The 3rd Eye (2017) AKA Mata Batin Sinhala Subtitles | තෙවන ඇසේ බිහිසුණු අභිරහස [සිංහල උපසිරසි]

කොහොමද බයිස්කෝප්වාසීයනි. පොරොන්දු උනා වගේම තවත් සුපිරි හොල්මන් ෆිලුමක් අරගෙන ආවා. මේ පාර අරන් ආවේ ඉන්දුනීසියානු හොල්මන් චිත්‍රපටයක්. ඔයාලා දන්නේ නැතුවත් ඇති ඉන්දුනීසියානු චිත්‍රපට කර්මාන්තයෙත් ගුණාත්මක Horror චිත්‍රපට නිර්මාණ වෙනවා කියලා. බලලා නැති අයට Sabrina (2018), Satan’s Slave (2017), May the Devil Take You (2018), Impetigore (2019), May the Devil Take You Too (2020) වගේ ෆිල්ම් බලන්න කියලා නිර්දේශ කරන්න පුළුවන්. අද මම ගෙනාපු Mata Batin: AKA The 3rd Eye (2017) කියන චිත්‍රපටය 76%ක ගූගල් පරීශීලක කැමත්ත ලබාගන්නත්, හොල්මන් චිත්‍රපට වලට සාමාන්‍යයෙන් නොලැබෙන 5.2ක හොඳ IMDb අගයක් ලබාගන්නත් සමත් වෙලා තියෙනවා. 2017 නොවැම්බර් 25 නිකුත් උන මේ ෆිලුම Horror/ Fantasy / Drama යන කාණ්ඩයන්ට අයත් වෙනවා. චිත්‍රපටය අධ්‍යක්ෂනය Rocky Soraya විසින් සිදු කරලා තියෙනවා. ඒ වගේම Jessica Mila, Denny Sumargo, Bianca Hello, Citra Prima යන නළු නිළියන් මෙහි රංගන දායකත්වය ලබාදෙනවා.

ඉන්දුනීසියානු ජනප්‍රවාද වලට අනුව ලෝකයේ සෑම පුද්ගලයෙක්ම ඉපදෙන්නේ විශේශ බලයක් සහිතවයි. ඒ තමයි 3rd Eye එහෙමත් නැත්තම් “තෙවෙනි ඇස” කියන සුවිශේශ හැකියාව. මේ තෙවෙනි ඇස විවෘත වෙන ඕනෑම පුද්ගලයෙකුට මළවුන්ගේ ලෝකය සහ සම්බන්ධ වීමට හැකියාව ලැබෙනවා. මේ තෙවෙනි ඇස විවෘත වීමේ හැකියාව ඇතැමුන්ට උපතේදිම ලැබෙනවා වගේම සමහරුන් මිය යන තෙක්ම මේ හැකියාව ලබා ගන්න අපොහොසත් වෙනවා. තෙවෙනි ඇස විවෘත උන අයට මළවුන් දකින්නත් ඔවුන් හා සන්නිවේදනය කරන්නත් හැකියාව ලැබෙනවා. තම දෙමව්පියන්ගේ හදිසි වියෝවෙන් තනි උන “ආලියා” සහ “අබෙල් ” කියන සහෝදරියන් දෙදෙනා තමන්ගේ පැරණි නිවසට නැවත පදිංචියට එනවා. ඔවුන්ගේ තනියට එයාලා එක්ක ආලියාගේ පෙම්වතා වෙන ඩේවිනුත් මේ නිවසට එනවා. නිවසට ආපු දවසේ ඉඳන් එයාලා ඉන්නේ තනියම නෙමෙයි කියලා මේ අයට තේරෙන්න ගන්නවා. එන්න එන්නම නිවස ඇතුලේ අද්භූත සිදුවීම් වැඩි වෙන නිසා මෙයාලා උදව් හොයාගෙන යනවා.

මෙයාලා උදව් හොයාගෙන කාවද හම්බවෙන්න යන්නේ? තෙවෙනි ඇස මෙතනට සම්බන්ධ වෙන්නේ කොහොමද? නිවස ඇතුලේ කවුද ඉන්නේ? ආලියා, අබෙල් සහ ඩේවින්ගේ ඉරණම් කොහොම විසඳෙයිද? කියලා ඔයාලා චිත්‍රපටය නරඹලම දැනගන්නකෝ. මේ චිත්‍රපටයේ තවත් කොටසක් The 3rd Eye 2 නමින් 2019 දී නිකුත් උනා. මේකට ඔයාලගෙන් ලැබෙන ප්‍රතිචාර අනුව ඒකටත් උපසිරැසි ලබාදෙන්නම්. ඒ වගේම මේ සිනමාපටය උපසිරැසි ගැන්වීමට අවසර දුන්න චාමර සම්පත් සහෝටත්, ලෝබ නැතුව නිතර ප්‍රතිචාර දක්වන සහෝදර, සහෝදරියන්ටත් ගොඩක් ස්තූතිවන්ත වෙනවා.

ඉක්මනටම Covid-19 උවදුර තුරන් වේවා ! කියලා ප්‍රාර්ථනා කරන ගමන් මම යනවා. තවත් උපසිරැසියකින් ඉක්මනටම හමුවෙමු. මම දනුවා.

තෙරුවන් සරණයි !!!

 

 

 

 

 

 

Due to copyright issues, we do not provide any torrent link. 

ලබා දී ඇති උපසිරසි WEB පිටපත් සඳහා අදාළ වේ.

5,453 downloadsDownload The-3rd-Eye-2017.zip28 KB

මේ ලබා දී ඇති සිංහල උපසිරැසි පිළිබද “ යුරාන් ධනුක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2018-08-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.