Sex Drive (2008) with sinhala subtitles | වැලක් නෙමෙයි එළ කොමඩියක් [සිංහල උපසිරසි සමඟ] [18+]

හොඳයි, ඔන්න ආයෙත් උපසිරැසියක් අරගෙන ආවා. මේක මම කරන්න භාර අරගෙන ටික දවසක් වෙනවා. වැඩේ ටිකක් පරක්කු වුනා මොකද මේ ෆිල්ම් එකේ ගොඩක් කුණු හරප වචන වැඩියි. ඒවා තෝරලා බේරලා දාන්න ගිහාම වෙලාවක් යනවා. අනික අදාල වචනේ අදාලම තේරුම සිංහලෙන් ඒ විදියටම මට දෙන්න අපහසු වුනා. ඒ කියන්නේ කුණු හරප වචන. ගොඩක් පරිස්සම් වුනා ඒවට සිංහල කරනකොට. හරිම තේරුම ඉතින් දෙන්න පුළුවන් ඒ වුනාට ඒක සිංහලෙන් හුඟක් කැත අදහසක් එන හින්දා ඒවට එහෙම දැම්මේ නෑ. තව මේකේ Timeline file එක ගැන කතා කරනවා නම් කියලා වැඩක් නෑ. මට මුල ඉඳන් Timing තැන් තැන් වලින් අතින් හදන්න වුනා. තනි ලයින් එකේ තියෙන්න ඕනේ වචනේ ලයින් දෙකකට ගහලා තිබුනා, ඒ නිසා කියවන කෙනාට ඒක අපහසුයි. ටක් ටක් ගාලා ලයින් යනවා. මේ නිසා මම ඒ තැන් තනි ලයින් එකකට දාලා හැදුවා. තවත් සමහර තැන් ටික වෙලාවයි දිස් වෙලා තියෙන්නේ. ඒවයේ දිස් වෙලා තියෙන්න ඕනේ වෙලාව තරමක් දික් කරා. මෙන්න මේ හේතු නිසයි මේක කරන්න යම් කාලයක් ගත වුනේ. මේකට Timeline අලුතෙන්ම හදන්න වුනා නම් මට මේක ලබන මාසේ තමයි දෙන්න වෙන්නේ 😊 කොහොමහරි ඔයාලගේ රස වින්දනයට බාධා වෙන්නේ නැති වෙන්න මම මේක හුඟක් මහන්සි වෙලා ගුණාත්මකව සාර්ථකව කරලා නිම කරා. ආ… ඒ වගේම කියන්න තව දෙයක් තියනවා, මේ චිත්රපටිය කලින් බයිස්කෝප් අඩවියේ ලිපියක් විදියට පමණක් දාලා තිබුන එකක්. මම දැක්කා ගොඩක් අය මේකට සිංහල උපසිරැසි ඉල්ලලා තිබුනා. හොඳයි එහෙනම් ඔන්න මේක ඔයාලටයි.

Sex Drive 2008 වර්ෂයේ නිකුත් වුන ඇමරිකන් Comedy චිත්රපටියක්. මේක අයත් වෙන්නේ Road Sex Comedy/ Coming of age/Teen film යන ගණයන් වලටයි. මේ චිත්‍රපටයේ ධාවන කාලය පැය 2යි විනාඩි 9ක් තරම් දිගු වේලාවක් දිව යනවා. Box Office වාර්තා තියන්නත් මේ චිත්රපටියට සමත් වෙලා තියනවා, ඒ ඇමරිකානුඩොලර් මිලියන 18.8ක්. මේ චිත්රපටිය නිකුත් වෙලා තියෙන්නේ 2008 ඔක්තෝම්බර් 18 වෙනිදා. මේක අධ්යක්ෂනය කරලා තියෙන්නේ Sean Anders. මැන්ටල්බයිස්කෝප් වලට අධිපති.  

මේ ඇවිල්ලා Sean Anders අධ්යක්ෂනය, තිර රචනය සහ නිෂ්පාදනය කරපු ෆිල්ම් ටිකක්,

• Never Been Thawed (2005)
• Playing Chicken (2007)
• Sex Drive (2008)
• Hot Tub Time Machine (2008)
• She’s Out of My League (2010)
• That’s My Boy (2012)
• We’re the Millers (2013)
• Horrible Bosses 2 (2013)
• Dumb and Dumber To (2014) (මේක නම් පට්ටම කොමඩියක් )
• Daddy’s Home (2015)
• Daddy’s Home 2 (2017)

මේක මෙයාගේ ඉස්සරහට එන්න තියන එකක්

• Instant Family (2019)

ඒ වගේම මෙයාට නංගී කෙනෙක් ඉන්නවා එයා නිළියක්. මේ ෆිල්ම් එකේ පොඩි කෑල්ලකට එයත් ඉන්නවා. හරි එහෙනම් දැන් වෙන කතා ඇති. මං ඔයාලට මේ ෆිල්ම් ගැන බොහොම කෙටියෙන් ටිකක් කියන්නම්. ඉයන් කියලා වයස 18ක කොල්ලෙක් ඉන්නවා. මේ කොල්ලා කිසිම දවසක කෙල්ලෙක් එක්ක යාළු වෙලා එහෙම මුකුත් කරලා නෑ. මොකද මිනිහට කෙල්ලෙක්ව දාගන්න තරම් ගැම්මක් නෑ. කැතයි නෙමෙයි. කොල්ලා ලස්සනයි. ඒ කියන්නේ ටෝක් කරලා දාගන්න එහෙම ඒ හැටි තේරුමක් නෑ, ළාමක ගතිය. ඉයන් ට ඉන්නවා ලොකු අයියා කෙනෙකුයි මල්ලි කෙනෙකුයි හැබැයි ඒ දෙන්නා මෙහෙම නෑ. ඉයන්ගේ පොඩිම 14 මල්ලිටත් හිටං ඉන්නවා ඉයන්ගේ වයසෙම 18 කෙල්ලෙක්  ඉතින් මේ වගේ දේවල් නිසා ඉයන් හුඟක් අපහසුතාවයට පත්වී සිටින චරිතයක්. විශේෂයෙන්ම ඉයන්ගේ ලොකු අයියා ගැන කියන්න ඕනේ,  මිනිහා පිස්සු විකාර වැඩ නිතරම තමන්ගේ මල්ලිට කරන හෙන අසහනකාරි චරිතයක්.

