Goodbye Christopher Robin (2017) Sinhala Subtitle | ඔබට සුභ ගමන්, ක්‍රිස්ටෝෆර් රොබින්! [සිංහල උපසිරැසි සමඟ]

ක්‍රිස්ටෝෆර් රොබින් කිව්වම ඔයාලගේ මතකයට එනවා ඇලන් ඇලෙක්සැන්ඩර් මිල්න් විසින් රචිත “විනී ද පූ” (Winnie the Pooh) කතන්දර සමූහය. එහෙම කිව්ව ගමන් තීරණයකට එළඹෙන්න එපා, මේක විනී ද පූ වගේ සිඟිත්තන්ට හරියන චිත්‍රපටයක් වෙන්න ඇතියි කියලා. මොකද මේක ගොඩක් ලස්සන චිත්‍රපටියක්. විනී ද පූ ගැන කතා කරද්දී මේ වෙනකොට පොත්, චිත්‍රපට වගේම රූපවාහිනී කතා මාලා බොහොමයක් මේ විනී ද පූ චරිතය පාදක කරගෙන නිපදවිලා තියෙනවා. ඔයාල මේ විනී ද පූ කතා සමහරවිට කියවලා හෝ නරඹලා ඇති. (එහෙම නොවුනත් මේ චිත්‍රපටය බලන්න බාධාවක්නම් නැහැ) හැබැයි ඔයාලා දැනගෙන හිටියද විනී ද පූ සහ ඔහුගේ මිතුරන් වන ටිගර්, පිග්ලට්, ඊයෝ පිරිස තිරයෙන් පිටුපස ගොඩක් සංවේදී කතා පුවතක් තිබුණු බව? මේ ඒ පිළිබඳ සත්‍ය කතාව පාදක කරගෙන නිර්මාණය නිර්මාණය වූ, Goodbye Christopher Robin (2017) චිත්‍රපටයයි…

ඇලන් ඇලෙක්සැන්ඩර් මිල්න් නැත්නම් A. A.මිල්න් කියන්නේ පළමු ලෝක යුද්ධයේදී යුධ වැදුණු හමුදා සෙබළෙක්. ඔහු යුද්ධය අතරතුර ඔහුගේ ටයිප් රයිටරයෙන් විහිළු කතා රචනා කළා. යුද්ධය අවසන් වෙලා ලන්ඩනය බලා නැවත ආව ඔහු කළේ විහිළු කතා දැක්මවල් ඉදිරිපත් කරන්නයි. නමුත් මිල්න්ට යුද්ධය අතරේ ඇසුණු ශෙල් වෙඩි ශබ්ධ මනසේ රැව් පිලි රැව් දුන්නා. බැලුමක් පිපිරෙන හඬටත් ඔහු තිගැස්සුනා. මේ අතරතුර මිල්න් සහ ඔහුගේ බිරිඳ ඩැෆ්නිට දරුවෙක් මෙලොව එලිය දකිනවා, නමින් ඔහු ක්‍රිස්ටෝෆර් රොබින් මිල්න් නොඑසේනම් C.R. මිල්න්. පසුව A. A.මිල්න් හා ඔහුගේ බිරිඳ ඩැෆ්නිට නිවාඩු සඳහා වෙනත් රටවල සංචාරය කරන්න සිදු වන නිසා ඔවුන්ගේ දරුවා වන C.R. මිල්න් රැක බලාගැනීමේ වගකීම හිමි වන්නේ නූ, නැතහොත් ඔලිව් ආයම්මාටයි.

කෙසේ වෙතත් ලන්ඩනයේ යුධ සිදුවීම් දිගින් දිගටම සිහියට එන නිසා පසු කාලයකදී ලන්ඩන්වලින් ගම්බද පළාතකට යන්න A. A.මිල්න් තීරණය කරනවා. වයස මේ වන විට අවුරුද 8ක් වන C.R. මිල්න්ද ඔවුන් හා එක් වනවා. ලියන්න දෙයක් නැතුව හිටිය A. A.මිල්න්ට කදිම අදහසක් පහල වෙනවා…. ඉතින් අපි බලමු කොහොමද , මොන විදිහටද මේ විනී ද පූ ජනතාව අතරට පැමිණෙන්නේ කියලා.

අපිට ගොඩක් ලස්සන කතාවක් මේ චිත්‍රපටයෙන් දැකගන්න පුළුවන්. දරුවෙක්ට කොච්චර අවදානයක් ලැබෙන්න ඕනෙද කියලා ලස්සනට පෙන්නලා තියෙනවා. දරුවන්ට විතරක් නෙමෙයි දෙමාපියන්ටත් බලන්න ගොඩක් හොඳ චිත්‍රපටයක් තමයි මේක.

අමතර තොරතුරු

* ලැබුණු සම්මාන සහ නාමයෝජනා

+ British Independent Film Awardsහි හොඳම සහය නිළියට හිමි සම්මානය සඳහා Kelly Macdonald නාමයෝජනා ලැබී ඇත.
+ Heartland Film Festivalහි Truly Moving Picture Award යන සම්මානය Goodbye Christopher Robin චිත්‍රපටයට දිනා ඇත.
+ Mill Valley Film Festivalහි Audience Award — World Cinema සම්මානය දිනා ඇත.

* මෙම චිත්‍රපටයට Simon Curtis අධ්‍යක්ෂණයෙන් දායක වූ අතර රචනා කර මෙම චිත්‍රපටය Frank Cottrell Boyce හා Simon Vaughan විසින් රචිතයි.

* ප්‍රධාන රංගන ශිල්පීන්

+ A. A. මිල්න් ලෙස Domhnall Gleeson
+ ඩැෆ්නි ලෙස Margot Robbie
+ ඔලිව් ලෙස Kelly Macdonald
+ කුඩා ක්‍රිස්ටෝෆර් රොබින් මිල්න් ලෙස Will Tilston
+ වැඩිහිටි ක්‍රිස්ටෝෆර් රොබින් මිල්න් ලෙස Alex Lawther

* මෙම චිත්‍රපටය එක්සත් රාජධානියේදී 2017 සැප්තැම්බර් 29වනදා නිකුත් වූ අතර, එක්සත් ජනපදයේ නිකුත් වූයේ 2017 ඔක්තෝබර් 13වෙනිදායි.

* Margot Robbie හා Domhnall Gleeson’s එක්ව රංගනයේ නිරත වූ දෙවන චිත්‍රපටය මෙය වන අතර මින් පෙර ඔවුන් දෙදෙනා එක්ව රංගනයේ නිරත වූයෙ About Time (2013) චිත්‍රපටයෙයි.

බයිස්කෝප් වෙබ් අඩවියත් එක්ක එකතු වෙලා හරියම අවුරුදු තුනක් පිරෙන අද දවසේ මේ වගේ විශිෂ්ට සිනාපටයකට උපසිරසි දෙන්න ලැබුණු එක ගැන ගොඩක් සතුටුයි.

ඉතින් තවත් දවසක තවත් චිත්‍රපටයක උපසිරසකිං හමු වෙමු…

Due to copyright issues, we do not provide any torrent link.

Subtitle Contributor Rank

BRONZE MEMBER
JOINING DATE – 2015-02-06
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]