The Titan (2018) Sinhala Subtitles | සෙනසුරු ලොවේ සුපිරි මිනිසා! [සිංහල උපසිරැසි සමඟ]

මේ ගතවෙන්නේ වර්ෂ 2048. මේ වන විට ජනගහණය පාලනයෙන් තොරවෙලා තියෙන්නේ. පරිසරය ක්ෂය වෙමින් පවතින්නේ. පෘතුවිය සතු සම්පත් ප්‍රමාණය අඩුවෙමින් පවතින්නෙ. යුද්ධ හේතුවෙන් ලෝකය සම්පූර්ණයෙන්ම විනාශ මුඛයට ඇද වැටිලා. ඉතුරු වෙලා තියෙන සුන්බුන් ටික බෙදාගන්න මිනිසුන් සටන් කරන තත්වයට පත්වෙලා තියෙන්නේ. කාලයක් අති රමණීයව පැවතුණා වූ මේ මිහිතලය , තවත් වසර දහයක්, ඒ කියන්නේ, 2058 වෙනකොට, මේ මිහිතලයෙන් බාගෙට බාගයක් ජීවත් වීමට නුසුදුසු තත්වයට පත්වේවි. තවත් අවුරුදු 15ක් යනකොට, ලෝක ජනගහණයෙන් බාගෙට බාගයක් සාගතයෙන් මිය යාවි. අපිටත් නොදැනීම කාලය වේගයෙන් ගතවෙලා යනවා. අනාගත පරම්පරාවට සිද්ධවේවි ලෝක විනාශය දෙස බලාගෙන සිටීමට. ඒත්, මේ තත්වය වළක්වා ගැනීමට එකම එක බලාපොරොත්තුවක් තිබුණා. ටයිටන්!

ටයිටන් කියන්නේ සෙනසුරු ග්‍රහයාගේ විශාලතම චන්ද්‍රයා. ඒ වගේම, අපේ සෞරග්‍රහ මණ්ඩලයේ වායුගෝලයක් තියෙන අනිත් එකම එක තැන. හරියට පෘතුවියේ වගේම ප්‍රාථමික පාරිසරික පද්ධතියක් තියෙනවා. නියමාකාරයෙන් කියනවා නම්, ජීවය ආරම්භ වීමට පෙරාතුව පෘතුවිය වගෙයි. ඒත්, ටයිටන්ගේ විශාල සාගර සහ විල් වල ද්‍රවමය මීතේන් තියෙන නිසා, ඒවල පීනන්න සුදුසු තත්වයක් නැහැ. වායුගෝලයේ නයිට්‍රජන් ප්‍රතිශතය වැඩි නිසා හුස්ම ගැනීමේ අපහසුතා තියෙනවා. ඒ වගේම, ජීවත් වීමට අපහසු තරම් සීතලයි. අපි දැනගෙන ඉන්න ජීවිතේට වඩා එහේ සෑහෙන්න වෙනස්. ටයිටන් තුල ජීවිතය ආරම්භ කිරීම අභ්‍යාවකාශ විද්‍යාවේ සීමාවට එහා ගියපු දෙයක් වුණත්, නවීන ප්‍රවේණි විද්‍යාවට අනුව ඒක කරන්න පුළුවන් දෙයක්. තවදුරටත් අපේ පෘතුවිය ප්‍රති නිර්මාණය කරන්න උත්සාහ ගන්න අවශ්‍ය වෙන්නේ නැහැ. ටයිටන් වලට ගැලපෙන ආකාරයට මිනිසුන් වෙනස් කරගන්නයි අවශ්‍ය වෙන්නේ.

පොඩ්ඩක් හිතලා බලන්නකෝ, සුළු වෙනස්කම් කීපයකින්, ඔබලාට පුළුවන් වෙනවා ටයිටන් තුල වාතයේ හුස්ම ගැනීමට, එහි ජලයේ පිහිනා යෑමට. ඒ වගේම, සීතල පරිසරය තුල දිවි රැකගැනීමට. කොහොමට තියේවිද ටයිටන් අපේ නිවහන බවට පත් වුණොත්?

