Game of Thrones [S8E01 – Winterfell] Sinhala Subtitle (18+) | හමුවීම්, හමුවීම්, හමුවීම්… [සිංහල උපසිරැසි සමඟ]

අවුරුදු දෙකක කාලය ගෙවී ඔන්න දීර්ඝ රැය එළඹුණා. පුරා අදියර හතක් පහුකරලා අට වෙනි අදියරෙන් ලෝකයේ ඉහළම ප්‍රේක්ෂක ආකර්ෂණයක් දින්න මේ කතා මාලාව අවසාන කරන්න ඔවුන් සූදානම්. ඉතින් රසික ඔබත් මඟ බලාගෙන සිටි මේ කතාමාලාව එහෙම නිකන්ම අවසාන කරන්න අපි සූදානම් නෑ. බයිස්කෝප් අඩවියේ ඔබ වෙත පිරිනැමූ පළමු රූපවාහිනි කතා මාලාව විදියට අප සුදානම් ඔබට ත්‍යාගයක් ලබාදෙන්න.

වැඩේ වෙන්නෙ මෙහෙමයි. අපි උපසිරැසිය ලබාදෙනකොට ඔබගෙන් පැනයක් අහනවා. ඊට පාදක කරගන්නෙ තරිඳු සහෝගේ වීඩියෝවකින් හෝ නෙරංජි නගාගේ අගනා ලිපියකින්. ඔබට තියෙන්නෙ හරි උත්තරය හොයාගෙන මේ ලිපියට පහළින් කමෙන්ට් කරන එකයි. ලැබෙන්නේ පෝස්ට් එක පළවී පළමු පැය 24 ක කාලයක් පමණයි. ඒ කාලය ඇතුළත ලැබෙන නිවැරදි කමෙන්ට් අතරින් අපි අහඹු ලෙස දෙදෙනෙක්ව තෝරලා, ජයග්‍රාහකයාව කමෙන්ට් කිරීමට පාවිච්චි කළ ඊමේල් එක ආධාරයෙන් සම්බන්ධ කරගෙන අදාළ ත්‍යාගය පිරිනමන කටයුතු සම්බන්ධීකරණය කරගන්නවා. තෑග්ග GOT ටීෂර්ට් එකක්. ඊට අදාල කටයුතු විනිවිද භාවයකින් යුතුව හැමෝටම පෙනෙන්නට සලස්වන්න අපි සූදානම්.

අද අහන පැනය : තරිඳු සහෝගේ අදහසේ හැටියට බ්‍රෑන් ස්ටාක් අවසානේ කවුරු වීමටද වැඩි ඉඩක් තියෙන්නේ? නිවැරදි පිළිතුර : Three-Eyed Raven

පාදක කරගත වීඩියෝව හෝ ලිපිය : මෙතනින් බලන්න.

නිවැරදි පිළිතුරු දුන්න 226 දෙනෙක් අතරින් ජයග්‍රහණය ලබන්නේ…
1. Shan කමෙන්ට් අංක 777060
2. Prakash Rangana කමෙන්ට් අංක 776752..
දිනුම් ඇදීමේ අවස්ථාව මෙතනින් බලන්න.

ජයග්‍රාහකයින් දෙදෙනාට සුබ පතන ගමන්ම අපි එව්ව ඊමේල් දෙකට හැකි ඉක්මනින් ප්‍රතිචාර දක්වන මෙන් ඉල්ලා සිටිනවා.

 

හරි එහෙනම් වෙනද වගේම අපි මීට කලින් විකාශය වූ කොටස ගැන පොඩ්ඩක් මතක් කරගමු.

 

කිංග්ස් ලෑන්ඩින් වලදී. (සිතියමේ අංක 04 )

 

ජොන්, ඩැනී හා පිරිස විසින් සර්සි හා පිරිස වෙත මළ ඇවිදින සොල්දාදුවෙක්ව පෙන්වනවා. ඔවුන් අතර යුද්ධයට වඩා එළඹෙන මහා යුද්ධයේ රඟ ඔවුන්ට දකින්න සලස්වනවා. හැබැයි සර්සිට අවශ්‍ය වන්නේ ජොන් ඇයට පක්ෂපාත වන බවේ දිවුරුමක්. නමුත් ජොන් එය ප්‍රතික්ෂේප කරනවා වගේම ඔහු දැනටම ඩැනීට දණ නැමූ බව පවසනවා. තීරණයක් නැතුව අවසන් වන හමුව ට්රියෙන්ගේ මැදිහත් වීමෙන් සාර්ථක වන බව පෙනෙනවා. ට්රියෙන් හා සර්සි එකඟ වූ කාරණා අවිනිශ්චිතයි. සර්සි පොරොන්දු වෙනවා තම හමුදාවත් වින්ටර්ෆෙල් වෙත එවන්න.

හැබැයි සර්සිගේ බොරුව එළිවන්නෙ පස්සෙන් පහුයි. ජේමිගේ අප්‍රසාදයට හේතුවන ඒ කාරණය නම්, යූරෝන් කලින් හමුවෙන් බියවී පලායන බවක් අඟවා ගමන් කරන්නෙ රන්වන් බලකාය රැගෙන ඒමටයි. සර්සි එකදු හමුදා භටයෙක්වත් උතුරට යවන්න සූදානම් නැහැ. සර්සිගේ විරෝධය හමුවේ ජේමි තනිව උතුර බලා ගමන් අරඹනවා.