ඒත් පොඩි මල්ලිට මිනිහා එහෙම කරන්නේ නෑ. ඉයන්ට විතරයි කරන්නේ. මොකද ඒ තාම ඉයන් කෙල්ලෙක් දාගෙන නැති හින්දා. දවසක් ඉයන් අන්තර්ජාලයෙන් යාළු වෙලා ඉන්න ඇහටවත් දැකලා නැති පින්තූරෙකින් විතරක් දැකලා තියන හුඟක් ලස්සන කෙල්ලෙක්ව හම්බ වෙන්න යන්න තීරණය කරනවා තමන්ගේ අයියා පණ වගේ ආදරේ කරන වාහනෙත් හොරෙන් උස්සගෙන. මේ ගමනට ඉයන්ගේ හොඳම යාළුවෝ දෙන්නෙකුත් එකතු වෙනවා. ඒ කොල්ලෙකුයි කෙල්ලෙකුයි. මෙයලට මේ ගමන අතරතුර දි කරදර ගොඩකට මූණ දෙන්න සිද්ද වෙනවා. ඒ වගේම තව පුංචි මතක් කිරීමක් කරන්න ඕනේ ඔයාලට මේ ෆිල්ම් එක ගැන. ඒ තමයි මේ ෆිල්ම් එකේ අතරින් පතර සම්පූර්ණයෙන්ම නිරුවතින් කිසිම තේරුමක් නැතුව කතාව යන අතරතුරේ කාන්තාවන් එහාට මෙහාට යනවා. ඒ නිසා පරිස්සමෙන් බලන්න. ඒක ඇවිල්ලා මේක අධ්‍යක්ෂනය කරපු Sean Anders සහ නිෂ්පාදක John Morris ගෙයි පිස්සු විකාර අදහසක් නරඹන්නන්ට අලුත් විදියේ අසහනකාරි  අත්දැකීමක් ලබා දෙන්න උත්සහා කරපු. කතාව පටන් ගන්නකොටම මෙයාලා මේ ගැන කියනවා. ඒක හරි හැටි තේරුම් ගන්න කියලා මම ඔයාලගෙන් ඉල්ලනවා

2009 සැප්තැම්බර් 5 පළ කළ ලිපිය.

මේ කියන්න යන්නෙ මම කලින් දීපු Accepted (2006) හා Old School (2003) වගේ චිත්‍රපටි ප්‍රිය කරපු හැමෝටම හොද ආරංචියක්..IMDB රේටින්ග්ස් වල 6.9/10 ලබාගෙන තියෙන මේ චිත්‍රපටිය තරුණ හැමෝටම අල්ලල යයි කියල හිතනව..
මෙන්න මෙහෙමයි චිත්‍රපටියේ කතාව යන්නෙ..
එක්තරා තරුණයෙක් ඉන්නව ගැහැණු ළමුන් යාලු කරගැනීම අතින් බොහොම දුර්වල මට්ටමක සිටින..දවසක් අන්තර්ජාලයෙන් ඔහුට හම්බෙනව ගෑණු ළමයෙක්..මේ දෙන්න කාලයක ඉදන් චැට් කරනව..අපේ කතා නායකයගෙ අයියයි මල්ලියි නම් ඔහුට වඩා සම්පූර්ණයෙන් වෙනස්..ඔවුන් හොදටම පිස්සු නටන කට්ටිය..මේ තරුණයාගෙ යාලුවත් එහෙමයි..හොදටම විනොදයෙන් කල් ගෙවනව..
දිනක් මේ තරුණය තීරණය කරනව අන්තර්ජාලයෙන් චැට් කරන කෙල්ලව හම්බවෙන්න යන්න..ඔහු තමන්ගෙ අයිය පණ වගේ ආරක්ෂා කරන කාර් එක හොරකම් කරගෙන ගමන යන්න පිටත් වෙනව ඔහුගේ යාලුවන් දෙදෙනත් එක්ක (කොල්ලෙක් සහ කෙල්ලෙක්)..බලන්නකො මේ ගමනෙදි කස්ටියට මොකද වෙන්නෙ කියල..
හොදටම හිනා යන රසවත් චිත්‍රපටියක්..අනිවා බලන්න.. 

 

 

 

Due to copyright issues, we do not provide any torrent links.

 මෙම ලබා දී ඇති උපසිරසි Bluray පිටපත් සඳහා අදාළ වේ.

18,398 downloadsDownload Sex-Drive-2008.zip69 KB

 

https://d36zzuvfojr38z.cloudfront.net/wp_content/uploads/2016/12/UDshehan1-e1480895738302.png මේ ලබා දී ඇති සිංහල උපසිරැසි පිළිබද “UD Shehan” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2016-12-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.