Corbin Nash (2018) Sinhala Subtitles | පිශාච දඩයක්කරුවා… [සිංහල උපසිරැසි සමඟ] (18+)

ටිකක් සම්ප්‍රධයෙන් බැහැර නමුත් පරණ Drama ටිකක් කරපු එකේ මේ සුදානම ඊට සම්පුර්ණයෙන්ම වෙනස් කණ්ඩයක් කිහිපයක් නියෝජනය කරන සලරුවක් ඔබ වෙත ගෙන එන්න. මේක Action, Horror, Thriller කියන කාණ්ඩයන් තමයි නියෝජනය කරන්නෙ. 2018 වසරේ අප්‍රේල් 20 වැනිදා නිකුත් වුන මේ නිර්මාණය මමත් දුටු සැනින් තවත් රේටින් අඩු වැඩකට නැති Horror එකක් වෙන්න ඇති කියා අත්හැර දැම්ම. මොකද ඒ වෙනකොට මේ වෙනුවෙන් ලැබිල තිබ්බේ යන්ත්නම් 5 දශම ගණනක අගයක්. නමුත් ඊයේ (අප්‍රේල් 28 වැනිදා) වෙනත් යමක් හොයමින් ඉන්න අතරේ ආපහු මේ සලරුව වෙනුවෙන් වෙන් වුන IMDB පිටුව දකිනකොට ඒ අගය බොහොම ඉහල ගිහින් මටම පුදුම ඉතින් ඕන එකක් වෙන්න බලන්න හිතාගෙන අරගත්ත චිත්‍රපටය ඇත්තටම හොඳ චිත්‍රපටයක් කියන එකයි මගේ හැඟීම. මහා පරිමාණ නිෂ්පාදන පිරිවැයක් නොතිබුනා වුනත් ඔවුන් සතු මුදලෙන් විශිෂ්ඨ ලෙස ක්‍රියාදාම, ආලෝක කරණය වගේම කතාවක් ගොඩනගන්නටත්, CGI තාක්ෂණය විශිෂ්ඨ ලෙස යොදාගන්නටත් මේ සලරුවේ නිර්මාපකයන් සමත් වෙලා තියනව.

Ben Jagger ගේ අධ්‍යක්ෂනයක් වන මෙය ඔහු සහ Dean S. Jagger ගේ පිටපතක් ඇසුරෙන් තමයි නිර්මාණය වෙලා තියෙන්නෙ. මෙහි ප්‍රධන චරිතය වෙනුවෙන් පණ දෙන්නෙත් Dean S. Jagger ම තමයි ඔහු තමයි Game of Thrones හි ස්මෝල් ජෝන් අම්බර් ලෙස චරිත නිරුපනය කරන්නෙත්, ඊට අමතරව Scorched Earth, The Hunter’s Prayer වගේ නිර්මාණ වෙනුවෙන් පවා ඔහු තමුන්ගේ දායකත්වය ලබා දී තිබෙනව. ඊට අමතර Corey Feldman (Stand by Me, The Lost Boys, Gremlins), Rutger Hauer (Sin City, The Hitcher, Blade Runner), Fernanda Romero වගේම සුප්‍රසිද්ධ Malcolm McDowell මෙහි චරිත නිරූපණය කරනව. පැය 1 කුත් මිනිත්තු 34 ක් පුරා දියවන මේ සලරුව ලබාගෙන ඇති IMDB අගය 7.6 ක් ඒ චන්ද 2400+ ගණනකින් ඉතින් අර මම උඩ කිව්ව දේ දැන් පැහැදිලි ඇති නෙව.

කතාව මෙහෙමයි, කොර්බන් නෑෂ් කියන්නේ පොලිස් නිලධාරියෙක්, තමුන් නීතියේ රැහැනට කොටුකරගත් ළමා අපයෝජකයෙක් නීතියෙන් ගැන්විම ගැන දුකෙක් තැබෑරුමකට වෙලා පරණ මිතුරෙක් සමඟ මදුවිත තොල ගාමින් ඉන්න මොහොතක ඔහු වෙත එන අමුත්තෙක් ඔහුට අමුතුම කතාවක් කියනව. ඒ තමයි ඔහු නෑෂ් පවුලේ අවසන් පුරුක බවත් ඔහුගේ පියා සහ ඔහුගේ පරම්පරාව පිෂච දඩයක්කරුවන් බව. මේ වෙනකොටත් තමුන්ගේ මව සහ පියාගේ අභිරහස් ඝාතකයන් ගැන හරි තොරතුරක් නොදත් මේ තරුණ රහස් පරීක්ෂකවරයා මේ සියල්ල එකක් බොහොම කැළඹීමටත්, ව්‍යාකූලත්වයටත් පත් වෙනව. නමුත් ඉක්මණින් රහස් හොයා යන ඔහුට දැනගන්නට ලැබෙනව නගරයේ පුද්ගල අතුරුදහන් වීම් ඉහල ගොස් ඇති හැටි… මේ සියල්ල ගැන හොයමින් යන ඔහු සිරකරුවෙක් වෙනව ඔහු මේ පසුපස ලුහුබදින පිරිසගේම… මරණ මරණය දොරකඩ තරුණියකගේ පිහිටෙන් ජීවිතය ගලවා ගන්නා නෑෂ්ගේ නවතම මෙහෙයුම ඒ තරුණිය මේ පිශාච නිවහනෙන් ගලවා ගැනීමයි… ඉතින් ඒ කොහොමද බලන්න ඔබට භාරයි…

සැකයි වගේ නම් පුර්ව ප්‍රචාරක පටය බලලම ඉන්න. ඒ වගේමයි මේකත් පොඩි හිටියන්ට නම් හොඳ සිනමා නිර්මාණයක් නෙමෙයි. එහෙනම් ආයෙත් උපසිරසක් එකක් හමුවෙමු එතෙක් ඔබට ජය වේවා !!!

 

 

 

Due to copyright issues, we do not provide any torrent links.

ලබා දී ඇති උපසිරසිය HD / WEB පිටපත් සඳහා අදාළ වේ.

 

https://d36zzuvfojr38z.cloudfront.net/wp_content/uploads/2018/03/28616527_1854152187963064_3150036820179633625_o-e1520102326421.jpg මේ ලබා දී ඇති සිංහල උපසිරැසි පිළිබද “සමීර කරුණාරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-12
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.