Instant Family (2018) Sinhala Subtitles | වෙනස්ම විදිහේ පවුලක්… වෙනස්ම විදිහේ කතාවක්… [සිංහල උපසිරසි සමඟ]

කොහොමද, කට්ටිය? ඔන්න ඉතිං පොරොන්දු වුණු විදිහටම තවත් ෆිල්ම් එකක් අරන් බයිස්කෝප් පැත්තේ ආවා. හැබැයි ඉතිං මෙදා පාර නම් කාලෙකට ගේන අවසාන උපසිරැසිය මේක වෙයි. ඒ මොකද කිවුවොත් මං තාවකාලිකව උපසිරැසිකරණය නවත්වන්න තමයි සූදානම් වෙන්නේ. දැන් ඉතිං හිතනවා ඇති නේ ඒ මොකද කියලා. හේතුව තමයි මම මේ අවුරුද්දේ දෙසැම්බර් මාසයේ සාමාන්‍ය පෙළ විභාගයට මුහුණ දීම. මේ වැඩේ වගේම අධ්‍යාපනයත් ගොඩ දාගන්න ඕනෙ නිසා තමයි මං මේ තීරණය අරගත්තේ. හැබැයි ඉතිං තාවකාලිකව තමයි හොඳේ? විභාගේ ඉවර වුණු ගමන්ම ඉතිං ආයෙත් බයිස්කෝප් එකට තමයි දුවගෙන එන්නේ. හරි හරි, දැන් ඉතිං ඒ කතාවලින් වැඩක් නෑ. අපි අද කතාව පැත්තට හැරෙමුකෝ.

මේ පාර ගෙනාවේ එසේ මෙසේ ෆිල්ම් එකක් නම් නෙවෙයි. ලෝකය පුරා ජනප්‍රිය වුණු, සුපිරිම කොමඩියක් තමා මෙදා පාර අරන් ආවේ. ඇත්තටම මට මේකෙ සබ් සයිට් එකේ තිබුණෙ නැති එක ගැන පුදුම හිතුණා. අනික මේකෙ සබ් නැති එක සයිට් එකට නම් පාඩුවක්. ඒත් දැන් ඉතිං බලපු නොබලපු හැමෝටම දැන් උපසිරැසිත් එක්කම බලන්න පුලුවන්. දැන් අපි මේකෙ තොරතුරු ටිකක් අවුස්සලා බලමුකෝ.

මේ චිත්‍රපටය සැබෑ කතාවක් ඇසුරු කරගෙන තමයි නිර්මානය වෙලා තියෙන්නේ. හ්ගැබැයි ඒ කතාවේ මූලික කරුණු විතරයි චිත්‍රපටය නිර්මාණයේදී අරන් තියෙන්නේ. නැතුව මුලු කතාවම එහෙම් පිටින්ම චිත්‍රපටයට අඩංගු කරලා නෑ. Sean Anders, මේ නම නම් සිනමා ප්‍රේක්ෂකයෝ අහලා නොතිබෙන්න බෑ. ලෝකෙ හොඳම කොමඩි නිර්මාන කිහිපයකම අධ්‍යක්ෂක විදිහට අයිතිවාසිකම් කියන්නේ Sean තමයි. Daddy’s Home, Daddy’s Home 2, That’s My Boy, We’re The Millers කියන්නේ ඔහුගේ නිර්මාණ කිහිපයක් විතරයි. අන්න ඔහුගේ සැබෑ කීවිතයේ අත්දැකීමක් තමයි Instant Family නම් මේ විශිෂ්ට සිනමා නිර්මාණයට ඇසුරු කරගෙන තියෙන්නේ.

