Hannibal (2013) [S01 : E11] | මිනීමරුවා නිදැල්ලේ… [සිංහල උපසිරැසි සමඟ]

ඔන්න යාළුවනේ ඔයාලට හැනිබල් කතාමාලාවේ එකොළොස්වෙනි කොටසත් සිංහල උපසිරැසි දාලා අරන් ආවා. පසුගිය කොටසෙදි තමන්ගෙ යෙහෙලියව ඝාතනය කරපු උන්මන්තක කාන්තාවක්ව අල්ලගන්න විල් ග්‍රැහැම්ට හැකි උනා කියලා ඔයාලට මතක ඇතිනේ. ඒ වගේම විල් ග්‍රැහැම්ව පරීක්ෂා කරන ස්නායු රෝග විශේෂඥ වෛද්‍යවරයාව දොස්තර හැනිබල් විසින් ඝාතනය කරලා ඒ ආයුධය අර උන්මන්තක කාන්තාව අතට දීලා ඔහු යන්න යනවා.. හැනිබල්ගේ වාසනාවට ඒ උන්මන්තක කාන්තාවට වෙනත් මිනිසුන්ගෙ මුහුනවල් අඳුරගන්න බැරි රෝගයකින් පෙලෙනවා. මේ යන විදිහට මෙතෙක් සිදු වූ හැම මිනීමැරුමකටම වගේ දොස්තර ලෙක්ටර් හැනිබල් සම්බන්ධයි කියලා ඔයාලට තේරෙනවා ඇති.

මේ පාර කතාව තියෙන්නේ පහුගිය කොටසකදි හෙදියක්ව ඝාතනය කරපු දොස්තර ඒබල් ගිඩියන් සිර මැදිරියේ සිට උසාවියට ගෙනියන අතරතුරේදී පැන යාම සම්බන්ධවයි. ඒ පැන යන අතරේ ඔහු එම රථයේ හිටිය තුන් දෙනාවම ඝාතනය කරලා ඔවුන්ගෙ ශරීර අවයව ගහක අතු වල එල්ලලා පොලිස් ඇඳුමකුත් ඇඳගෙන ආයුධත් අරගෙන යනවා.

ඔයාලට මතකයිනේ අර ෆ්‍රෙඩී ලවුන්ඩ්ස් කියන වාර්තා කාරිණියව? (මටනම් ඒකිව පේන්න බෑ) පසුගිය කොටසක ජැක් ක්‍රව්ෆෝඩ්ගෙ ඉල්ලීමට ඇය පරපීඩක ඝාතකයා ගැන ව්‍යාජ ලිපියක් ඇගේ වෙබ් අඩවියේ පල කරනවා. ඉතින් අපේ දොස්තර ඒබල් ගිඩියන් අත්අඩංගුවෙන් පැන ගිහිල්ලා… අර ෆ්‍රෙඩී ලවුන්ඩ්ස්ගෙ ලිපියේ තිබුන විදිහට ඇත්තටම ඝාතනයක් සිදු කරනවා. එම ඝාතනයට ලක් වෙන පුද්ගලයාගේ බෙල්ල කපලා එතනින් දිව එලියට අරගෙන මදිවට ඔහුගෙ සිරුරේ තිබුන හැම ලේ බිංදුවක්ම ගිඩියන් විසින් පැකට් කරලා එය “රතු කුරුස සංවිධානයට භාර දෙන්න“ කියලා පණිවිඩයකුත් තියලා යනවා.. හැබැයි ෆ්‍රෙඩී ලවුන්ඩ්ස්ගෙ ලිපියේ නොතිබුනු දේකුත් අර මලමිණියට සිදු කර තිබෙනවා විල්ට දකින්න ලැබෙනවා. ඒ දේ හෝඩුවාවක් විදිහට සලකලා විල් ග්‍රැහැම් සහ ජැක් ක්‍රව්ෆෝඩ් විසින් දොස්තර ගිඩියන් පස්සෙන් ලුහුබඳිනවා. ගිඩියන්ගෙ උත්සාහය වෙන්නේ ගිඩියන්ට ඔහු පරපීඩක ඝාතකයා කියලා ඒත්තු ගන්වපු දොස්තර වරයාව සහ දොස්තර ඇලනා බ්ලූම්ව ඝාතනය කිරීමයි… ඒ වගේම පහුගිය කොටස් වලදි විල් ග්‍රැහැම් අවසිහියෙන් දැක්ක කලු ගෝණා මෙවර ඔහුට මිනී මරුවා හොයාගන්න මග පෙන්වීමකුත් කරනවා.

ඉතින් යාළුවනේ.. මෙවර ඒබල් ගිඩියන්ව පණ පිටින් අල්ලගන්න ජැක් ක්‍රව්ෆෝඩ්ට හෝ විල් ග්‍රැහැම්ට හැකි වේවිද? අර මල මිණියට කර තිබෙන, ෆ්‍රෙඩී ලවුන්ඩ්ස්ගෙ ලිපියේ නොමැති දේ මොකක්ද? ඒකෙ වැදගත්කම මොකක්ද? ඒබල් ගිඩියන් ද ඇත්තටම පරපීඩක ඝාතකයා? දොස්තර හැනිබල් ලෙක්ටර් මේ කොටසෙදිත් කාව හරි ඝාතනය කරන්න හදාවිද? විල්ට ඇලනා බ්ලූම්ව බේර ගන්න පුළුවන් වේවිද? කලු ගෝණා කොහොමද විල්ට මග පෙන්වන්නේ? කියලා කතාව බලලම දැනගන්න.. 12 වෙනි කොටසින් ඉක්මණින්ම මුණ ගැහෙමු. හැමෝටම ජයවේවා..

 

 

130 MB කොපිය මෙතනින් බාගන්න 011d1155fdb2557c3b5c0e842a57b4793b78c31e 200 MB කොපිය මෙතනින් බාගන්න 422cd29df4f2dbaf221576c7f9db3e1369d4bd16 640 MB කොපිය මෙතනින් බාගන්න c46516f1aa34eb908de6bfcda9d0739f9a049618 80 MB කොපිය (1.2GB) මෙතනින් බාගන්න c2f21003d5573c1ace3d852f988b7ec03be1a15a 130 MB කොපිය (1.7GB) මෙතනින් බාගන්න 7210f1032cb36773f8cc30a8b66adc4614f5d081 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ්  (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

2,296 downloadsDownload Hannibal-S01E11.zip123 KB

https://d36zzuvfojr38z.cloudfront.net/wp_content/uploads/2012/10/දිනිඳු-සම්පත්.jpg මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                                                                                Next Episode >>