The Last Ship [S04 : E09] with Sinhala Subtitles | සටන් මැද බලාපොරොත්තුවක්! [සිංහල උපසිරසි සමඟ]

අද කතාවේ අවසාන කතාංග දෙකම නිකුත් වුනා. මේ උපසිරැසි ලබා දෙන්න සූදානම් වෙන්නේ නම් 9 වෙනි කතාංගයට. 10 වෙනි කතාංගයේ උපසිරැසියත් ඉදිරියේදී බොහෝම ඉක්මනට ලැබේවි. එතකං ඔයාලට බලන්න වෙන්නේ මේක තමයි. ඒ වගේම අද ලිපියේත් වැඩි දෙයක් ගැන සඳහන් කරන්න නම් බලාපොරොත්තු වෙන්නේ නෑ. ඒත් ඒකට හරියන්න 10 වෙනි කොටසේ උපසිරැසියෙන් ඉක්මනින්ම උපසිරැසියත් එක්ක ලිපියක් දෙන්නම්. කොහොම වුනත් පුරුද්දක් විදියට පසුගිය සතියේ කතාව ගැන පොඩි සඳහන් කරලම අපි කතාවට බහිමු.

මුලින්ම ඩොක්ටර් වැලෙක් විසින් ප්‍රතිකාරය සොයාගත් බවක් සඳහන් කරමින් තමයි කතාව ආරම්භ කරන්නට යෙදුනේ. ෆ්ලෙචර් මේ ගැන සතුටින් හිටියත් එයාට ඩොක්ටර් වැලෙක් ගැන අහන්න ලැබුණු දේවල් එක්ක මිනිහා ගැන ලොකු සැකයකින් තමයි හැම වෙලාවකම ඒ නැවේ කාලය ගත කලේ. ඒ සැකය තවත් වැඩිවෙන්න පටන් ගත්තේ ජෙනරාල්’ගේ පදක්කම් සියල්ලක්ම එක රැයින් ස්ටාව්රෝස්ට ලැබුණු පසුවයි. තමුන් නොදැනුවත්වම නායකත්වයේ මාරුවක් සිද්ධ වෙලා තියෙනවා කියන්නේ ලොකු කුමන්ත්‍රණයක් යටින් සිද්ධවෙන වග බව ෆ්ලෙචර් හොඳාකාරවම දැනගන්නවා. මෙතැනදී නැවේ ඇවිදිනකොට තමයි අලුත් තරහා නැති කිරීමේ බෙහෙත එන්නත් කරපු දිමිත්‍රියස් කාමරේක ඉඳලා ෆ්ලෙචර්ට අහුවෙන්නේ. මෙතනදී කොහොමහරි ඩොක්ටර් වැලෙක්‘ගේ දුශ්ඨ සැලසුම් දැනගෙන, ෆ්ලෙචර් පුළුවන් හැම දෙයක්ම නේතන් ජේම්ස් වලට දැනුම් දෙන්න කටයුතු කරනවා. මේ නිසාම ෆ්ලෙචර්ට ජෝර්ජියෝ අතින් මැරුම් කන්නත් වෙනවා. නමුත් ෆ්ලෙචර් විසින් ලබාදුන් තොරතුරු අනුව ඩොක්ටර් වැලෙක් මීල ගට මෝල්ටා වලට ගමන් ගන්නා වග නේතන් ජේම්ස් වලට දැනගන්න පුළුවන් කමක් ලැබෙන්නේ, නේතන් ජේම්ස් වලට තවත් යුධ වාසියක් ලබා දෙමින්. මේ ගමන අතරේ නැව යන එන තැන් ගැන තවත් දැනගන්න නේතන් ජේම්ස් කණ්ඩායම් ක්ලියෝස් කියන නිරෝධායන සිර කඳවුරට ඇතුල් වෙනවා. මෙතැනදී ඔවුන්ට විද්‍යාගාරය සහිත ග්‍රික යුධ නැව යන තැන් සොයාගන්න පුළුවන්කම ලැබෙනවා. කාටවත් හානියක් නොවුනත්, මාස්ටර් චීෆ් හංගාගෙන සිටි තමුන්ගේ අසනීප තත්වය ඒ මෙහෙයුමේදී තවත් දරුණු අතට හැරෙනවා. ඒ වගේම ඩොක්ටර් වැලෙක්ට තියෙන පිස්සුව මොකක්ද කියලත් පසුගිය කතාවෙන් හොඳ අවබෝධයක් ලබා දෙනවා. තමුන් ආදරය කරන දැන උගත් පුතා ක්‍රිස්ටෝස් නැතිවීම නිසා එහි ශෝකයෙන්, ඔහු නොස්ටෝස් පානය කරමින් තමයි කතාවේ ආරම්භයේ සිටම තමුන්ගේ හිතේ මැවෙන තමුන්ගේ පුතාගේ රූපය එක්ක කතා කරමින් ඉඳලා තියෙන්නේ. මේ ගැන ජෝර්ජියෝ සහ ලුචීයා දැනුවත් වුනත්, ඒ ගැන කිසිම දෙයක් කියන්නට පෙලඹෙන්නේ නෑ. මේ නිසා කතාවේ මුල සිටම අපි හිතාගෙන හිටියේ ක්‍රිස්ටෝස් කියන්නේ ඇත්තටම පවතින චරිතයක් කියලයි.

ඉතිං අද කතාවේ තේමාව 3D ක්‍රමයට තමයි තියෙන්නේ. ඒ කියන්නේ Detect, Deceive, Destroy විදියට. අද කතාව ඇතුලත හයිඩ්‍රා පන්තියේ ග්‍රික යුධ නෞකා තුනත් සමග තමයි නේතන් ජේම්ස් වලට තනියම හැප්පෙන්න වෙන්නේ. නේතන් ජේම්ස් ග්‍රික යුධ නෞකා එක්ක සටන් කරන ආකාරය තමයි අද මාතෘකාවේත් පරිසමාප්ත අර්ථයෙන්ම තියෙන්නේ. ඉතිං අද බලන්න වෙනදාට වඩා සුපිරි කතාවක් තියෙනවා. 10 වෙනි කතාංගය ඊටත් වඩා සුපිරියි. ඉතිං 10 වෙනි කතාංගයෙන් ඉක්මනින්ම හමුවෙන බලාපොරොත්තුවෙන් මම අදට සමුගන්නම්.

– We are the good guys.
– We are the goog guys!

ආයු -බෝ -වේවා !!!

 

 

 

Due to copyright issues, we do not provide any torrent link.

මෙම උපසිරැසි සියලුම HDTV(x264 / x265) පිටපත් සඳහා වලංගු වේ.

34,301 downloadsDownload The.Last_.Ship_.S04E09.zip28 KB

https://d36zzuvfojr38z.cloudfront.net/wp_content/uploads/2016/02/PCR.png මේ ලබා දී ඇති සිංහල උපසිරැසි පිළිබද “ප්‍රණිත් රණසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – AUG 18, 2014
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.