ඒ වගේම අනිත් පැත්තෙන් ගත්තම මේකට රංගනයෙන් දායක වෙන්නෙත් එසේ මෙසේ පිරිසක් නෙවෙයි. හොලිවුඩයේ අපිට දකින්න ලැබෙන, කොටින්ම කිවුවොත් දැවැන්තම නිර්මාන බහ්තරයක දකින්න ලැබෙන හුරු පුරුදු මූණු ටිකක්ම තියෙනවා. පළවෙනියටම කිවුවොත් Mark Wahlberg නැත්තම් Transformers: Age Of Extinction, Transformers: The Last Knight, Daddy’s Home, Max Payne, Mile 22 හිටිය සුපිරිම තරුව තමයි පීට් චරිතයට පණ පොවන්නේ. Mark ඉන්න ෆිල්ම් ගැන අමුතුවෙන් කියන්න ඕනෙ නැහැනේ, ආයෙ ඉතිං සුපිරියක්ම තමා. චිත්‍රපටය තුළ ඉන්න එලී චරිතයට රංගනයෙන් දායක වන්නේ Neighbors, Spy, Troy, X-Men: First Class, Peter Rabbit චිත්‍රපටවල පණ පෙවූ ජනප්‍රිය Rose Byrne විසින්. ඒ වගේම ළමා ප්‍රධාන චරිතයක් වෙන ලිසී චරිතය ජීවමාන වෙන්නේ අපි කවුරුත් දන්න, Dora and the Lost City of Gold, Middle School: The Worst Years of My Life, Transformers: Last Knight වල හිටිය සුරූපී Isabela Moner අතින්. ඒ වගේම මේකෙ ඉන්නෙ අනිත් ප්‍රධාන ළමා චරිත වුණ ජුවාන් සහ ලීටා ලෙස රංගනයෙන් දායක වෙන්නේ පිලිවෙලින් Gustavo Quiroz Jr. සහ Julianna Gamiz විසින්.

ඒ වගේම මේකෙ රේටින් කොහොමද දන්නවද? IMDb තුළ 7.3 ක්! ඡන්ද කීයකින්ද කියලා දන්නවද? 71,900 අධික ප්‍රේක්ෂක ප්‍රතිචාරයකින්. අනිත් පැත්තෙන් ගත්තම Rotten Tomatoes දර්ශකය තුළත් 81% ක් කැරකිලා තියෙනවා. ඒ වගේම අධ්‍යක්ෂණය මේකෙ සැබෑ අත්දැකීම විඳගත් Sean Anders අතින්ම තමයි. ඒ වගේම චිත්‍රපටය රිලීස් වෙලා තියෙන්නේ 2018 නොවැම්බර් 16. බෙදාහැරීම Transformers, Teenage Mutant Ninja Turtles දුන්නු Paramount Pictures විසින්. Comedy | Family ගණයට අයත් මේ චිත්‍රපටය PG-13 වයස් ඛාන්ඩයට තමයි ඇතුලත් වෙන්නේ.

එහෙනම් කතාව ග්ෆැනත් පොඩ්ඩක් කියන්නම්කෝ. පීට් සහ එලී කියන්නේ හරිම නිදහසේ ජීවත් වෙන ජෝඩුවක්. හැබැයි මෙයාලට ළමයි නැහැ. ඒ නිසා මෙයාලා සමහර වෙලාවට සමච්චලයටත් ලක් වෙනවා. මෙයාලා රැකියාව විදිහට කරන්නේ පරණ ගෙවල් අරන් ඒවා ප්‍රතිසංස්කරණය කරලා විකුණන එක. ඒත් මෙයාලගේ ජීවිත කන පිට පෙරලෙන්නේ හරිම ඉක්මණින්. දවසක් පීට් විහිලුවට වගේ කියනවා ළමයෙක් හදාගත්තොත් කොහොම වෙයිද කියලා. මේ ගැන එලී හොයන්න පටන් ගන්නවා. ඒ විදිහට තමයි මෙයාට අනාත ළමයි හදාගන්න දෙන වෙබ් අඩවියක් හම්බෙන්නේ. මේ ගැන එලී පීට්ටත් කියනවා. හැබැයි පීට් ඒකට කැමතිවෙන්නෙ නෑ. නමුත් පීට් ටික වෙලාවකින් අර සයිට් එකට ගිහින් ළමයින්ගේ විස්තර දැකලා අනුකම්පා හිතිලා ළමයි හදාගන්න වැඩේට බහිනවා. ඒත් වැඩේ ලේසි නෑ. ළමයි හදාගැනීමේ සති අටක පුහුණුවකට පස්සෙ තමයි ජෝඩුවකට හදාගන්න ඉඩ ලැබෙන්නේ. එයාලා ඒ වැඩෙත් ගොඩ දාලා ලමයෙක් තෝරගන්න මහන්සි වෙනවා. කොහොම හරි මෙයාලට හිතයන්නේ කවුරුත්ම කැමති නැති පැත්තටයි. එලී කියපු කතාවක් නිසා ළමයින් තෝරගන්න පොළක් වගේ තැනකදී ලිසී කියලා තරුණ ළමයෙක් මෙයාලට හොඳටම කට කැඩිච්ච කතා ටිකකින් සංග්‍රහ කරනවා. ඒත් පීට් සහ එලී ජෝඩුවට ලිසීට හිතයනවා. පස්සේ ලිසීව හදාගන්න අරගන්න හැදුවම තමයි මේ දෙන්නට දැනගන්න ලැබෙන්නේ එයාගේ නංගිවයි මල්ලිවයි (ජුවාන් සහ ලීටා) හදාගන්න අරගන්නම ඕනෙ කියලා. එයාලගේ ජීවිත කන පිට පෙරලෙන්නේ මෙතනදී තමයි. මේ ළමයිව මෙල්ල කරන්න හරිම අමාරුයි. විශේෂයෙන්ම තරුණ වියේ ඉන්න ලිසීව. ඉතිං මේ දෙන්නා මේ ළමයි එක්ක කොහොම ඔට්ටු වෙයිද කියලා බලාගන්න නම් චිත්‍රපටය බලන්නම වෙනවා.

