The Walking Dead [S10 : E21] Sinhala Subtitles | වෙන් වෙන් මාවත් [සිංහල උපසිරසි]

කොහොමද ඉතිං ඔයාලට? මේක එනකල් බලාගෙන ඉන්න ඇති නේද? මං දන්නවා, මොකද මමත් එහෙමයි. බලන TV Series එකක සබ් එක එනකල් දවසට කීප වතාවක්ම ඇවිත් බලනවා. අපේ රැකියා ස්ථානයෙ සෙනසුරාදා ඉරිදා කියලා නෑ. හැමදාම වැඩ. උදේ වගේම රෑටත්. ඉතිං වැඩ කරන අතරෙ තමයි මේකත් ගොඩදාගන්න වෙන්නෙ. ඒක හින්දා තියෙන අඩුපාඩු එච්චර ගනන් ගන්න එපා. අනිත් එක මගෙ ඉංග්‍රීසි දැනුම ගොඩක් හොඳ මට්ටමක නෙවෙයි තියෙන්නෙ. පුළුපුළුවන් විදියට ගැටගහගන්නවා. මමත් ගොඩක් ආසයි මේක අශාන් සහෝදරයා කලාට පස්සෙ බලන්න තිබ්බනම්. ඒත් එයා ටිකක් කාර්‍යබහුලයි මේ දවස්වල. ඉතිං මං එයාට කරදරයක් නොවෙන්න මේක ඉල්ලගත්තා. දුන්නු අවස්ථාවට ආයෙමත් ස්තූති කරනවා. අපි බලමු අවසාන කොටසට අශාන් සහෝදරයට සබ් එක කරන්න පුළුවන් වෙයිද කියලා. මොකද ඒක ගොඩක් විශේෂ කොටසක්. සබ් එක හොඳටම තිබුනොත් තමයි කතාවත් ලස්සන වෙන්නෙ. ඒ හින්දා මං හිතනවා ඒක අශාන්ට කරන්න පුළුවන් උනොත් හොඳයි කියලා. එහෙනම් අපි කලින් කොටස ටිකක් මතක් කරගමු.

පසුගිය කොටස් තුලින්…

පසුගිය කොටසෙ පෙන්නුවෙ ස්ටෙෆනිව හොයාගෙන ගිය ඉයුජින්ට යුමිකෝට එසකියෙල්ට සහ මඟදි මුණගැහුන ප්‍රින්සස්ට දැන් වෙලා තියෙන දේ. එයාලව දුම්රිය අංගනයක හිර කරලා ඉන්නෙ. ඔවුන්ව අල්ලාගද්දි යුමිකෝට පහරදෙන නිසා ප්‍රින්සස් එයාට මොකද උනේ කියලා දැනගන්න ගොඩක් උත්සාහ කරනවා. ප්‍රින්සස් ගොඩක් කාලයක් තනියම ජීවත්වෙලා තියෙන නිසා විවිධ මානසික ආබාධ වලින් පීඩා විඳිනවා. සමහර දේවල් මැවිලා පේනවා. ඒකෙදි එයාගෙ කුඩාකාලෙ අමිහිරි අත්දැකීම් ගැනත් කියවෙනවා. කොහොමහරි අන්තිමේදි එයා තමාටම ඔප්පු කරලා පෙන්වනවා අනිත් යාළුවන්ව කරදරයකදි දාලා යන්නෙ නැති හොඳ මිතුරෙක් බව. අන්තිමටම එයා අල්ලගන්න සෙබළා ඉස්සරහා එයා හැම දෙයක්ම කියනවා. ඒක ටිකක් සංවේදී අවස්ථාවක් නේද? ඒ වෙලාවෙ එයාට මොහොතකට අනිත් යාළුවන්ව දැකගන්න අවස්ථාවක් ලැබෙනවා. කුතුහලයක් ඉතුරු කරලා ඒ කොටසත් අවසන් උනේ.

අද කොටසින්…

අද කොටසෙදි මොකද වෙන්නෙ කියලා බලමු. මතකනෙ ඩැරලුයි කැරොලුයි ලියාගෙ නවාතැනේදි ටිකක් හිත් අමනාපකමක් ඇතිකරගන්නවා. ඒකත් හිත් ඇතුලෙ තියාගෙන දෙන්නා වැඩියෙ කතාබහක් නැතුව ආපහු එන්න පිටත්වෙනවා. හැබැයි දෙන්නා එක තැනකදි වෙන් වෙන් මාරග වලට වෙන් වෙනවා. කැරොල් ආපහු ඇලෙක්සැන්ඩ්‍රියාවට පිටත්වෙන අතර ඩැරල් දිගටම තවත් අත්‍යාවශ්‍ය දේවල් හොයන්න පිටත් වෙනවා. ඉතිං ඒ දෙන්නට වෙනස් වෙනස් අත්දැකීම් වලට මුහුණ දෙන්න වෙනවා. මේක ටිකක් විනෝදයට බර කොටසක්. ඔයාලට බලද්දි ඒක තේරෙයි. ඩැරල්ගෙ නැට්ට වගේ හිටපු ඩෝග් තෝරගන්නෙ කැරොල් ගිය මාර්ගය. එයත් ඩැරල්ට ද්‍රෝහි වෙනවා.

එහෙනම් මේක බලලා ඉන්න. පුළුවන් ඉක්මනින් අනිත් කොටසත් අශාන් සහෝදරයා හරි මං හරි අරන් එන්නම්. එතකල් පරිස්සමෙන් සෞඛ්‍යාරක්ෂිතව නිරෝගිමත්ව ඉන්න. ඔයාලා හැමෝටම සුබ අළුත් අවුරුද්දක් වේවා කියලත් ප්‍රාර්ථනා කරනවා! එහෙනම් ගිහින් එන්නම්.

ඔබට ජය!

[box]

Director: David Boyd.

Writers: Heather Bellson.

IMDB Ratings : 4.1

Air Date: 25 March 2021

[/box]

බයිස්කෝප් සිංහලෙන් නිල ෆේස්බුක් පේජය සමග එක්වීමට  මෙතනින් පිවිසෙන්න.

බයිස්කෝප් සිංහලෙන් නිල ෆේස්බුක් ගෘප් එක සමග එක්වීමට මෙතනින් පිවිසෙන්න.