The Thirteenth Floor (1999) Sinhala Subtitles | මා නොවන මම [සිංහල උපසිරසි සමඟ] 100*

ඔන්න දිර්ඝ කාලයක නිහැඩියාවකට පස්සේ උපසිරසක් අරගෙන ආයෙත් බයිස්කෝප් අඩවියට ගොඩ වැදුනා. හැබැයි අද උපසිරසිකරනයේ වගේම ජිවන ගමන් මගේත් සුවිශේෂි කඩයිමක් සනිටුවහන් කරන දවසක්. අද මං ඔයාලට ගෙන්නේ මගේ සියවැනි උපසිරස. චිත්‍ර‍පටය ගැන විස්තර පහල තියෙනවා. කැමතිනම් ශතක වාර්ථාව නොකියවාම චිත්‍ර‍පටය ගන්න පුළුවන්. සභාවෙන් අවසරයි ! මිත්‍ර‍වරුනි, 2014 ජනවාරි 23 Sherlock කතාමාලාවෙන් ආරම්භ කරපු මගේ උපසිරසකරන ජිවිත කතාවේ 100 වැනි කඩයිම පසුකරන්න මට වසර 5කුත් මාස 11ක් ගතවුනා. බයිස්කෝප් අඩවියේ ඉන්න අනෙක් උපසිරසකරුන්ට සාපේක්ෂව බැලුවම නම් ඒ ගැන යම් ලැජ්ජාවක් තියෙනවා තමයි එත් මොනවා කරන්නද මං ඉතිං ගොඩක් කම්මැලියිනේ. මං නිර්මානය කල උපසිරස බෙහොම සංෂික්පතව දක්වන්නම්.

චිත්‍ර‍පට
X Files movie (1999), Transporter : Extream (2005), My Sister`s Keeper (2009), Star Trek Beyond (2016), WestWorld (1973), A-X-L (2018)

කතා මාලාවන්
Sherlock, X files, 24,  Z Nation, WestWorld, The Man in The High Castle, Designated Survivor, Fargo, 13 Reasons why

මෙහෙම කිවට මං සම්පුරනයෙන් දායක වුන කතා මාලා වෙන්නේ WestWorld සහ The Man in The High Castle පමණයි.මේ කතා මාලා දෙක අතුරෙනුත් WestWorld කියන්නේ මගේ උපසිරැසිකරනයේ යම් සංධිස්ථානයක් කිව්වොත් නිවැරදියි. ඒ වගේමයි මං ගොඩක් කැමති විද්‍යා ප්‍ර‍බන්ධ උපසිරස නිර්මානයට විශේෂනය වෙන්නයි ඒ නිසයි ලයිස්තුවේ වැඩිපුරම විද්‍යා ප්‍ර‍බන්ධ ගනයට අයත් කතාමාලාවන් හා චිත්‍ර‍පට තියෙන්නේ.

දැන් ඔන්න ස්තුති කතාව, මේ උපසිරස හදද්දි වැරදි අඩුපාඩු පෙන්නලා දුන්න එ වගේම අඩවිය පවත්වාගෙන යමින් මේ සියල්ල කලමණාකරනය කරන රොයිලි අයියා, හසන්ත අයියා ඇතුලු බයිස්කෝප් අඩවියේ ඉන්න සහ හිටපු සියළුම ඇඩ්මින්වරුන්ට මුලින්ම මං ස්තුති කරනවා පුරා දශකයට අධික කාලයක් කරපු කැපකිරිම් වලට. බයිස්කෝප් මංසලේ අඩ්මින්වරුන් වන තිසර අයියට සහ දිල්ෂාන් මල්ලිට වෙනම ස්තුතියක්කරනවා මංසලේ ලිපි ලබාදිමේදි දැක්වු සහයෝගයට.

ඊටපස්සේ උපසිරසකරද්දි මට හමුවුනු රවිදු, සොහාන්, ඉසුරු, හිරාන් ඇතුලු මුළු බයිස්කෝප් සංහුවරේම. (නම් නොකිවා කියලා අමනාප වෙන්න එපා හොදේ) ඒ වගේම WestWorld දෙවන කතාසමය උපසිරස නිර්මානයට එක්වුනු සමීර කරුණාරත්න අයියටත්, අචින්ත උදයංග සෙහොයුරාටත් විශේෂ ස්තුතියක් කරනවා. අවසාන වශයෙන් හැමදාම උපසිරස හදද්දි බැන බැන උදව් කරපු මගේ ආදරණීය දෙමාපියන්ටත් (සහෝදර සහෝදරියෝ නැ හෝදේ මට), කරන්නේ කුමක්දැයි කියා පමනක් අසා නිහඩ වී උපසිරසකරනයට කාලවේලාව ලබාදුන් පරිත්‍යාගශීලි ඇයටත් මේ මෙහොතේ ස්තුතිවන්ත වෙනවා. මගහැරුණු යමක් වේ නම් අයදිමි සමා.

​දැන් බලමු අද කතාවට මේකේ නම තමයි The Thirteenth Floor.

13 දැකපු ගමන් හිතෙන්නේ භීම කාන්ඩයට අයිති චිත්‍ර‍පටයක් කියලා නේද. නෑ නෑ මේ විද්‍යා ප්‍ර‍බන්ධයක් නමුත් 13 ඉලක්කම මේ කතාවෙදිත් යොදාගෙන තියෙන්නේ නම් අපේ තියෙන අමුනුෂ්‍ය ගති පෙන්වන්න වෙන්න ඔනේ. මේකේ අධ්‍යෂනය කරලා තියෙන්නේ Josef Rusnak නම් ජර්මානු අධ්‍යක්ෂකවරයායි.රංගනයෙන් දායකවෙනවා Craig Bierko, Gretchen Mol, Dennis Haysbert ඇතුලු නලු නිලියන්. IMDB දර්ශකයේ හොද අගයක් ලබා තියෙන මේ සලරුව තිරගත වෙන්නේ 1999 දී. චිත්‍ර‍පටය පරණ උනත් මට විශ්වාසයි ඔයා විද්‍යා ප්‍ර‍බන්ධ වලට ආසා කෙනෙක් නම් ඔයාගේ බලාපොරොත්තු කඩවීමක් නම් වෙන්නේ නෑ කියලා. කතාව ගැන සරල කිව්වොත් පරිඝනක ක්‍රීඩාවක් හා බැදුනු මිනිමැරුමක් ගැන තමයි මුලින් කතාව පටන්ගන්නනේ නමුත් චිත්‍ර‍පටය අවසාන භාගය ආරම්භ වෙද්දි කතා තේමාව වෙනත් මගක් ගන්නවා. ඉතිං මං ඔයාලට ආරාධනා කරනවා බොහෝ දෙනෙකුගේ ඇස නොගැටුනු මේ අපූර්ව සිනමා සිත්තම නරඹන්න කියලා. එහනෙම් මේ අවුරුද්දට මගෙන් මෙච්චරයි. ලබන වසරේදි හමුවෙන්න බලමු (sure නෑ). ඔබට ජය !

Due to copyright issues, we do not provide any torrent links.

මෙම ලබා දී ඇති උපසිරැසි BR පිටපත් සඳහා අදාළ වේ.

[author]

මේ ලබා දී ඇති සිංහල උපසිරැසි පිළිබද “කළිදු වසුක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank

GOLD MEMBER
JOINING DATE – 2014-01-23
SUB-MAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]