The Roundup: Punishment (2024) Sinhala Subtitles | වරදට දඩුවම.. [සිංහල උපසිරසි] (50)

 

The Roundup: Punishment (2024) Sinhala Subtitles

2016 වසරේ හවස් වරුවක Mr. & Mrs. Smith 2005 චිත්‍රපටයේ srt file එකේ සුළු වෙනස්කමක් කරලා ඒ ආසාව ගිය දුරේ අවසානයේ තමයි අද මම මේ නැවතිලා ඉන්නෙ. මගේ මුල්ම නිර්මාණය වුනේ 2017 වසරේ Sweet November (2001) චිතරපටයට ඉදිරිපත් කල සිංහල උපසිරසියයි. එතනින් නොනැවතී වසර 7 ක් පුරාවට ඔබ හමුවට උපසිරසි රැගෙන ඒමට මාහට හැකිවුනා. ඇත්තටම කිසිදු ලාභ ප්‍රයෝජයක් නොමැතිව මේ දක්වා උපසිරසිකරනයේ යෙදුනේ ඔබගේ සතුට වෙනුවෙන්මයි.. ඩවුන්ලෝඩ්ස් අඩු වුනත් අලුතින් රිලීස් වෙන චිත්‍රපට වලටත් වඩා අපට මඟ හැරී ගිය විශිෂ්ඨ චිත්‍රපට වලට උපසිරසි සෑදීමට මා උනන්දු වුනේ ශ්‍රීලාංකික ප්‍රේක්ෂකයින්ගේ චිත්‍රපට රසවින්දනය පුළුල් කිරීමේ අරමුනින්මයි. එහිදී මා අතින් විවිධ භාෂා 5 කට අධික ප්‍රමානයක චිත්‍රපට සිංහලට පරිවර්තනය කර ඇත..

ඒ වගේම 50 වෙනි උපසිරසිය පලකරන අවස්ථාවේදී විශේෂයෙන්ම මතක් කල යුතු බයිස්කෝප් මහගෙදර සගයින් කිහිපදෙනෙක්ම සිටී. විශේෂයෙන්ම අශාන් විමුක්ති සහෝදරයා නැතහොත් අපි කවුරුත් දන්න “විමා” උපසිරසියක් ලබා දීමේ සිට පල කිරීම දක්වා ක්‍රියාදාමයේදී මාහට කල උදව් උපකාර විශේෂයෙන් මතක් කරනවා.. ඒ වගේම බයිස්කෝප් ඇඩ්මින් මඩුල්ලේ හසන්ත අයියා, රොයිලි සහෝදරයාවත් ආදරයෙන් මතක් කිරීමට මා මෙය අවස්ථාව කරගන්නවා.. මාගේ උපසිරසි ගමනේ විශේෂ කඩයිමක් වූ ලංකාවේ පලවෙනි වතාවට තුර්කි කතාමාලාවක් සදහා උපසිරසි ලබා දීමේදී මාහට සහය වූ මයුර සුරාජ්, පූ, හෙලලි, යසිරු ඇතුළු සහෝදර කැල ආදරයෙන් මතක් කරනවා.. විශේෂයෙන්ම ඔලිව සහෝදරයාවත්
රවිදු සහෝදරයාවත් මතක් කරන අතර, නම් කියූ නොකියූ බයිස්කෝප් පවුලේ සියලු දෙනාටත් විශේෂයෙන් මාගේ උපසිරසි නැරඹූ ඔබටත් හදවතින්ම ආදරෙයි..

ඔන්න එහෙනම් The Roundup සීරීස් එකේ අළුත්ම කොටසට පරක්කු වෙලා හරි උපසිරසි දෙන්න තමයි මේ සූදානම් වෙන්නෙ.. ෆිල්ම් එකේ හොද කොපියක් රිලීස් වෙලා ටික කාලයක් ගිහිල්ලා.. එදිනෙදා රාජකාරි වැඩ නිසා සෑහෙන්න පරක්කු වුනා. ඉතින් ඒ පරක්කුවට මම ඔයාලගෙන් වගේම ඇඩ්මින් මඩුල්ලෙනුත් සමාව ඉල්ලනවා…

The Roundup සීරීස් එක ගැන නොදන්න කෙනෙක් නැති තරම්නෙ. ඒකට ප්‍රධානම හේතුව වුනේ මේ සීරිස් එක පුරාවටම තියෙන තාත්වික සටන් වගේම අමතක කරන්න බැරි අපේ “තඩියා” Ma Dong-Seok ප්‍රධාන නළුවා ලෙස එක්වීම කියලා මම හිතනවා.. The Outlaws 2017, The Roundup 2022, The Roundup:No Way Out 2023 චිත්‍රපට කතා තේමාවන් තුනක් ඔස්සෙ ගලාගෙන ගිය අතර The Roundup: Punishment (2024) චිත්‍රපටයද වෙනස්ම කතා තේමාවක් ඔස්සේ ගලාගෙන යනවා.. එනිසා කලින් චිත්‍රපට නොබැලුවාට එය මේ චිත්‍රපටය රසවින්දනයට නම් කිසිම බාධාවක් වෙන්නෙ නැහැ..

