Raazi (2018) Sinhala Subtitles | මාගේ දේශය වෙනුවෙන් ජීවිතයම කැප.කරමි… [සිංහල උපසිරසි සමඟ]

 

ඉන්දියාව සහ පාකිස්තානය කියන්නෙ නිතරම යුද වැදි රටවල් දෙකක්. 1971 දි ඉන්දියාව හා පාකිස්තානය අතර ඇති වුනු යුද්දය වර්තමානයේ බංගලාදේශය නමින් හඳුන්වන නැගෙනහිර පාකිස්තානයේ ස්වාදීන සටනේදි ඇති වූ යුද්දයක්. එය 1971 දෙසැම්බර් 03 වනදා ආරම්බ වී දෙසැම්බර් 16 වනදායින් අවසන් වුනා. දින 16ක් පුරා පැවති ඒ යුද්දය ඉතිහාසයේ කෙටිම යුද්දයක් බවට සඳහන් වෙනවා. 1971 දෙසැම්බර් 16 වෙනිදා ධකා හිදී ගිවිසුම් අත්සන් කර පාකිස්තානය ඉන්දියානු හමුදාවට යටත් වෙනවා වගේම ඉන්දියාව යුද්දය ජයග්‍රහනය කරනවා. ඒ වගේම නැගෙනහිර පාකිස්තානය බංගලාදේශය නමින් ස්වාධීන රාජ්‍යයක් බවට පත් වෙනවා.

මේ සටන සිදු වෙලා දැන් වසර 46ක් ගත වෙලා අවසන්. ඒ වගේම මේ යුද්දය ගැන බොහෝ චිත්‍රපටි නිපදවුනා. Border , 1971(2007), 1971: Beyond Borders (2017 Malayalam), Gunday (2014), Children of War (2014), The Ghazi Attack (2017) වැනි බොලිවුඩ් චිත්‍රපටි වගේම බංගලාදේශ චිත්‍රපතිත් බොහෝ නිපදවුනා. Meghna Gulzar අධ්‍යක්ශනය කරපු මේ චිත්‍රපටියටත් පාදක වෙන්නෙ මේ 1971 ඉන්දු පාකිස්තාන යුද්දයම තමයි. The Ghazi Attack (2017) කියන චිත්‍රපටියට මේ චිත්‍රපටිය ගොඩක් සම්බන්දයි. The Ghazi Attack ප්‍රහාරයට කලින් සිදු වූ සිද්දීන් තමයි මේ චිත්‍රපටියේ තියෙන්නෙ.

අපේ ත්‍රිවිධ හමුදාවම එකතු වෙලා.
1971 දි පාකිස්තානයට විරුද්දව යුද්දය ජයග්‍රහනය කලා.
ඒ යුද්දෙයේ සාක්ශිකාරයින් වුනු අපේජ්‍යෙෂ්ඨ නිලධාරීන්
කරපු කැප කිරීම් අපිට කවදාවත් අමතක කරන්න බෑ.
ඒ විතරක් නෙවෙයි,
යුද බිමේ සටන් වැදුනු අය…
සැතපුම් ගානක් ඈතින් ඉඳන් සටන් කරපු අය
අපේ හමුදාවන්ට උපකාර කලා.
අපේ බුද්ධි අංශයේ නිර්භීත නිලධාරීන්
ගත් පියවර තාමත් මගෙ මතකයේ රැව් දෙනවා.
ඔවුන් අතරෙ එක අවුරුදු 20ක ගෑනු ළමයෙක්
හැම සීමාවක්ම පහු කරල ගියා
තමන්ගෙ රට ජාතිය වෙනුවෙන්…

ඉන්දියාව වෙනුවෙන් ඔත්තු බලන එකට
පාකිස්තානෙන් සම්බන්දකම් තියා ගන්න එක වෙනම දෙයක්.
ඒත් මේ අහිංසක කෙල්ලෙක්.
ඔත්තු බලන එක ගැන දන්නෙවත් නැති පොඩි කෙල්ලෙක්.
එයා ඔයාගෙ දුව හිදායත්.

නෑ එයා ඉන්දියානුවෙක්!

පුතේ,
මම කැමතියි ඔයා මගෙ තැන ගන්නවට.
ඉන්දියාවෙ ඇස් දෙකයි කන් දෙකයි වෙලා…
පාකිස්තානෙ ඉන්න.

තමන්ගෙ දේශය තරම් වෙන කිසිම දෙයක් වැදගත් නැහැ.
තමන්වත් නැහැ.
ඒක වැරැද්දක් නම්…
රට ආරක්ශා කරන්න පුත්තුන්ව හමුදාවට යවන එකත්….
වැරැද්දක් වෙන්න ඇති.

Meghna Gulzar ගේ අධ්‍යක්ශනයෙන් Vineet Jain, Karan Johar, Hiroo Yash Johar, Apoorva Mehta ගේ නිශ්පාදනයෙන් මේ චිත්‍රපටිය එලියට එන්නෙ 2018 මැයි මාසෙ 11 වෙනිදා. Harinder Sikka ගේ සත්‍ය සිදුවීමක් ඇසුරෙන් රචිත Calling Sehmat නම් කෘතිය පාදක කරගත් මේ කතාවෙ Alia Bhatt සමගින් Vicky Kaushal, Rajit Kapur, Shishir Sharma, සහ Jaideep Ahlawat රංගනයෙන් දායක වෙනවා. සංගීතය අධ්‍යක්ශනය කරන්නෙ Shankar–Ehsaan–Loy විසින්. ගි පද රචනය Gulzar. ගීත ගායනයෙන් Arijit Singh, Harshdeep Kaur, Vibha Saraf, Satyajeet Jena Shankar Mahadevan සහ Sunidhi Chauhan එක් වෙනවා.

2018 ජූූනිි මස පවැත්වුනු NBT Utsav Awards සම්මාන උලෙලේදී Alia Bhatt මේ චිත්‍රපටිය වෙනුවෙන් හොඳම නිලියට හිමි සම්මානය ලබා ගත්තා. ඒ වගේම Indian Film Festival of Melbourne හි හොඳම චිත්‍රපටිය, හොඳම අධ්‍යක්ශනය සහ හොඳම නිලිය වෙනුවෙන් නිර්දේශ වී තිබෙනවා. කෝටි 35ක වියදමින් නිපදවුනු මේ චිත්‍රපටිය දැනට කෝටි 193 ක ආදායමක් ලබා 2018 බොක්ස් ඔෆිස් වාර්තා අතර 5 වන ස්තානයේ රැඳී තිබෙනවා. ඒ වගේම කාන්තා චරිතයක් ප්‍රධාන කරගත් චිත්‍රපටි අතරින් මුල් ස්තානයක සිටිනවා.

ඉතින් බලන ගමන් කමෙන්ටුවක් දාන් යන්න අමතක කරන්න එපා. තවත් චිත්‍රපටියකින් හමු වෙමු.

 

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි Proper HDRip පිටපත් සඳහා ගැළපේ.

25,501 downloadsDownload Raazi-2018.zip45 KB

 

මේ ලබා දී ඇති සිංහල උපසිරැසි පිළිබද “දහරා මුතු අමා” සොහොයුරිට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2014-10-06
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.