13 Reasons Why [S02 : E13] with Sinhala Subtitles | අපි හමුවුණු රාත්‍රියට, නැවත මා කැඳවාගෙන යන්න..! [සිංහල උපසිරැසි සමඟ]

ඔහොම චුට්ටක් ඉන්න. විනාඩියක් අරගෙන මේක කියවන්න.

ජීවත් වෙන එක අමාරුයි. ප්‍රශ්න ආවම ඒක සෑහෙන අමාරුයි.. තනි වුණාම ