Luv U Soniyo (2012) | ආදරෙයි සෝනියෝ. [සිංහල උපසිරසි සමඟ]

සාතියා චිත්‍රපටියට පස්සේ මේ මම අරගෙන එන පළවෙනි චිත්‍රපටය. මේකත් 2013 අවුරුද්දේ තිරගත වුණු ලස්සන ආදර කතාවක් රැගත් හින්දි චිත්‍රපටයක්. මගේ 13 සිංහල උපසිරස විදියට රැගෙන ආපු මේ චිත්‍රපටය තමයි Luv U Soniyo. IMDb අගය 5.8 ලෙස සටහන් වන මේ චිත්‍රපටය ගැන විස්තර කියන්නයි මේ සූදානම.

ජෝ රාජන් විසින් අධ්‍යක්ෂණය කළ මේ චිත්‍රපටියේ ප්‍රධාන චරිත වලට රංගනයෙන් දායක වන්නේ තනූජ් වීර්වානි සහ නේහා හින්ගේ. විපින් පට්වාගේ සංගීතයෙන් රස ගැන්වෙන මේ චිත්‍රපටිය සඳහා ගීත ගායනයෙන් දායක වෙනවා සෝනු නිගම්, ශ්‍රියා ගෝෂාල්, ෂාන් ඒ වගේම සුනිදි චෝහාන් වැනි ප්‍රකට ඉන්දීය ගායන තරු. චිත්‍රපටිය තිරගත වුණේ 2013 ජූලි 26. ලබාගත් බොක්ස් ඔෆීස් ආදායම US$440,000 ලෙසයි සටහන් වන්නේ.

දැන් කියන්නම් මේකේ කතාව, මාර්ක් සහ සෝනියෝ ජෝඩුව කුඩා කාලයේ ඉඳන්ම අහඹු ලෙස නොයෙක් නොයෙක් අවස්ථාවලදී මුණගැහෙනවා. හැබැයි දෙන්නා දෙන්නාව අඳුනගන්නේ නැහැ. කොහොමහරි මේ දෙන්නා තරුණ වයසට ආවම ඉගෙනගන්න ලැබෙන්නේ එකම විද්‍යාලයක. මාර්ක් කියන්නේ කතෝලික, මව අහිමි, යාළුවොත් එක්ක පිස්සු කෙලින රස්ත කොල්ලෙක්. ඉගෙන ගන්නවා කියන දේ මේ යකාට අරහං. මෙයාගේ යාළුවෝ සෙට් එකත් ඒ වගේම තමයි. හැබැයි මාර්ක් ක්‍රීඩාවට හරිම දක්ෂයි. සෝනියෝ කියන්නේ ඉගෙනීමට වගේම විද්‍යාලයේ බාහිර වැඩවලටත් කැපවුන පංජාබ් ජාතික දක්ෂ ගෑනූ ළමයෙක්. කොහොමහරි මේ දෙන්නා එකිනෙකාට එතරම් කැමති නැහැ. ඒත් මාර්ක් සෝනියෝට කරන උදව්වක් නිසා සෝනියෝ එයාලගේ එක විභාගයකට උත්තර ලියන්න මාර්ක්ට උදව් කරනවා. ඒ කිව්වේ මේ කොපි කරන්න. කොහොමහරි හොඳට කොපි කරගෙන උත්තර ලියපු මාර්ක්, එයාගේ යාළුවන්ට ගිහින් කියනවා සෝනියෝ එයාට කැමති නිසා කොපි කරන්න ඉඩදුන්නා කියලා. මේක ඇහෙන සෝනියෝ මාර්ක් එක්ක තරහා වෙනවා. ඉතින් ඊට පස්සේ මාර්ක් මාර ගේමක් තමයි දෙන්නේ සෝනියෝව යාළු කරගන්න. ඒ අතරෙදි මාර්ක්ගේ හිතේ සෝනියෝ ගැන කැමැත්තක් ඇති වෙනවා.

කොහොමහරි කතාව ගලාගෙන යනකොට එනවා කථාවේ දුෂ්ටයා. ඒ තමයි මාර්ක්ගේ යාළුවා වීර්ගේ අයියා. එයා හමුදාවෙන් එන්නේ සෝනියෝව බඳින්න. ඒත් සෝනියෝ ඒ ගැන දන්නේවත් නැහැ. මාර්ක්ට තමන්ගේ ආදරේ සෝනියෝට කියාගන්න පුළුවන් වෙයිද? එතකොට සෝනිියෝ හමුදාවෙන් ආපු වික්‍රම්ට කැමති වෙයිද? එතකොට මාර්ක්ට මොකද වෙන්නේ.. ඔය ප්‍රශ්න වලට ලස්සනට උත්තර මේ කතාව අවසාන වෙනකොට ලැබෙනවා. ඇත්තටම ලස්සන ෆිල්ම් එකක්. හිනාවෙවී බලන්න පුළුවන්.

දැන් තියෙනවා පොඩි සමාව ගැනීමක් කරන්න අපේ විකියා සහෝගෙන්. ඇත්තටම මම මේ ෆිලුම සබ් දාගන්න භාරගත්තේ ජනවාරි මැද වගේ. ඒත් මගේ උසස් අධ්‍යාපන කටයුතු වලට හිරවුණු නිසා මට මේකට උපසිරස කරන්න ලැබුණු අවස්ථාව හරිම අඩුයි. පේළි දෙදාහකට වැඩි ප්‍රමාණයක් තිබුණ නිසා හෙමින් තමයි දැම්මේ. ඔයාලට අනිවාර්යයෙන්ම දෙන්න ඕන ෂීල්ඩ් කතාමාලාවට මම මට ලැබුණු කාලය වෙන් කළා. ඉතින් කොහොමහරි අද දවසම විදුලිය නැතිව තියෙද්දීත් අන්තිම පේළි 500 ඉවර කරගන්න මගේ ලැපේ බැටරි බලය පිහිට වුණා. එහෙනම් හැමෝටම ජයම වේවා කියන ගමන් සමුගන්නවා. තවත් ලස්සන ෆිලුමකින් හමු වෙමු එහෙනම්.

 

 

700 MB කොපිය මෙතනින් බාගන්න

C131D962EA51DA8512B5AF036BA803D941CFD20E ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

2,625 downloadsDownload Love.u.Soniyo.2013.baiscopelk.zip76 KB

 

https://d36zzuvfojr38z.cloudfront.net/wp_content/uploads/2013/12/srimal.jpg මේ ලබා දී ඇති සිංහල උපසිරැසි පිළිබද “යශෝධ ශ්‍රීමාල් අතුරැලියගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.