Sara’s (2021) Sinhala Subtitles | කසාදය පතං දරුවන් නොපතං..!! [සිංහල උපසිරසි]

ඇනා බෙන් කියන්නේ මලයාලම් සිනමා ප්‍රේක්ෂකයන් කාගෙත් හිත ගත්තු තරුවක්නේ. ඇනාගේ මේ වෙද්දී ආපු චිත්‍රපටි තුනම, ඒ කියන්නේ Kumbalangi Nights (2019), Helen (2019), Kappela (2020) කියන චිත්‍රපට තුනම මලයාලම් සිනමා රසිකයන්ගේ ප්‍රියතම චිත්‍රපට ගොන්නට එකතු වෙලා තියෙන බවට නම් සැකයක් නැහැ. ඉතින් රූපෙන් වගේම හැකියාවෙනුත් අඩුවක් නැති ඇනාගේ මීළඟ චිත්‍රපටිය එනකම් ඒ අය ඉන්න ඇත්තේ ඉවසිල්ලක් නැතුව. කාලෙකට කලින් ඇහැට ප්‍රිය පෝස්ටර් වගයක් එලිදැක්වුණා ඇනාගේ මීළඟ චිත්‍රපටිය ගැන ඉඟි පල කරගෙනම. දවසින් දවස ගෙවී ගිහින් ඒ චිත්‍රපටය ඔන්න ඇමසෝන් ප්‍රයිම් ඔස්සේ ප්‍රේක්ෂක ජනතාවට තිළිණ වුණා. අද අපි මේ සිංහල උපසිරැසිය අරගෙන එන්නේ ඇනා බෙන්ගේ අලුත්ම චිත්‍රපටියටයි. ඒ තමා සාරා’ස්.

ඇනාගේ කලින් චිත්‍රපට වලට වඩා වෙනස් චිත්‍රපටියක් තමා සාරා’ස් කියන්නේ. රොමෑන්ටික්|කොමඩි ගණයට තමා චිත්‍රපටය අයත් වෙන්නේ. ඇනාට අමතරව කවුරුත් දන්නා සනී වේන් ප්‍රධාන චරිතයෙන් සාරා’ස් එක්ක එකතු වෙනවා. ඉතින් මේ සාරා’ස් අධ්‍යක්ෂණය කරලා තියෙන්නේ ජූඩ් ඇන්තනී ජෝසප් කියන අධ්‍යක්ෂකතුමා. එහෙම කිව්වට වැඩක් නැත්තම් Ohm Shanthi Oshaana (2014) එකේ අධ්‍යක්ෂකමයි කියලා මතක තියාගත්තත් කමක් නැහැ. ඉතින් මේ සාරා’ස් වෙනුවෙන් ජාත්‍යන්තර සිනමා දර්ශකයේ 6.6ක අගයක් මේ වෙද්දී ලැබිලා තියෙනවා. කලින් කිව්වා වගේ ටිකක් වෙනස් විදිහක කතාවක්, අලුත් තාලේ කතාවක් කියලා තමා කියන්න පුළුවන්. Good Newwz (2019) කියන හින්දි චිත්‍රපටය බලලා තියේ නම් අන්න ඒ වගේ යන කතාවක් තමා මේක.

සාරා කියන්නේ කෙළිලොල් තරුණියක්. දැන් නම් චිත්‍රපට අධ්‍යක්ෂක කෙනෙක් වෙන්න හීන මවන තරුණියක්. සාරාට ප්‍රේම සම්බන්ධකම් නම් කිහිපයක්ම තිබුණා. ඒ හැම එකක්ම ටික කාලෙකින් බිඳිලා යන්නේ ජෝඩුව අනාගතේ ගැන කතා කරන්න ගන්න දවසෙමයි. ඔය අනාගත සැලසුම් ගහන අතරේ , ජෝඩුවගේ අදහස් එක තැනක හිර වෙනවා. ඒ හිරවිල්ල කොච්චරද කියනවා නම් කොල්ලා ආයේ සාරාගේ පැත්තවත් නොබලා මුළු ප්‍රේම සම්බන්ධෙටම ආයුබෝවන් කියලා යන්න යනවා. ඔහොම තමා සාරාගේ හැම ප්‍රේම සම්බන්ධයක්ම ඉවර වෙන්නේ. මොන තරම් සම්බන්ධකම් කැඩුනත් සාරාට නම් ඕවා ගාණක්වත් නැහැ. තමන්ගේ මතය කොයි වෙලාවකවත් වෙනස් නොකරන සාරාට තිබ්බේ එකම හීනයයි. ඒ තමන්ගේ වෘත්තීය ජීවිතේ හැඩගස්සාගන්න එක. ඔය අතරේ තමයි සාරාට අමුතු කෙනෙක්ව මුණගැහෙන්නේ. ඊට පස්සේ මොකද වෙන්නේ කියලා දැනගන්න සාරාගේ මේ පැටිකිරිය බලන්න කියලා ආරාධනා කරනවා.

ඉතින් සුභාෂිණි අක්කා එක්ක මමත් මේ උපසිරැසියට සම්මාදම් වුණා. සුභාෂිණි අක්කා මේ උපසිරැසියේ එයාගේ කොටස ඉවර කරලා දැන් සතියකටත් ආසන්නයි. මට පින් සිද්ධ වෙන්න තමා මේක මෙච්චර දවසක් ඇදුනේ. ඒ වෙනුවෙන් අක්කා ඇතුළු හැමෝගෙන්ම සමාව ඉල්ලනවා. එහෙනම් අපි යනවා. ජයවේවා හැමෝටම. ඉදිරි දවසක මුණගැහෙමු.

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HD පිටපත සඳහා අදාළ වේ.

8,048 downloadsDownload Saras-2021.zip55 KB

මේ ලබා දී ඇති සිංහල උපසිරැසි පිළිබද “ මයුර සුරාජ්” සොහොයුරාට සහ “රේණුකා සුභාෂිණි” සොහොයුරිට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

 

Subtitle Contributor Rank
PLATINUM MEMBER
JOINING DATE – 2014-01-28
SUB MAKER RATING BY ADMINS

 

Subtitle Contributor Rank

SILVER MEMBER
JOINING DATE – 2020-02-12
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.