A Flying Jatt (2016) with Sinhala Subtitles | පියාඹන අකුණු සැරය [සිංහල උපසිරැසි සමඟ]

මේ වතාවේ එන්නෙ ගොඩක් දෙනෙක් මග බලාගෙන ඉඳපු, සුපිරි වීර චරිතයක් පදනම් කරගනිමින් බොලිවුඩ් සිනමාව අතික්‍රමණය කළ නවතම හින්දි චිත්‍රපටයත් අරගෙන. මේ වසරේ නිකුත් වන හින්දි චිත්‍රපට අතුරින්, ඉහලම ප්‍රේක්ෂක අවධානයක් දිනාගත් චිත්‍රපටයක් ලෙස මෙය නම් කලහොත් එය මුසාවක් නොවේ. මන්දයත්, වර්තමාන හොලිවුඩ් පුරවරයට සුපිරි වීර සිනමාපට අරුමයක් නොවුණත්, බොලිවුඩ් පුරවරයට නම් සුපිරි වීර සිනමා පටයක් යනු දුර්ලභ සිදුවීමකි. වර්තමාන සිනමා තාක්ෂනය කෙතරම් ඉහල මට්ටමක පැවතුණද, මෑත ඉතිහාසයේදී බොලිවුඩ් පුරවරයෙන් සුපිරි වීර සිනමා පටයන් ලෙස නිකුත් වූයේ, රිතීක් රෝෂන්ගේ Krrish සහ ශාරුක් ඛාන්ගේ Ra-One යන චිත්‍රපට පමණක් වීම, ඉහත කී කාරණය මොනවට විදහාපාන සාධකයක් වනවා. මෙවැනි වාතාවරණයක් මත බොලිවුඩ් පුරවරය ආක්‍රමණය කරමින් පැමිණෙන මෙම නවතම සුපිරි වීර සම්ප්‍රාප්තිය, ඉඩෝරයට වට පොද වැස්සක් මෙන් ප්‍රේක්ෂක සිත් සතන් අමන්දානන්දයට පත් කිරීමට සමත් විය. චිත්‍රපටය පිළිබඳව නිළ වශයෙන් දැනුම් දීමත් සමගම, ප්‍රේක්ෂක සිත් සතන් හී පැවතියේ එකම එක කුකුසක් පමණි. එනම්, කවුද මේ බොලිවුඩ් සිනමාවට අළුතින්ම ප්‍රවිෂ්ට වූ සුපිරි වීර චරිතය ? මෙම කුතුහලය දෙගුණ තෙගුණ වන්නෙ චිත්‍රපටයේ පුර්ව ප්‍රචාරක පටය නිකුත් වීමත් සමගයි. වර්තමාන බොලිවුඩ් සිනමා ක්ෂේත්‍රයේ ඉහලින්ම වැජඹෙන සිනමා තරු දෙකක් සමගින් හොලිවුඩයේ කිරුළු පළන් ක්‍රියාදාම නළුවෙකුගේ රංගනයෙන් සිනමා පටය ඔපමට්ටම් වී තිබෙනවා. එසේ නම්, මෙතෙක් කලක් තිස්සේ බොහෝ දෙනෙකු නොඉවසිල්ලෙන් බලාසිටි ඒ සිනමා පටය සිංහල උපසිරැසි සමගින් ඔබ වෙත ගෙන ඒමට අවසරයි…

ප්‍රථමයෙන්ම ස්තුතිවන්ත වනවා සමීර කරුණාරත්න සහෝට. චිත්‍රපටයේ පූර්ව ප්‍රචාරක පටය පවා නිකුත් වීමට මාස ගණනකට පෙර තමයි සමීර සහෝ මගෙන් විමසීමක් කළේ, මෙන්න මේ විදියේ චිත්‍රපටයක් නිකුත් වෙන්න තියෙනවා. කැමති නම් භාරගන්න කියලා. එම නිසාවෙන්ම ප්‍රථමයෙන්ම ඒ වෙනුවෙන් විශේෂ ස්තුතියක් ඔහුට පුදකර සිටිනවා.

චිත්‍රපටයේ පසුබිම පිළිබඳව පවසනවානම්, චිත්‍රපටයේ ප්‍රධාන රංගන දායකත්වය සපයනු ලබන්නෙ Heropanti (2014) සහ Baaghi (2016) යන චිත්‍රපට වලින් කෙටි කාලයක් තුළ ඉහල ප්‍රේක්ෂක ප්‍රතිචාරයක් ලබාගත් Tiger Shroff, ශ්‍රී ලාංකීය රූ රැජිණ Jacqueline Fernandez සහ Mad Max: Fury Road (2015), Never Back Down: No Surrender (2016), Bhooloham (2015) යන චිත්‍රපට තුලින් සිය දස්කම් විදහා පෑ, රෙස්ලින්  ක්‍රීඩක Nathan Jones විසිනි. බොලිවුඩයේ අත්දැකීම් බහුලතම අධ්‍යක්ෂකවරයෙකු වන Remo D’Souza ගේ අධ්‍යක්ෂණයෙන් සවිබල ගැන්වී, සංගීත අධ්‍යක්ෂක Sachin–Jigar ගේ මියුරු සංගීතයට, වර්තමාන  බොලිවුඩ් සිනමාව සිය මනෝරම්‍යය ගායන ප්‍රතිභාවෙන් වශීකෘත කළ, Atif Aslam, Vishal Dadlani සහ Kanika Kapoor ගේ සුමියුරු කටහඬින් වර්ණවත් වූ අතිශය මිහිරි ගීත කිහිපයකින් වර්ණවත් වූ මෙම සුපිරි වීර සිනමා අත්දැකීම, ප්‍රේක්ෂකයින් දහසකට වැඩි සංඛ්‍යාවකගේ මනාපයෙන් IMDB දර්ශකයේ 3.9 වැනි අගයක් හිමි කොට ගෙන තිබෙනවා.

