Vikruthi (2019) Sinhala Subtitle | සමාජ මාධ්‍ය වලින් බිඳ දැමූ ජීවිත [සිංහල උපසිරැසි සමඟ]

ඔන්න යාළුවනේ අලුත්ම චිත්‍රපටියක් අරගෙන ආව. විශේෂයෙන්ම මලයාලි සිනමා රසිකයන්ට. මේක මලයාලම් එකක්. ඉතින් මේ චිත්‍රපටියට Imdb මීටරේ 7.6 ක් වෙනකන් කරකවන්න පුලුවන් වෙල තියෙනව. සත්‍ය සිදුවීමක් ඇසුරින් නිර්මාණය වුන ලස්සන චිත්‍රපටියක් මේක. මේක අධ්‍යක්ෂනය කරල තියෙන්නෙ Emcy Joseph විසින්. Suraj Venjarammoodu, Soubin Shahir…… ඇතුලු දක්ෂයො පිරිසක් තමයි මේකට රංගනයෙන් දායක වෙල තියෙන්නෙ. Soubin Shahir ව නම් මතකයිනෙ. Kumbalangi Nights, Parava, Charlie, Premam වගේ ලස්සන චිත්‍රපටි ගොඩකම හිටියනෙ. සංගීත අධ්‍යක්ෂනය Bijibal විසින්. ලස්සන සින්දු කීපයක්ම තියෙනව.මේ සත්‍ය සිදුවීම ඇසුරින් නිර්මාණය වුන කෘතිය මිනිත්තු 123 ක් ඇතුලට ලස්සනට ගොනු කරල තියෙනව. මේක හොඳ තාත්වික ගනයේ සිනමා නිර්මාණයක්.

චිත්‍රපටිය ගැන කියනවනම් මේකෙ ඉන්නව විවිධාකාර චරිත. එල්ඩෝ සහ ඔහුගේ බිරිඳ. ඔවුන් දෙදෙනාටම කතා කරන්න බැහැ. අහිංසක පවුලක්. ඒ වගේම සමීර්. බුකිය ජීවිතේ කරගත්ත එකෙක්. හැම දේම ගැනම පෝස්ට් දදා සමාජ මාධ්‍ය තමන්ගේ ලෝකෙ වගේ දකින එකෙක්. ඒ වගේම එකිනෙකාට උදව් කරන මිනිස්සු… කෙනෙක් කරදරේ වැටුනාම ඒකෙන් වාසි ගන්න බලන උන් … වගේ චරිත වටා තමයි මේ කතාව ගලාගෙනෙ යන්නෙ. මේ චරිත කොහොම එකට එකතුවෙයිද? සමීර් විසින් විනෝදෙට සමාජ මාධ්‍යට මුදා හරින දෙයක් නිසා එල්ඩෝ, ඔහුගේ පවුලට මොන වගේ දේවල්වලට මුහුණපාන්න සිද්දවේවිද ? ලයික් එකක්, කමෙන්ට් වෙනුවෙන් ජොලියට කල වැඩක් සමීර් ගෙ ජීවිතේට බලපාන්නෙ කොහොමද ? මේ වගේ දේකදි නීතිය කොහොම හැසිරේවිද ? මේක ඇතුලෙ ලස්සන කතාවක් තියෙනව. ඉතින් මේ හැමදේම විනෝදය, දුක ,සතුට මේ හැමදේමත් එක්ක ඔයාලම රසවිඳින්න කියල මම අරාධනා කරනව. 

අපි සමාජ මාධ්‍ය වලට මුදා හරින සමහර දේවල් වලින් සමහර විට අපි කොහෙත්ම නොහිතන දේවල් සිද්දවෙන්න පුලුවන්. ” කියපු වචන … දාපු පෝස්ට් ආපහු ගන්න බෑ. ” ඉතින් සහෝදර සහෝදරියො සමාජ මාධ්‍ය වලට දෙයක් මුදා හරිද්දි වතාවක් දෙවතාවක් නෙවෙයි දහස් වතාවක් හිතන්න. චිත්‍රපටිය ගැන ඔයාලගෙ අදහස් , තව අදහස් යෝජනා පහලින් කියාගෙනම යන්න. සිනමා රසික අපිට හැමදාමත් වින්දනයට මග පාදන බයිස්කෝප් අඩවියටත් විශේෂ ස්තූතිය. ඊලඟට එකෙන් හම්බවෙමු. ජයෙන් ජය !!! සුභ දවසක් !!!

 

 

Due to copyright issues, we do not provide any torrent links.

මෙම ලබා දී ඇති උපසිරසි DVD පිටපත සඳහා අදාළ වේ.

6,015 downloadsDownload Vikruthi-2019.zip58 KB

මේ ලබා දී ඇති සිංහල උපසිරැසි පිළිබද “කසුන් ජලිත” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2019-10-16
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.