Raya and the Last Dragon (2021) Sinhala Subtitles | රායා සහ අවසන් මකරා! [සිංහල උපසිරසි]

කොහොමද හැම කෙනෙක්ටම, ඔන්න 2021 වසරේ පලවෙනි පරිගණක සජීවිකරණ සිනමාපටය අරගෙන ආව. ඇත්තටම මේක එන්න තිබ්බේ 2020 වසරේ ඒත් කොරෝනා වසංගතය නිසා 2021 වසරට මේක කල් ගියා. එහෙම නම් සිනමාපටයේ විස්තර දිහාවට හැරෙමු.

රායා ඇන්ඩ් ද ලාස්ට් ඩ්‍රැගන් කියන්නේ Chicken Little (2005) සිනමාපටයෙන් පස්සෙ වෝල්ට් ඩිස්නි ඇනිමේශන් ස්ටුඩියෝවෙන් නිර්මාණය වෙන John Lasseter ගෙ කිසිම දායකත්වයක් නොලැබෙන පළමු සිනමාපටය වගේම Moana (2016) සිනමපටයෙන් පසුව ස්ටුඩියෝවෙ නිමවෙන පළමු සිනමාපටය මේක. imdb 7.7 අගයක් ලබාගන්න සමත් වෙච්ච මේ සිනමාපටයේ අධ්‍යක්ෂණය Winnie the Pooh (2011), Big Hero 6 (2014) යන සිනමාපට ද්විත්වයේ අධ්‍යක්ෂණයෙන් සහ Moana (2016) සිනමාපටයේ සම අධ්‍යක්ෂණය සඳහා දායක වෙච්ච ඩොන් හෝල් විසින්ද, සම අධ්‍යක්ෂණය Legion රුපවාහිනී කතා මාලාව සහ Blindspotting (2018) සිනමාපටය සඳහා අධ්‍යක්ෂණයෙන් දායක වෙච්ච කාලෝස් ලෝපෙස් එස්ට්‍රාඩා විසින් සිදුකරනවා. 

කතාව දිවෙන්නේ කුමන්ද්‍රා නමින් හදුන්වන ප්‍රදේශයක. ඉතිං මේ ප්‍රදේශය මොන වගේද කියල අදහසක් ගන්න මෙහි නිර්මාණ කණ්ඩායම තායිලන්තය, වියට්නාමය, කාම්බෝජය, මියන්මාරය, මැලේසියාව, ඉන්දුනීසියාව, පිලිපීනය සහ ලාඕසය කියන රටවල්වල දීර්ග සංචාරයක නිරත වෙලා තියෙනව. ඒ අය ඒ රටවල්වල පරිසරය ආශ්‍රයෙන් තමයි සිනමාපටයේ එන පරිසර පද්ධතීන් නිර්මාණය කරලා තියෙන්නෙ. ඒ කැපවීම නිසාම ඔයාලට ඇසට ප්‍රියහරිත වර්ණය පිරුණු පසුබිමක දිවෙන හරි අපුරු කතාවක් බලාගන්න ඉඩ ලැබෙනවා. ඉතිං කතාවේ ප්‍රධාන චරිතය වෙන රායාගෙ චරිතය සඳහා Kelly Marie Tran විසින්ද, සිසු සඳහා Awkwafina විසින්ද, ටුක් ටුක් සඳහා Alan Tudyk විසින්ද හඬ කැවීම් සිදුකරනවා. 

කතාව සිද්දවෙන්නේ මෙහෙමයි, කුමන්ද්‍රාව කියන්නෙ මකරුන්ගෙ මායාබලයෙන් සහ මිනිසුන්ගේ එකමුතුකමින් සමෘද්ධිමත්ව තිබුන රාජ්‍යයක්. මේ රාජ්‍යයට ඩෲන් නමින් හඳුන්වන උවදුරක් එනව. මේකට අහුවෙන හැම කෙනෙක්වම ගල් වෙනව. මායා බලැති මකරුන් මීට එරෙහිව සටන් කරනව. හැබයි ඔවුණුත් සටනින් පරාජය වේගෙන එනකොට සිසුදතු නමති මකරියක් තමන්ගෙ මායාබලය පාවිච්චි කරල මකර මාණිකයක් නිර්මාණය කරල මේ ඩෲන්ව පරාජයට පත් කරනව. ඒකෙන් පස්සෙ මකරු හැරෙන්න, ගල් වෙච්ච මිනිස්සු සේරම ආපහු යථා තත්වයට පත්වෙනව. හැබැයි ඩෲන් පරාජයට පත් කෙරුනට අර මකර මානික්‍යය බෙදාගැනීම වෙනුවෙන් ඇතිවෙන සටන නිසා කුමන්ද්‍රාව නමැති සමෘද්ධිමත් රජ්‍යය කැබලි 5කට කැඩිල වෙන් වෙනවා. ඒ මකරෙකුගේ තියෙන කොටස් පහක නමින්. ඒ අතරවාරයේදි සිසුදතු මකරියත් ලෝකයෙන් අතුරුදහන් වෙනවා. හැබයි මේ කතාව බොරුවක්.. ඇත්ත කතාව දැනගන්න නම් ඔයාට ෆිල්ම් එක බලන්නම වෙනව.

එහෙම නම් නැවතත්  උපසිරසියක් සමගින් හමුවෙමු. ජය! 🙂

 

 

බයිස්කෝප් සිංහලෙන් නිල ෆේස්බුක් පේජය සමග එක්වීමට  මෙතනින් පිවිසෙන්න.

බයිස්කෝප් සිංහලෙන් නිල ෆේස්බුක් ගෘප් එක සමග එක්වීමට මෙතනින් පිවිසෙන්න.

 

 

 

 

Due to copyright issues, We do not provide any torrent links.

මෙම ලබා දී ඇති උපසිරසිය WEB / Blu-Ray පිටපත්  සඳහා ලබා දි ඇත.

 

25,791 downloadsDownload Raya-and-the-Last-Dragon-2021-Blu-Ray.zip169 KB

 

මේ ලබා දී ඇති සිංහල උපසිරැසි පිළිබද “ශාන් විමුක්ති [විමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-27
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.