You Only Live Twice (1967) Sinhala Subtitles | ලෝක යුද්ධයක් [සිංහල උපසිරැසි]

එහෙමනම් ඉතින් මම තීරණය කළා මේ ජේමිස් බණ්ඩා චිත්‍රපට පෙළ එකවරම අත හරින්නෙ නැතුව, තව එකක් දෙකක් දීල බලන්ඩ ඕනෙ කියලා. මොකද මම ගියපාර කියපු දේ දැකලා හුඟ දෙනෙක් ඉල්ලීම් කරලා තිබුණනේ මේක නතර කරන්ඩ එපා කියලා. අනික මම ඒ කියාපු කාරණය කට්ටියට හැබෑටම හිතට දැනුණද කියන එක මට සනාථ කරගන්ඩනම් මේක එකපාරට දමල ගහල බෑනෙ. නේද? තව එක දෙකක් ලබා දීලා ඉන්ඩ එපැයි ඒ ගැන හරියටම දැනගන්ඩ. ඒ හින්දා මම තීරණය කළා තව ඇබින්දක් බලන්ඩ ඕනෙ කියලා. ඔබේ ප්‍රතිචාරය තමයි වැදගත් වෙන්නේ ඉතින්!

මේ පාර එක දිහාට හැරුණොත්; මේ පාර බොන්ඩ්ට සිද්ධ වෙන්නේ අභ්‍යවකාශ සම්බන්ධ ගවේෂණයක යෙදෙන්ඩ. අභ්‍යවකාශ ගවේෂණයක කිව්වට මේක මේ අභ්‍යවකාශ යානයක් ගැන කෙරෙන පරීක්ෂණයක්. කක්ෂගතව පවතින ඇමරිකානු යානයක් අතුරුදන්! කොහොමද එහෙම වෙන්නේ? ඇයි දෙයියනේ එහෙම එකක් කාටවත් නොදැනෙන්ඩ, නොතේරෙන්ඩ හොරාගන්ඩ පුළුවන්යෑ. ඒකනම් වෙන්ඩ බෑ… ඒ වුණාට ඒක එහෙම තමා වෙලා තියෙන්නෙ. ඇමරිකාවට ඉන්න අංක එකේ තරගකාරයා නැතිනම් විරුද්ධවාදියා කවුද? රුසියාව! හෙහ් හේ ඔන්න අහුවුණා පොට. ඒ කියන්නේ රුසියාවද මේක කරලා තියෙන්නේ? අපෝ නෑ නෑ, රුසියාව කළ වැඩක්නම් නෙමෙයි! එහෙනම් කිව්වෙ රුසියාව තමා කියලා? රුසියාව කියල කිව්වෙ කවුද; කිව්වේ රුසියාව ඒගොල්ලනේ ප්‍රමුඛතම විරුද්ධවාදියා කියල විතරනේ… එහෙනම් මොකද්ද මේ අපභ්‍රංශෙ තේරුම? රුසියාව කියනවා, නෙමෙයි කියනවා. ආපහු තමයි කියනවා. මහ අවුලක් නේ. ඔය ඉතින් කියනකම් ඉන්නෙ නෑනේ ටිකක්. පොඩ්ඩක් ඉවසන්ඩකෝ කියන එක අහලා.

මෙහෙමනේ වැඩේ. ඇමරිකාවට ඉන්න ප්‍රධාන තරගකාරයා රුසියාවනෙ. එතකොට ඇමරිකාවෙ වැලි කැටයක් හෙල්ලුණත් ඉස්සෙල්ලාම ඇඟිල්ල දික්වෙන්නෙ රුසියාවට. දැන් තේරුණාද වැඩේ. අහහා… හරි හරි ඒ කියන්නෙ මේකෙදිත් සැකකාරයා වෙන්නෙ රුසියාව වෙන්ඩ ඇති එහෙනම්. ඔය තේරුණේ. දැන් පැහැදිලියිනේ ඉතුරු හරිය, මෙහෙම වාතාවරණයක් දිග්ගැස්සුණොත් එහෙම ඉතින් ලෝක යුද්ධයක් දක්වා දුරදිග යන්ඩ පුළුවන්. වම දකුණ බෙදිලා රටවල් දෙපිළ ගැහෙනවනේ. අන්න ඒක තමා මේ පාරත් SPECTRE ලෝක ත්‍රස්ත සංවිධානයේ අරමුණ. හෝව් හෝව් පොඩ්ඩක්. ඒකියන්නෙ මේ පාර ඔය අභ්‍යවකාශ යානෙ උස්සන්නෙ ඒ කල්ලිය කියන එකද? නැතුව, ඒ කටිටිය තමා මේක පැහැරගන්නේ. හිතාගන්ඩ ඇහැකි නේ මුන්ගෙ බලය ගැන. හරි හරි කෝකවෙතත් කමක් නෑ. කතාවෙන් කතාවෙන් අපේ වීරය ගැන කියන්ඩ අමතක වුණානේ.