ඩ්‍රැගන්ස්ටෝන් හිදි. (සිතියමේ අංක 03 )

සර්සිගේ ද්‍රෝහී විම හැම කිසිත් නොදන්නා ඩැනී තම හමුදා උතුරට ගෙන යන විදිය කල්පනා කරනවා. ජොරා ඇයව ඝාතනයට ලක්වීමට ඇති හැකියාව සලකා මකරුන් පිට යන්න අවවාද කළත් ඇය ජනතා සහය ස්ථීර කරගැනීමේ අරමුණෙන් ජොන් හා සමඟ මුහුදෙන් යෑමට තීරණය කරනවා. මේ අතර යාරාව බේරාගැනීමට ඉතිරි අයන්බෝන් වැසියන් ටික දෙනාද සමඟ තියොන් පිටත් වෙනවා. මේ අතර පසුව මුහුදේ ගමන් කරන අතරතුර ජොන් හා ඩැනී අතර ලිංගික එක්වීමක් සිදුවෙනවා.

වින්ටර්ෆෙල් හිදී (සිතියමේ අංක 02 )

ලිට්ල්ෆින්ගර් විසින් සන්සා එක්ක ආර්යා ගැන කතා කරනවා. ඔහු හදන්නේ සන්සා ලව්වා ආර්යාව ඝාතනය කරවීමටයි. පසුව ඔහුටත් හිතාගන්න බැරි විදියට, සන්සා ලිට්ල්ෆින්ගර්ට විරුද්ධව නඩු විභාග කොට ආර්යා ලව්වා ඔහුට මරණ දණ්ඩනය දෙනවා.

මේ අතර සෑම් වින්ටර්ෆෙල් පැමිණ බ්‍රෑන් මුණ ගැහෙනවා. ඒ වගේම ජොන් ගේ සැබෑ මව්පියන් ගැන හා ඔහුට ඇති සිංහාසන උරුමය ගැන ඔවුන් තහවුරු කරගන්න සමත් වෙනවා.

මුහුද අසබඩ නැගෙනහිර බලකොටුව (සිතියමේ අංක 01 )

නිශාචර රජුගේ නායකත්වයෙන් මළ හමුදාව ප්‍රාකාරයට පහර දෙනවා. විසේරියන් ගේ උදව්වෙන් ඔහු ප්‍රාකාරය බිඳ දමන්න සමත් වෙනවා. ටෝමුන්ඩ් ඉතිරි පිරිසට ආරක්ෂාව පතා පැනල යන්න අණ දෙනවා.

හොඳයි මම ආයේ වැඩි විස්තර ලියන්නෙ නෑ. පැරණී ලිපි වගේම වඩා යාවත්කාලීන් විස්තර අඩංගු තරිඳු සහෝගේ හා නෙරංජි නගාගේ ලිපි වලට සබැඳූම් පහළ දක්වා තිබෙනවා. එහෙනම් අද කොටසේ ජයග්‍රාහකයාව තෝරාගැනීමේ ක්‍රියාවලින් දැන් ඇරඹෙනවා. ඔබ සැමට ජයම වේවා෴෴

කතාවේ නියම රස ගැනීමට කියවියම යුතු පසුබිම් විස්තර ලිපි.
01) අදාල භූමියේ සිතියම් සමඟ විස්තරය.
02) මේ වන තෙක් සම්පූර්ණ ඉතිහාස කතාව සරලව.
03) ඇදහීම් හා නයිට්වරු.
04) ප්‍රබල වංශවත් පවුල් – පළමු කොටස.
05) ප්‍රබල වංශවත් පවුල් – දෙවන කොටස.
06) ඓතිහාසික යුද්ධ හා කැරළි – පළමු කොටස.
07) ඓතිහාසික යුද්ධ හා කැරළි – දෙවන කොටස.
08) ඓතිහාසික යුද්ධ හා කැරළි – තෙවන කොටස.
09) රතු දෙවියන් සහ Azor Ahai (අසෝ(ර්) අහායි)
10) ඩෝන් වලට Prince තනතුර ආ හැටි
11) යූරොන් ග්‍රේජෝයි හා Faith Militant
12) Tower of Joy, ඩැනේරිස් ටාගේරියන් සහ දොතරාකි හමුදාව
13) තරිඳු සහෝගේ යූටියුබ් කුප්පි ටික.
14) නෙරංජි නගාගේ සිංහල රිවිව් ලිපි.

 

 

Works with – AMZN.WEB, REPACKMEMENTO & TURBO Releases.

ඕනෑම ටොරන්ට් අඩවියකින් බාගත කරගන්නා ඉහත සඳහන් ටොරන්ට් සඳහා මෙම උපසිරැසිය සහය දක්වනු ඇත.

84,259 downloadsDownload GOT-S08E01.041520190630-1.zip111 KB

 

මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2009/03/10
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.