The Roundup: Punishment (2024) චිත්‍රපටය Heo Myung-haeng ගේ අධ්‍යක්ෂනයක් වන අතර Ma Dong-Seok දොන් සුක් ලෙසත් Kim Mu-yeol බේක් චන්ග්-ගි ලෙසත් ප්‍රධාන චරිත වලින් දායක්වත්වය
ලබා දෙනවා. 2024 අප්‍රේල් 24 වන දින ලොව පුරා තිරගතවීම ඇරඹි මෙම චිත්‍රපටය මේ වන විට ඇ.ඩො, මිලියන 72 ක් ලබා ගැනීමට සමත් වී තිබෙනවා. ඒ වගේම IMDB 6.7 කුත්, Rotten Tomatoes 90% ක අගයකුත් වාර්තා කරගෙන තිබෙනවා.. මෙවර චිත්‍රපටයට පසුබිම් වෙලා තියෙන්නෙ, 2018 වසරේ කොරියාවේදී හා පිලිපීනයේදී සිදුවූ සත්‍යය සිදුවීමක්..

මා දොන් සුක් මේ පාර මැදිහත් වෙන්නෙ අතින් පයින් විතරක් නෙමෙයි තාක්ෂණික පැත්තෙනුත් ඉදිරියට ගිය අපරාධයක සුලමුල හොයන්නයි. පිලිපීනය පසුබිම් කරගෙන නීති විරෝධී ඔන්ලයින් කැසිනෝ ව්‍යාපාරයක් කරගෙන යන කෝටිපති කොරියානු ව්‍යාපාරික ජැන්ග් ඩොන්ග්-චියොල් ඔහුගේ සහචරයන් ලෙස කොරියානු විශේෂ හමුදා බලඝනයෙන් නෙරපා දැමූ සෙබළුන් දෙදෙනෙකුද හවුල් කරගන්නවා. මිනිසුන් බලෙන් පැහැරගෙන ගොස් සේවයේ යොදවමින් කරගෙන යන මෙම ව්‍යාපාරයෙන් බේරී පලායමින් සිටි සොන්ග්-ජේ, බේක් චන්ග්-ගි ගේ පිහි පහරකින් දිවි අහිමි වනවා.. මේ කල්ලියේ තර්ජනය ඉව වැටෙන මා දොන් සුක් ඇතුළු සියොල් අපරාධ විමර්ෂණ කණ්ඩායම මෙහි විමර්ෂණ කටයුතු භාරගන්නවා. ඉතින් මේ පැටළුනු ඩිජිටල් අපරාධ නූල් බෝලය දොන් සුක්, මන් ජේ ඇතුළු කණ්ඩායම කෙසේ විසදයිද..

ඉතින් ක්‍රියාදාම වලට ලැදි චිත්‍රපට රසිකයින්ට කුතුහලය හා හාස්‍යයද මැනවින් මුසුවූ The Roundup: Punishment චිත්‍රපටය නරඹන්න ආරාධනා කරමින් 50 වෙනි උපසිරසියෙන් මා උපසිරසිකරනයට සමුදෙනවා.. ඔයත් මගේ සබ් එකක් බලලා රසවිදලා තියෙනවා නම් අදහසක් පලකරගෙන යන්න කියලා ඉල්ලනවා. ඒක මට ලොකු සතුටක් වෙයි මාගේ පැමිණි ගමන් මග ගැන ආපහු හැරී බලද්දි..

එහෙනම් චිත්‍රපටිය රසවිදින්න අරාධනා කරමින් මා සමුගන්නවා, ඔබ සැමට සුභ අනාගතයක්…

මනාපය පලකරන ආකාරය දැනගැනීමට මෙතැනින් පිවිසෙන්න.

Due to copyright issues, we do not provide any torrent links.

මෙම ලබා දී ඇති උපසිරසිය WEB පිටපත සඳහා පමණක් ලබා දි ඇත.

9,633 downloadsDownload The-Roundup-Punishment-2024-Sinhala-Subtitles.zip43 KB

මේ ලබා දී ඇති සිංහල උපසිරැසි පිළිබද “ඉෂාන් මධුෂංක(ඉෂූ)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
SILVER MEMBER
JOINING DATE – 2017-06-09
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

The Roundup: Punishment (2024) Sinhala Subtitles