මෙදා පාර මෙයා බ්‍රිතාන්‍ය රජය වෙනුවෙන් මේ ගැන තමා වෙහෙසෙන්නේ. මොකද ඇමරිකාව රුසියාව ඔරොප්පු වුණා කියන්නෙ සමථකරුවා වෙන්ඩ පුළුවන් එකම සමතා තමයි බ්‍රිතාන්‍යය. ඉතින් මේ වෙනුවෙන් මොකක්හරි නොකර අහක බලාගෙන ඉන්ඩ ඒගොල්ලො සූදානම් නෑ. ඒ නිසා තමන්ගෙ හොඳම වැඩකරු වන බොන්ඩ්ට තමා මේ ගැන කටයුතු කරන්ඩ පවරන්නේ. ‘අප අත ගැසූ වැඩක් කිසිදාක වැරදී නැත.’ කියලා මිනිහත් බහිනවා ගේමට. මේ පාර යන්ඩ වෙන්නෙ ජපානෙට. මේකෙ කොහේදෝ අස්සක ජපානෙත් ගෑවිලා ඉන්නවා. ජපානෙ කියන්නෙත් තාක්ෂණය අතින් ඉස්තරම් මට්ටමක ඉන්න රටක් නේ කොහොමත්. ජපානෙ කිව්වහම නින්ජාවරුන්ගෙනුත් අඩුවක් නෑ මේකේ. කොහොම වෙතත් මෙවරත් බොන්ඩ් ප්‍රධානව සියලූම අන්තර්ජාතික බලවතුන් උත්සාහ දරන්නේ මේක ගොඩින් බේරුමක් කරගන්ඩ. බලමු නේ එහෙනම් ජපානෙ කෙල්ලන්ගෙන් බොන්ඩ්ට මේ පාර කොයි කොයි විදිහෙ තොප්පි වැටෙයිද කියලා… 😉 බොන්ඩත් ඉතින් අණ්ඩයා නේ… 😛

මේක ගැන කියද්දි මේක ඉයන් ෆ්ලෙමින්ග් ගේ නවකතාවට හොඳටම වෙනස් විදිහකට ගොඩනැගුණු මුල්ම සිනමාපටය වෙනවා. මේකෙ කතාව පොතේ කතාවට වඩා හාත්පසින්ම වෙනස්. තව ඉතිං මේක සිනමාවට නගන්ඩ තිරපිටපත සකස් කරලා තියෙන කෙනා ගැන නොකිව්වොත් ඒකත් ලොකු අඩුවක්! Roald Dahl. දන්නවත් ඇති! අර ප්‍රසිද්ධ ළමා කතා රචකයා?? ඔව් ඔව් එයා තමයි. ඉතිං මේක ටිකක් විරල සිදුවීමක් නිසා තමයි විශේෂයෙන්ම මතක් කරන්ඩ හිතුණේ. Charlie and the Chocolate Factory, Fantastic Mr. Fox වගේ පොත් ලියාපු කෙනාම තමයි මේ. ළමා කතා රචකයෙක් විදිහට ප්‍රසිද්ධ වුණාට එතුමා මේ වගේ වැඩත් මහ හුඟක් කරලා තියෙනවා. මේ එකක් විතරයි. හරිනෙ?

ඔන්න එහෙනම් 5ත් ඉවරයි හොඳේ, දන්නවනේ ඉතින් මට ඕනෙ දේ. ලොකුවට ඕනි නෑ. හිත සතු‍ටු වෙන්ඩ අදහසක් තිබ්බනම් ඇති වචනෙකින් දෙහෙකින්. හරිනෙ? එහෙනම් මම ගියා, ලිපියෙ මුලදිම කිව්ව වගේ, ඉතුරුවා ගැන හිතලා බලන්නම් තව එක දෙකක් දීලා ඉවරවෙලා. දිගටම ඕනි නම්… දන්නවනේ ඉතිං 😀

 

 

Due to copyright issues, we do not provide any torrent links.

1,371 downloadsDownload You.Only_.Live_.Twice_.1967.zip102 KB

 

https://d36zzuvfojr38z.cloudfront.net/wp_content/uploads/2013/02/සමීර-කරුණාරත්න.jpg මේ ලබා දී ඇති සිංහල උපසිරැසි පිළිබද “සමීර කරුණාරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2013/02/12

<< 007 – 04                                                                                                              007 – 06 >>