Pagglait (2021) Sinhala Subtitles | කනවැන්දුම් පෙම්බරීද මං..? [සිංහල උපසිරසි]

අලුත් දෙයක්, වෙනස් දෙයක් එක්ක හෝරා දෙකක් රසවත් වෙන්න කැමති හින්දි රසිකයෙක් නම්
මේ පැත්තට ආවට පාඩු නැහැ.
මට නම්, 2021ට දැනට ආපු හොඳම හින්දි නිර්මාණය තමයි මේ.
විශේෂයෙන්ම OTT මාධ්‍ය ඔස්සේ පහුගිය වසරේ ඉඳන් එලියට දාපු චිත්‍රපටි එක්ක බැලුවම
මේක ඇවිල්ලා දාහෙන් සම්පතක්.
විඳින්න තියෙන සිනමාපට වලට කැමති කෙනෙක් ඉන්නවා නම්
අනිවාර්යෙන් එන්න.
හිනස්සන අඬවන ගමන්
හිතන්නත් දෙයක් ඉතුරු කරලා යන බවට
මේ “පිස්සු එකී” වගබලාගනියි.

මේ තියෙන්නේ දැනටමත් චිත්‍රපටිය ගැන බලපු අය කියන කතා ටිකක්

මෑතකදී බලපු චිත්‍රපට අතරින් හොඳම එකක්.
අනපේක්ෂිත විදිහට ඔබ පුදුම වෙනවාට සැකයක් නෑ.
හරිම ස්වභාවික විදිහට ගලාගෙන යන්නේ.
සංගීතයත් හරිම අපූරුයි,
මට Queen සහ Ludo මතක් වුණා.
ඒත් මේක වෙනස්ම අත්දැකීමක්.
(sarangbrahme : Rating 9/10)

අනිවාර්යෙන් බැලිය යුත්තක්.
තමන්ගේ පණිවිඩේ බෙරිහන්දීලා, සමාජගත කරන්න හදන කාලෙක
Pagglait තමන්ගේ පණිවිඩය දීලා යන්නේ සීතල හුළං පොදක් වගේ
හැමදාමත් වගේ සාන්‍යාගේ රංගනය නැවුම්.
(pulse-anurag : Rating 10/10)

කලාතුරකින් දකින්න ලැබෙන විදිහේ කතාවක්.
ඒ කතාව ඉදිරිපත් කරලා තියෙන හැටිත් අදහන්න වටිනවා.
හීන් නූලෙන් දෙන හාස්‍ය රසය ගැන මොනා කියන්නද?
අනිවාර්යෙන්ම මේක බලන්න.
නෙට්ෆ්ලික්ස්, තව මේ වගේ ඒවා තමා ඕනා.
(abhijitN : Rating 8/10)

චරිතයට ගැලපෙනම අයව තෝරගෙන තියෙනවා.
ඒ අයගේ රඟපෑමත් මරු.
චිත්‍රපටිය ඉවර වෙනකම්, මං ඇලිලා වගේ හිටියේ.
2021ට ආපු හොඳම අධ්‍යක්ෂණයක්, හොඳම ලියවිල්ලක්.
(ecatlasvegas : Rating 9/10)

දැනට නෙට්ෆ්ලික්ස් එකෙන් දීපු හොඳම ඉන්දියන් චිත්‍රපටිය
මහා ලොකු දෙයක් නොතිබ්බත්
හරි තැනට හරි විදිහට හරි වෙලාවට ගහල තියෙනවා.
හාස්‍යය දුන්නු විදිහ ගැන කියන්න දෙයක් නෑ.
( josheelkumar : Rating 10/10)

මම නම් මහ දෙයක් බලාපොරොත්තු වුණේ නෑ.
ඒත් බලලා ඉවර වෙද්දි මේක මාව පුදුමකරවලා තිබුණා.
ලොකුම පැසසුම යන්න ඕන සාන්‍යා මල්හෝත්‍රාට.
ඇය දැන් පරිණත නිළියක් ගානයි.
අනිවාර්යෙන්ම සම්මානනීය වෙයි කියලයි හිතෙන්නේ.
(jkt2006 : Rating 8/10)

ඔයාව අඬවයි, හිනාගස්සයි. ඒ වගේම බය කරවයි
මොකද සමාජ යතාර්ථය ඒ තරම් කටුක නිසා.
නියම කණ්ඩායම් වැඩක්.
අර්ජිත් සිං, ඔයාගේ සංගීතය නම්…
(anuragsharmaj : Rating 10/10)

Comedy|Drama අංශය නියෝජනය කරගෙනම, පහුගිය මාර්තු 26වෙනිදා නෙට්ෆ්ලික්ස් ඔස්සේ දිගහැරුණු මේ කතාවට ප්‍රධාන චරිතයෙන් දායක වෙන්නේ සාන්‍යා මල්හෝත්‍රා. Dangal, Pataakha, Badhaai Ho, Photograph, , සකුන්තලා දේවි, Ludo වගේ වෙනස් නිර්මාණ වලින් අපිව පිනවපු සාන්‍යා Pagglait එක්කත් ඒ සහතිකය නියමෙට රැකගන්නවා. මීට අමතරව කවදත් ස්වභාවික රංගනයකට උරුමකම් කියන ආශුතෝෂ් රානා, ශීබා චඩා, සයනි ගුප්තා වගේ අයත් සහය චරිත වලින් දකින්න පුළුවන්. චිත්‍රපටිය අධ්‍යක්ෂණය කරලා තියෙන්නේ උමේෂ් බිස්ට් විසින්. නම මතක තියාගන්න. මිනිහා වැඩකාරයෙක් වගෙත්. එතකොට මේක නිෂ්පාදනය කරලා තියෙන්නේ කවුරුත් දන්න බලාජි ෆිල්ම්ස් එහෙමත් නැත්තම් එක්තා කපූර් විසින්. Pagglait මේ වෙද්දි ජාත්‍යන්තර සිනමා දර්ශකයේ 7.1ක අගයක් සටහන් කරගෙන තියෙන්නේ මනාප 2500+ සංඛ්‍යාවකින්. ඒ වගේම තමයි කවුරුත් දන්න අර්ජිත් සිං මේ චිත්‍රපටියත් එක්ක Music Composer කෙනෙක් විදිහට කලඑළි බහිනවා. ඔන්න, ඒ කියන්නේ මේ ඇල්බම් එක ගැනම වෙන මුකුත් කියන්න ඕන නෑනේ නේද? ඉතින් මේ කවුරු කවුරුත් එකතු වෙලා කිසිම විචාරකයෙක්ට මේ චිත්‍රපටිය වෙනුවෙන් තමන්ගේ අප්‍රසාදය දක්වන්න නම් ඉඩක් තියලා නැති බව තමා පේන්නේ. කාලෙකින් හැබෑ ඉන්දියන් රසය දුන්නු නිර්මාණයක්. අන්තිමට කියන්න තියෙන්නේ මේ ආරාධනාව පිලිඅරගෙන බලන්න කියලයි.

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HDRip පිටපත් සඳහා අදාළ වේ.

8,063 downloadsDownload Pagglait-2021.zip43 KB

මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
GOLD MEMBER
JOINING DATE – 2014-01-28
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.