Half Girlfriend (2017) With Sinhala Subtitles | හැංගි විහංගි… [සිංහල උපසිරසි සමඟ]

මං දන්නෙ නෑ මගෙ ජීවිතේදි මට
මෙච්චර දේවල් වුනේ ඇයි කියල.
කසාදෙ…. දික්කසාදෙ…. පිළිකාව….
මේ ඔක්කොම මාව හොයාගෙන ආවෙ
අවුරුදු තුනක් ඇතුළතදි.
මාධව් ඔයා මගෙ ජීවිතේට දෙපාරක් ආවා.
පලවෙනි පාර වෙලාව අපේ නෙවෙයි,
දෙවෙනි පාර අපිට වෙලාව තිබුන නෑ.
මම පට්නාවල ජොබ් එකකට ආවෙ
මට සමහරවිට ඔයාව මුන ගැහෙයි කියල.
ඒත් මම ඇයි යන්නෙ?
මම දන්නවා මාධව්,
මම ඔයත් එක්ක හිටියොත් ඔයා
මගේ අත කවදාවත් අතාරින්නෙ නැ කියල.
ඔයාට ඊට වඩා දෙයක් ලැබෙන්න ඕනෙ.
ඔයා මෙතෙන්ට එන්න සෑහෙන්න මහන්සි උනා.
මට ඕනෙ නෑ ඒ හැම දෙයක්ම මං හින්ද විනාස වෙනව දකින්න.
මට් ඔයා ගැන හරි ආඩම්බරයි මාධව්!
සමහර විට මෙහෙම වෙන්න ඇති වෙන්න තිබුනෙ.
මම සදහටම ඔයාගෙ බාග පෙම්වතිය වෙන්න ඇති
මට තියෙන්නෙ තව මාස තුනක් විතරයි.
ඉතින්, ඔයා අඬන්නත් එපා.
මාව හොයන්නත් එපා.
දේව්දාස් කෙනෙක් වෙන්නත් එපා.
ඔයා වගේ හැන්ඩ්සම් කොල්ලෙකුට
හොඳ කෙල්ලෙක් හොයා ගන්න එක
අමාරු වෙන්නෙ නෑ.
මං වගේ පිස්සු ලෙඩ ගෝදාවකට වඩා
හොඳ කෙල්ලෙක් ඔයාට හම්බ වෙයි.
මගෙ ජීවිතේදි කාටම හරි මට කියන්න ඕනෙම
දෙයක් තියෙනවා.
මම දැන් ඔයාට ඒක කියනවා.
මං ඔයාට ආදරෙයි.
ඔයාට ගොඩාක් ආදරෙයි.
පිස්සුවෙන් වගේ ආදරෙයි.
මගෙ ජීවිතෙ අන්තිම තත්පරේ දක්වාම
මං ඔයාට…
ආදරෙයි!..ආදරෙයි!!…ආදරෙයි!!!….
– රියා –

ඔන්න හැමෝම මග බලන් හිටපු චිත්‍රපටියක් තමයි මේ අරන් ආවෙ. චේතන් බගත් විසින් රචිත 2014 වර්ශයේ නිකුත් වූ, Half girlfriend කියන පොත ඇසුරෙන් තමයි මේ චිත්‍රපටිය නිපදවෙන්නේ. මුලින්ම මේ බගත් ගැන කියල ඉන්නම්, මොකද මෙයාගෙ පොත් හැම එකක්ම වගේ ලස්සනම ලස්සන චිතරපට වලට නැගුනු නිසා. බගත් කියන්නෙ ඉන්දියාවෙ ඉන්න තරුන පරපුර ඉලක්ක කරගෙන නවකතා ලියන රචකයෙක්. (බගත්ගෙ හැම පොතක්ම දිලීප ජයකොඩි මහත්මා විසින් අපූරුවට සින්හලට පරිවර්තනය කර තිබෙනවා.) ඒ වගේම ඔහු තිර රචකයෙක්, තීරු ලිපි සම්පාදකයෙක් වගේම රූපවාහිනී කතකයෙක්ද වෙනවා.

1) Five Point Someone (2004)
මේක තමයි පලවෙනි පොත. මේකෙ සිංහල පොත තමයි ‘තුන් මෝල්ලු‘.චිත්‍රපටිය තමයි 3 Idiots.

2) One Night @ the Call Center (2005)
මේකෙ සිංහල පොත තමයි ‘හෙලෝ හෙලෝ‘. චිත්‍රපටිය වෙන්නෙ Hello.චිත්‍රපටියෙ කතාවත් බගත්ගෙන්මයි.

3) The 3 Mistakes of My Life (2008)
සිංහල පොත ‘තුං තකතීරු කං කල කෙනෙක් මං‘ ඒකෙන් හැදුනු චිත්‍රපටිය තමයි Kai Po Che කියන්නෙ. මේකෙත් තිර රචනය සහ කතාව බගත්.

