Daddy’s Home 2 (2017) Sinhala Subtitles | තාත්තලගෙත් තාත්තලා! [සිංහල උපසිරැසි සමඟ]

කට්ටියව ටිකක් පමාවෙලා මුනගැහෙන්න තමා ආවේ. මොකද මේක ඇවිත් දැන් සති දෙකකට වැඩි කාලයක් ගතවුනා. කොහොමවුනත් පමාවෙලා හරි ඔන්න පවුල් හුටපටයේ දෙවෙනි සෙල්ලම අරගෙන තමා ඇවිත් තියෙන්නෙ. 2015 වසරේ නිකුත්වුන මෙහි පලමු චිත්‍රපටය ලබාගත් සාර්ථකත්වය නිසා මේ විදියට මෙහි දෙවෙනි කොටස නිකුත්වුනේ පසුගිය වසරේ නොවැම්බර් 10 වෙනිදා. පලමු චිත්‍රපටය වගේම මෙයත් ආදායම් අතින් වගේම ලබාගත් අගයන් අතිනුත් සාර්ථකයි කිව්වොත් නිවැරදියි. Imdb 6ක අගයක් විදියටයි එය සටහන් වෙන්නෙ. රංගනයෙන් සුපුරුදු පරිදි බ්‍රැඩ් විදියට, Will Ferrell,ඩස්ටි විදියට, Mark Wahlberg දායක වෙනවා. කලින් කිව්වා වගේ මේ පාර පවුල් හුටපටයට ඔන්න තාත්තලාගෙ තාත්තලත් එකතුවෙනවා. ඒ කිව්වෙ බ්‍රැඩ්ගෙයි ඩස්ටිගෙයි තාත්තලා. බ්‍රැඩ්ගේ තාත්තා වන ඩොන් විදියට, John Lith gow,සහ ඩස්ටිගේ තාත්තා වන කර්ට් විදියට, Mel Gibson එකතුවෙනවා. ඒවගේම කලින් එකේ අන්තිමට දැක්කනේ සුපිරි රෙස්ලින් ක්‍රීඩක John Cena.ඔන්න මේකෙ Cena කාරයත් ඉන්නවා ඈ. ඔන්න මේකත් කියන්න ඕනෙ. දැනටමත් කලින් එක නොබලා මේ ලිපිය කියවන අයට මංඥං වගේ ඇති නිසා. මේකෙ පලමු එක නොබලා මේක බැලුවට කතාව රසවිදින්න බෑ. මොකද චිත්‍රපට දෙක සම්බන්දයිනෙ කොහොමත්. ඒ නිසා කොමඩියක් බලන්න කැමති, පලමු චිත්‍රපටිය නොබැලුව හැමෝටම කලින් එකත් බලලා මේකත් බලන්න ආරාධනා කරනවා. පලවෙනි එක බැලුව ඈයොනම් මේක නොබලන්නෙ නෑ.

මේ පාර වෙන්නෙ මේකයි, බ්‍රැඩුයි ඩස්ටියි දෙන්නම දැන් ඔන්න නීතියෙන් තාත්තලා වෙලානෙ ඉන්නෙ. දෙන්නටම දැන් ඉතින් ඒකෙ රඟේ තේරෙනවා. දෙන්නත් ඉතින් රණ්ඩු නොවී රණ්ඩු වෙවී ඉන්නවා. ඉතින් ඔන්න දැන් නත්තල ලංවෙලා. නත්තල නිසා බ්‍රැඩ්, ඩස්ටි ඇතුළු පවුලේ කට්ටියත් එක්ක එකතුවෙන්න එන්නෙ වෙන කවුරුවත් නෙමෙයි, බ්‍රැඩ්ගෙයි ඩස්ටිගෙයි තාත්තලා දෙන්නා. ඩස්ටි තාත්තාව හම්බවෙන්නෙ අවුරුදු 5කට පස්සේ. ඩස්ටි තාත්තත් එක්ක වැඩිය හිත හොදින් නෙමේ ඉන්නෙ. බ්‍රැඩ් ගැන කිව්වොත් හරියටම ඒකෙ අනිත් පැත්ත. දෙන්නා හම්බෙනකොටම ලොකූ උම්ම එකක් දීලා තමයි පටන්ගන්නෙ. ඩස්ටිගේ තාත්තා ඩස්ටි වගේම සෙල්ලක්කාර ඩයල් එකක්. හැට පැන්නත් නාකි වෙන්නෙ නෑ ටයිප් එකේ. බ්‍රැඩ්ගේ තාත්තා බ්‍රැඩ් වගේමයි ඉතින්. අමුතුවෙන් කියන්න ඕන නෑනෙ. 🙂 ඉතින් මේ දෙන්නත් ආවට පස්සේ සිද්ධවෙන ජරමර තමා කතාවෙ තියෙන්නෙ. වැඩි කතා ඕන නෑ. මේ කට්ටිය එකතුවෙලා නත්තල ගතකරන්නෙ කොහොමද කියලා පැය එක හමාරක් විතර කාලයක හැම විනාඩියක් පාසාම හිනාවෙන ගමන් බලාගන්න පුළුවන්. කුණුහරුප කොමඩි වලට වඩා කතා අනුසාරයෙන් කතාවෙන් සහ සිදුවීම් වලින් ඉදිරිපත් කරන කොමඩි තමයි වැඩිහරියක් තියෙන්නෙ. හැබැයි මං මෙතන කුණුහරුප කොමඩි කියලා ඒවා විවේචනය කරන්නෙ නෑ. මොකද මමම ඒ වගේ “කුණුහරුප කොමඩි” කියලා කියන්න පුළුවන් ඒවා උපසිරැසි කරල තියෙනවා. නමුත් මෝඩ ජෝක් නැතුව හිනාවෙන්න පුළුවන් කොමඩියක්නම් මම “කුණුහරුප කොමඩි” කියලා ලේබල් කරන්නෙ නෑ. මේකනම් කොහොමත් ඔන්න ඔය ලේබලේට වැටෙන එකක් නෙමෙයි කියලා තමයි කියන්න ඕනවුනෙ. මදැයි ඉතින් ඔය නේද? බ්ලූරේ කොපිමනෙ තියෙන්නෙ. දැන් ඉතින් බැලිල්ලක් තමා. යමින් ගමන කමෙන්ටුවකුත් කොටාගෙන ගියානම් අහවරයි නේද? එහෙනම් නැවත මුණගැහෙනතුරු ගිහින් එන්නම්! හැමෝටම ජයවේවා!!

 

 

Due to copyright issues, we do not provide any torrent links.

මෙම ලබා දී ඇති උපසිරැසි BR පිටපත් සඳහා අදාළ වේ.

13,149 downloadsDownload Daddys-Home-2-2017.zip78 KB

https://d36zzuvfojr38z.cloudfront.net/wp_content/uploads/2016/07/PicsArt_06-30-06.43.51-e1467617954896.jpg මේ ලබා දී ඇති සිංහල උපසිරැසි පිළිබද “ඉසුරු දිල්ශාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

GOLD MEMBER
JOINING DATE – 2015-06-21
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.