මිනිසුන් පන්දහසක් අතුරින් අති සූක්ෂම ලෙස තෝරාගන්නා ලද, අතිශය අසීරු තත්වයන් තුලදී ජීවිතය රැකගැනීමට හැකියාව සහිත මිනිසුන් කීපදෙනෙක්… ටයිටන් මත ජීවය ආරම්භ කරන්නා වූ ප්‍රථම මිනිසුන් ලෙස එහි ජීවත්වීමට උචිත ලෙස කෘතීම ආකාරයෙන් මිනිසුන් පරිණාමනය සිදුකිරීම සඳහා ඇමරිකානු හමුදා අංශය, පෙන්ටගනයේ ආරක්ෂක අංශය, නාසා ආයතනය සහ නේටෝ ආයතනය එක්ව දියත් කරන්නාවූ දැවැන්ත මෙහෙයුමක්… නවීන තාක්ෂනය යොදාගනිමින් සහ විශ්මිත ආකාරයක අත්හදා බැලීම් සමගින් සිදුකරන්නා වූ මෙම පර්යේෂණයන් සාර්ථක වේවිද? ටයිටන්හි පරිසරයට අනුවර්තනය කරන්නා වූ මෙම මිනිසුන් හට කුමක් සිදුවේවිද? මෙම ක්‍රියාවලිය පිටුපස තිබෙන්නා වූ දැවැන්ත රහසිගත ක්‍රියාදාමය කුමක්ද?

ඔන්න එහෙනම් මේ අරගෙන එන්නෙ, Action, Sci-Fi, Thriller යන කාණ්ඩ ඔස්සේ, ලෝ ප්‍රකට Netflix නාලිකාවේ බෙදාහැරීම සහිතව මාර්තු 30 වෙනි දින විකාශනය වූ සිනමා නිර්මාණයක්. චිත්‍රපටය තුල ප්‍රධාන රංගන දායකත්වය ලබාදෙනු ලබන්නේ, Avatar චිත්‍රපටය තුලින් සුවහසක් සිනමාලෝලීන්ගේ සිත් සතන්හි සදා නොමැකෙන මතකයක් ඉතුරු කරන ලද Sam Worthington විසින්. ඊට අමතරව Furious 7, Maze Runner: The Scorch Trials, The Fate of the Furious, Maze Runner: The Death Cure වැනි සිනමා නිර්මාණයන් හි රංගනයෙන් දායක වූ සුරූපී Nathalie Emmanuel සහ The Lucky One චිත්‍රපටය තුල රංගනයෙන් දායක වූ Taylor Schilling මෙම සලරුව තුල රංගනයෙන් දායක වනු ලබනවා.

එහෙනම් අරගෙනම බලන්න. පුරා හෝරා එක හමාරක් මුළුල්ලේ කිසිම කම්මැලිකමකින් තොරව, නැවුම් වූ අත්දැකීම් සමුදායකින් පෝෂණය වෙමින් නරඹන්න හැකියාව තියෙනවා කියලා සහතික කරලා කියන්න පුළුවන්. එහෙනම්, ලොව පුරා සිනමා රසිකයන් බහුතරයක් දෙනා නොඉවසිල්ලෙන් බලාගෙන සිටින්නා වූ දැවැන්ත ක්‍රියාදාම සිනමා පටයක් සමගින් සියවෙනි උපසිරසියෙන් හමුවෙමු. ජය!

 

 

 

 

Due to copyright issues, we do not provide any torrent links.

ලබා දී ඇති උපසිරසිය WEB / Blu-Ray පිටපත් සඳහා අදාළ වේ.

20,274 downloadsDownload The-Titan-2018-Blu-Ray.zip54 KB

https://d36zzuvfojr38z.cloudfront.net/wp_content/uploads/2018/03/Sisila-Prasad-Lab-Color-Profile.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2015-01-24
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.