4) 2 States (2009)
මේකෙ සිංහල පොත තමයි ‘මොන මගුලක්ද මන්ඳා‘. චිත්‍රපටිය නම් හැමෝම වගේ බලල තියෙන 2 States ම තමයි. මේකෙත් තිර රචනය සහ කතාව බගත්ගෙන්.

6) Half girlfriend (2014)
සිංහල පරිවර්තනය ‘හැංගි විහංඟි‘. මේකෙ චිත්‍රපටිය ගැන තමයි මෙ කියන්න හදන්නෙ.

5) Revolution 2020 (2011)
මේකෙ සිංහල පොත වෙන්නෙ ‘දෙන්න දෙපැත්තේ ආරති මැද්ඳේ‘. මේකෙ චිත්‍රපටිය නම් තතාම මග හැදෙනවලු. 2015 වර්ශයේ ආරංචි වුන විදිහට Warun Dhawan සහ Alia Bhat මේ චිත්‍රපට්යට අත්සන් කලයි කියල කතාවක් තිබුනා. ඒත් අද වෙනකන් නම් චිත්‍රපටිය ගැන වෙන විස්තරයක් නම් නෑ.

7) One Indian Girl (2016)

මේක තමයි බගත්ගෙ අන්තිමට ආපු පොත.ඒකෙ පරිවර්තනය තමයි ‘යස්ස ලමිස්සි‘. චිත්‍රපටියට නම් කන්ගනා අක්ක රගපාන්න බලාපොරොත්තුවෙන් ඉන්නවලු.

2014 අවුරුද්දෙ නිකුත් වෙන Half girlfriend කියන පොත ඇසුරින් හදපු මේ Half girlfriend චිත්‍රපටිය අධ්‍යක්ශනය කරල තියෙන්නෙ Awarapan, Raaz – The Mystery Continues, Murder 2, Aashiqui 2, Ek Villain, Hamari Adhuri Kahani වගේ චිත්‍රපටි ගෙනාපු Mohit Suri. හැබැයි Half Girlfriend නම් එයාගෙ අසාර්තකම නිර්මානයක් කියල කියන්නත් පුලුවන්. ඒවගේම නිශ්පාදනයට සහ තිරරචනයට බගත් දායක වෙනවා. ප්‍රධාන චරිත නිරූපනය කරන්නේ Shraddha Kapoor සහ Arjun Kapoor.

කතා පොත කියවල ෆිල්ම් එක බලන අයට නම් කතාව ටිකක් අවුල් වෙයි.මොකද චරිත තෝර ගැනීම ඉඳලම පොතට වැඩිය සෑහෙන වෙනස් වෙනවා. මුලින්ම ගත්තොත් රියා සොමානි ගේ චරිතය. පොතේ ඉන්න උස, ආඩම්බර, පොශ් කෙල්ල චිත්‍රපටියට එද්දි සෑහෙන්න අහිංසක වෙලා. Shraddha Kapoor නම් ඒ චරිතෙට කොහොමටවත් ගැලපෙන්නෙ නෑ.ඒ චරිතෙට Kriti Sanon, Jacqueline Fernande වගේම Anushka Sharma උනත් Shraddha Kapoorට වඩා ගැලපෙනවා.මාධව් ගෙ චරිතෙට නම් හැබැයි Arjun Kapoor හොඳටම ගැලපෙනවා.

ඒ වගේම පොතට වැඩිය වෙනස් විදිහට තමයි මේකෙ හැම සිද්දියක්ම වෙන්නෙත්. ඒ නිසා පොත කියවපු අය ටිකකට පොත අමතක කරල චිත්‍රපටිය බලන්න. (මාත් එහෙමම තමයි බැලුවෙ.) පොත කියවපු නැති අයට නම් කිසිම අවුලක් වෙන්නෙ නෑ. ලස්සන ආදර කතාවක්. සංගීත අධ්‍යක්ශනය Mithoon, Tanishk Bagchi, Rishi Rich, Farhan Saeed Ami Mishra, Rahul Mishra යන අයගෙන්.

මේ චිත්‍රපටිය release වෙන්නෙ මැයි මාසෙ 19 වෙනිදා.හොඳ කොපියක් එන්සෑහෙන කාලයක් ගියා. ඒ වගේම මේ කොපියට හරියන සබ් එකක් තාමඇවිල්ල නෑ.ඉතින් ටයිම් ලයින් හදාගෙන අසා ලිවීමක් කරල තමයි සබ් එක හැදුවෙ.

ඉතින් බලන ගමන් කමෙන්ටුවක් දාගෙන යන්න අමතක කරන්න එපා. තවත් චිත්‍රපටියකින් ආයෙ හම්බ වෙමු.

 

 

Due to copyright issues, we do not provide any torrent links.

මෙම ලබා දී ඇති උපසිරසි DTH-Rip පිටපත් සඳහා ගැළපේ.

38,596 downloadsDownload Half-Girlfriend-2017.zip52 KB

https://d36zzuvfojr38z.cloudfront.net/wp_content/uploads/2014/10/MuthuA.jpg මේ ලබා දී ඇති සිංහල උපසිරැසි පිළිබද “දහරා මුතු අමා” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2014-10-06
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.