් වටින ෆ්රැන්චයිස් එකක හිමිකරුවො වෙලා ඉවරයි.

චිත්‍රපටියෙ අධ්‍යක්ෂක විදිහට කටයුතු කරන්නෙ Jon Favreau, ඒ වගේම නිෂ්පාදනය Avi Arad සහා Kevin Feige දෙන්නා අතින් සිද්දවෙනවා, අයන් මෑන් චරිතයට පනපොවන්නෙ Robert Downey Jr. විසින්. රොබට්ගෙ සාර්ථකත්වය පටන් ගන්නෙත් මෙතනින් කිව්වොත් හරියටම හරි. IMDb දර්ශකයෙ 7.9/10 අගයකුත් කුණු තක්කාලි දර්ශකයෙ 94% අගකුත් ලබාගන්න මේ වෙනකොට හැකිවෙලා තියනවා. එහෙනම් ඉතිං බලපු ෆිල්ම් එක්කට මේ විස්තර ප්‍රමාණවත් ආයෙ ෆිල්ම් එකේ වෙන දේවල් ගැන කියන්න අවශ්‍යතාවක් නැහැනෙ. එහෙනම් මම යනවා.

“Sometimes you got to run before you can walk”
– Tony Stark

#Hail Marvel!

 

සටහන – ලහිරු ප්‍රසාද්

ඔන්න කොල්ලනේ ශිකාමා ගෙන් තවත් සබ් එකක්. පරක්කු උනාට සොරි වෙන්න ඕන. මොකද අපිට වතුර නෑ. ඒ හින්ද වටේ පිටේ ළිං කොටන්නත් සහයෝගයක් දෙන්න යන්න උනා. ඒවත් කෙරෙන්න ඕනනේ නේද? හරි නම් මේක තමයි මගෙ පළවෙනි සබ් එක. ටිකක් කරගෙන යනකොට එපා උනා. ඊට පස්සෙ තමයි  The Expandables කරේ. ඊට පස්සෙ අපේ විකිය සහෝ තමයි නිතරම මාව උනන්දු කරවල මේ සබ් එකත් ඔයාලට ලැබෙන තත්වෙට ආවෙ. ඒව මේවගෙන් කතාව ගැන කියන්න අමතක වෙනවා තව ටිකෙන්.

IMDb දර්ශකයේ 7.9 රේට් අගයක් හිමෙවී තිබෙන Iorn Man 2008 චිත්‍රපටය අධ්‍යක්ෂණය කලේ Jon Favreau… අපේ සුපිරි වීරයා ඒ කියන්නේ ටෝනි ස්ට්‍රක් ගැන කියනවනම්, Sherlock Holmes (2009), Sherlock Holmes: A Game of Shadows (2011), Due Date (2010) වැනි චිත්‍රපට වල ප්‍රධාන චරිතයට රංගනයෙන් දායකත්වය ලබාදුන් Robert Downey Jr. ඒ වගේම Terrence Howard කොලොනෙල් ගේ චරිතයෙන්ද Gwyneth Paltrow පෙපර් පොට්ස් ගේ චරිතයෙන්ද Jeff Bridges ඔබඩයි ස්ටේන් ගේ චරිතයෙන්ද දායකත්වය ලබාදෙනවා.

ටෝනි ස්ට්රබක් කියන්නෙ පියාගේ උරුමයෙන් පොහොසත්ව ඉපදුන නාස්තිකාර පුතෙක්. කිසිම වගකීමක් නැති සෙල්ලක් කාරයෙක්, හොවාඩ් ස්ට්රේක් ගේ පුතා. හොවාඩ් ස්ට්‍රක් කියන්නෙ කවුද කියල දන්නවා ඇති Captain America බලපු කට්ටිය. ටෝනි පිස්ස උනාට වැඩ්ඩෙකුගේ පුතෙක්. ඉතින් ඒ හින්දම ටෝනි කියන්නෙත් තාක්ෂණය අතින් සුපිරිම පොරක්. තමන්ගේම ආයතනයේ කෙනෙකුගේ කුමන්ත්‍රණයක් හින්ද ත්‍රස්තවාදීන්ට කොටුවෙනවා. ඉතින් අපේ ටෝනි ඊට පස්සෙ මොකද කරන්නෙ, iorn man කොහොමද හැදෙන්නේ කියල බාගෙනම බලන්න.