චිත්‍රපටයේ අන්තර්ගතය කෙටියෙන් පවසනවානම්, අමන් යනු පාසලක මාර්ෂල් ආර්ට්ස් උගන්වන ගුරුවරයෙකි. එම පාසලේම ගුවරුවරියක් සේම, සිය අසල්වැසි තරුණියක්ද වන කීර්ති නම් තරුණියට සිතින් පමණක් පෙම් කරන මෙම බොළඳ, බයාදු මාර්ෂල් ආර්ට්ස් ගුරුවරයා ජීවත් වූයේ සිය මව සහ එකම සහෝදරයා සමගිනි. මොවුන් ජීවත් වන ඉඩම අති විශාල වපසරියක් පුරා විහිදී තිබෙන අතර, එක් කෙළවරක වසර දෙසීයකටත් වඩා ඉපැරණි වෘක්ෂයක් පිහිටා ඇත. මිනිස් විශ්වාසයන්ට අනුව මෙම වෘක්ෂය සතුව යම් කිසි අදෘශ්‍යමාන බලයක් පවතින අතර, දුකට පත් ජනතාවට මේ වෘක්ෂය මගින් යම් කිසි අන්දමේ සහනයක් ලැබෙන බවයි ඔවුන්ගේ විශ්වාසය වන්නෙ. කෙසේ හෝ එක් දිනකදී, ඔවුන් සිහිනෙන් හෝ නොසිතූ පැතූ අන්දමේ පුද්ගලයෙකු මොවුන් හමුවට පැමිණෙනවා. සිය ව්‍යාපාර මගින් ජය කෙහෙළි නංවා, නගරයේ ඉහලම ධනවතා වූ නමුදු, හදවතේ කිසිඳු දයාවක් හෝ තෙතමනයක් නොමැති, බොහෝ දෙනෙකුගේ පිළිකුලට භාජනය වූ මල්හෝත්‍රා නමින් හඳුන්වන මෙම පුද්ගලයා එකම එක ඉල්ලීමක් මොවුනට යෝජනා කරනවා. මොහු කෙතරම් ඇවටිලි කළද, එම යෝජනාව සඳහා ඔවුන්ගේ අවසාන පිළිතුර වනුයේ ප්‍රතික්ෂේප කිරීමක් පමණි. මෙයින් අධික කෝපයට පත්වන මෙම ව්‍යාපාරිකයා, දැවැන්ත ශරීරයකට උරුමකම් කියනා අතිශය ශක්තිමත්, එමෙන්ම මනෝ ව්‍යාධිකයෙකුද වන කුලී ඝාතකයෙකුගේ සහාය ලබාගනිති. මෙම තීරණය නිසාවෙන්ම මෙතෙක් කාලයක් සාමකාමී ජීවිතයක් ගතකල නගරවාසී සියළු දෙනාගේම ජීවිත උඩි යටිකුරු වනවා. මෙයින් ඇතිවන අතුරු ප්‍රතිපල නිසාවෙන් බොහෝ දෙනෙකුන් හට සිය ජීවිතයෙන් සමුගැනීමට පවා සිදුවනවා. නගර වාසීන්ට කළ හැකි එකම දෙය, මරණය පැමිණ තමා වැළඳගන්නා තෙක් අසරණව බලාසිටීම පමණක් වනවා. සුළු දෙයටත් බිය වන බොළඳ, බයාදු මාර්ෂල් ආර්ට්ස් ගුරුවරයා කෙසේ නම් මේ සියළු දේ විඳ දරාගනීවිද… ප්‍රේක්ෂක ඔබ සැමට ඉතිරිය බාරයි.

එසේනම්, තවත් චිත්‍රපටයකින් හමුවන තුරාවට, සියලු දෙනාටම ජයවේවා!

ප.ලි. – උපසිරැසි ලබාදී ඇත්තේ DVD Screener පිටපතක් සඳහාය. එබැවින් තව දුරටත් ඉවසාගෙන සිටිය නොහැකි අය පමණක් නරඹන්න. හොඳ පිටපතක් පැමිණි සැනින් උපසිරැසිය යාවත්කාලීන කරලා දෙන්නම්. රාත්‍රී දර්ශන දෙක තුනක් ඇරෙන්න අනෙකුත් සියළු දර්ශන නැරඹිය හැකි මට්ටමේ තියෙනවා. මං නම් කියන්නෙ කැමති අය මේකත් බලලා, හොඳ කොපියක් ආවමත් බලන්නකො 😀

පිටපතට යාවත්කාලීන කරන ලදී

 

 

 

Due to copyright issues, we do not provide any torrent links.

 

A Flying Jatt (2016) Hindi 720p HDTV x264 AAC – Downloadhub
A Flying Jatt [2016] Hindi Movie HDRip x264 700MB
Flying Jatt (2016) HDRIP 1CDRIP x264 AAC

ලබා දී ඇති උපසිරසි ඉහත පිටපත් සඳහා අදාළ වේ.

26,494 downloadsDownload A-Flying-Jatt-2016HD.Baiscopelk.com_.zip94 KB

 

https://d36zzuvfojr38z.cloudfront.net/wp_content/uploads/2016/05/SisilaPrasad.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.