ඉතිං තාම ඔයාට මේක බලන්න හිතුන් නැද්ද? එහෙනම් සහෝ ඔයාට පින මදි කියලා තමයි කියන්න සිද්ද වෙන්නේ. ඒ වගේම මං තව දෙයක් කියන්නම්, මේකෙ තුළ අපි කවුරුත් හිතට ගන්න ඕන ගැඹුරු ආදර්ශයක් අන්තර්ගත වෙනවා. කොමඩිවලින් පවා මේක තුළ ඉඟිදෙන්නේ අන්න ඒ කාරණාව ගැන. චිත්‍රපටය බලනකොට හිනා වෙවී බලන්න. හැබැයි බලලා ටිකක් වෙලා මේකෙ ඇත්තටම කතා වුණ දේ ගැන චුට්ටක් හිතලා බලන්න. එතකොට තේරේවි. අන්න ඒ නිසයි මේ චිත්‍රපටය මෙච්චර වටින්නේ. ඒ නිසා මම මේක සබ් කරන්න ලැබුනු අවස්තාවත් ලොකු වාසනාවක් කියලා හිතනවා. ජීවිතේට වටිනා දෙයක් ගන්න පුලුවන්, හැබැයි එහෙම කියලා කම්මැලියි කියලා පොඩ්ඩක්වත් නොහිතෙන අත්දැකීමක් ගන්න හිතෙනවා නම්, යන්න… ගිහින් දැම්මම බාගෙන බලන්න මේ වටිනා සිනමානාත්මක නිමැයුම!

හරි ඔන්න ඉතිං මං මගේ වැඩේ අවසන් කරන්න තමයි හදන්නේ. මේ තමයි මගේ ජයග්‍රාහී 18 වෙනි උපසිරැසි ගැන්වීම. කිවුවා වගේම ආයෙ දෙසැම්බර් වෙනකම් මේ පැත්තේ එන්න විදිහක් නෑ. ඒත් ඉතිං O\L ඉවර වුණු ගමන්ම ඉතිං සුපුරුදු විදිහට සබ් එකක් එක්කම මේ පැත්තට දුවන් එන්නම්කෝ. ඒ වගේම හැමදාම කියන විදිහට අදත් කියන්නම්, විනාඩියක් අරන් අදහසක් කොටන් යන්න. මොකද මේ වගේ ලයින් 2200+ ෆිල්ම් එකක සබ් එකකට ඔයාලට දෙන්න පුලුවන් ලොකුම වටිනාකම අන්න ඒ එක අදහස නිසා. එහෙනම් මං තාවකාලිකව බයිස්කෝප් සිංහලෙන් තුළින් සමුගන්නවා. යන්න කලින් සයිට් එක වෙනුවෙන් මාව සම්බන්ධ කරගත් ශාන් විමුක්ති අයියටත්, මගේ උපසිරැසි පල කිරීම වෙනුවෙන් බයිස්කෝප් ඇඩ්මින් මඩුල්ලටත් මගේ ස්තූතියි පුදකරන්න කැමතියි. එහෙනම් මම සමුගන්නවා. පරෙස්සමින් ඉන්න.

෴෴සුබ දවසක්…!෴෴

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

[author]

මේ ලබා දී ඇති සිංහල උපසිරැසි පිළිබද “ සචින්ත කල්හාර බෙනට් ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank

BRONZE MEMBER
JOINING DATE – 2017-12-12
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]