තව දේවල් ටිකක් කියනවනම් MARVAL කට්ටියගේ Avengers ගැන මුල්ම ඉඟිය ලැබෙන්නෙ මේ චිත්‍රපටය අවසානයේ. Iorn man 2, Thor, Captain America වගේ Avengers චිත්‍රපටයට සම්බන්ද චිත්‍රපට එකින් එකට සම්බන්ද බව හොඳින් බැලුවොත් පෙනේවි.

අවසානයේ මතක් කරන්න ඕනේ මෙහි 2 වන කොටසටත් ලගදීම සිංහල උපසිරස දෙන බව…

කලින් පලවූ ලිපිය.

ඕන් අද මම ගේන්නෙ ටිකක් පරණ වුනත් මරුම මරු, පට්ට පතුරු වචනයේ පරිසමාප්ත අර්ථයෙන්ම මැක්සා බයිස්කෝප් එකක්. මේක මගේ ප්‍රියතම චිත්‍රපටි අතර ඉහළින්ම වැජබෙන නිර්මාණයක්.

මේ චිත්‍රපටිය ගැන අටුවා ටීකා, අතීත කතා, අනාගත කතා ඔක්කොම කියන්න ගියොත් මට වෙනම වෙබ් අඩවියක් ආරම්ඹ කරන්න වේවි. 🙂 ඒ නිසා ඉතාමත් ම කුඩා සාරංශයක් දෙන්නම්. කතාව කෙටියෙන් මෙහෙමයි.

ලොව නවීනම යුධ අවි නිපදවන ඉතාමත්ම විශාල සමාගමක් වන Stark Industries හි ප්‍රධාන මොල කාරයා වන්නේ Tony Stark. ඔහුගේ නවතම නිර්මාණය වන Jericho නම් විනාශකාරී මිසයිල පද්ධතිය හඳුන්වා දීමට මොහු ඇෆ්ගනිස්ථානයට යනවා. එහිදී සිදුවන අනපේක්ෂිත සිදුවීමක් නිසා ඉතාමත් සෙල්ලක්කාර ජීවිතයක් ගත කල මේ කෝටිපතියාගේ අරමුණු, අළුත් දිශාවකට හැරෙනවා.

ඒක මොකක්ද කියල බලන්න බාමුකෝ.. මේ කතාව බොහෝ දෙනෙක් නරඹලා ඇති. ඒත් මමනම් මේක ළඟදීත් ආයෙ පාරක් බැලුවා. ඒකට හේතු වුනේ ඊළඟ වසරේ (2010) නිකුත් වීමට නියමිත Iron Man 2 හි පෙරදසුන් නරඹන්න ලැබුන නිසා. චිත්‍රපටිය බලල ඉවර වෙලා ඒක මෙතනින් බලන්න. අනිවාර්යයෙන්ම ආයෙත් චිත්‍රපටිය බලාවි. මම විභාගෙකුත් අත ලඟ තියාගෙනයි මේක ලඟදී බැලුවේ. මාත් එක්ක මූණු පොතෙන් එකතු වෙලා ඉන්න කට්ටියනම් මට මේ දවස් වල වැලදිලා තියෙන උණ ද කින්න ඇති. 😉

Marvel චිත්‍ර කතා පදනම් කරගෙන බිහිවුණ මේ කතාව වගේම, අනෙක් එවන් චිත්‍රපටි වල මම ලොකු රසිකයෙක්. මාවල් චිත්‍රපටි හැම එකක්ම එකිනෙකට සම්බන්ධයි. ඒවා ගැනත්, Marvel Universe එක ගැනත් විස්තර කට්ටියට කියමින් මම අනික් බයිස්කෝප් උත් අරන් එන්නම්.

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය REMASTERED Blu-Ray පිටපත් සඳහා ලබා දි ඇත.

64,039 downloadsDownload Iron-Man-2008.zip62 KB

මේ ලබා දී ඇති සිංහල උපසිරැසි පිළිබද “ලහිරු ප්‍රසාද්” සොහොයුරාට සහ ශෂික මනෝජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.