Cowboy Bebop (1998) [S01 : E05 & E06] Sinhala Subtitles | සැඟවූ අතීතයක් ඇත්තෝ… [සිංහල උපසිරසි]

1998 වසරේදී විකාශය වුනු, IMDB දර්ශකයේ 8.9 ක ඉහළ අගයක් වගේම MyAnimeList දර්ශකයේ 8.75 ක ඉහළ අගයක් ලබා ගෙන මේ වෙන විට Top Anime ලැයිස්තුවේ 46 වන ස්ථානයේ පසු වෙන අතරේ Action, Sci fi, Space, Adult Cast යන Genre වලට අයත් වෙමින්, Award Winning ඇනිමෙ එකක් බවට පත් වුනු, මිනිත්තු 24 බැගින් වුනු කොටස් 26 කින් සමන්විත Cowboy Bebop ඇනිමෙ කතා මාලාවේ 5 සහ 6 කොටස් සමඟිනුයි ඔබ මේ එකතු වෙන්නේ.

ස්පේස් කව්බෝයි ස්පයික්ට අපි දැකපු විදිහට එක එක කරදර නිසා හඹාගෙන ගියපු බවුන්ටි කිහිපයක්ම නැති වුනා. කරන්න යන වැඩේ නෙමෙයි අන්තිමට හිතුවෙවත් නැති තැනකින් තමයි ස්පයික්ට තමන්ගෙ දඩයම ඉවර කරන්න වුනේ. බවුන්ටි පස්සේ යන අතරෙ ගෑණුන්ගෙ ප්‍රශ්න විසඳන්නත් ස්පයික්ට සිද්ධ වෙනවා. ඒ අතරෙ අපූරු කෙල්ලෙක්වත් ස්පයික්ට මුණ ගැහෙනවා. හොරකම් වලට වගේම සූදුවට දක්ෂ කෙල්ලෙක් විදිහට ස්පයික්ට මුණ ගැහෙන මේ කෙල්ල තමයි ෆේයි වැලන්ටයින්. හැමතැනටම ණය වෙලා ඉන්න මේ ෆේයි, කොහෙන් හරි හොර වැඩක් ගෑවුනු තැනකදි ස්පයික්ට මුණ ගැහෙනවා. හැමෝවම වෛරස් එකකින් වඳුරො බවට පත් කරන පිස්සු ගෑණියෙක්ගෙන් බේරෙන්නත් ස්පයික්ට සිද්ධ වෙනවා. ඒකෙදිත් ආපහු අන්තිමේදි ස්පයික්ට දඩයමත් නෑ සල්ලිත් නෑ.

මෙදා වතාවෙ ස්පයික්ට අඳුරන කෙනෙක් මුණ ගැහෙනවා. පේන විදිහට නම් ස්පයික්ට ළඟම කෙනෙක් වගේ. හැබැයි යම් දෙයක් නිසා මේ දෙන්නා තරහින් ඉන්නේ. ඒ කියන්නෙ අතීත සිදුවීමක් නිසයි මෙහෙම වෙලා තියෙන්නෙ. මොකක්ද ඒ සිදුවීම? තවත් බවුන්ටියකට මඟක් පෑදේවිද? නරඹන්න එහෙනම් මේ කොටස් දෙකත්. Cowboy Bebop ඇනිමෙ කතා මාලාවේ මීළඟ කොටස් තුළින් හමුවෙමු.

“See You Space Cowboy…”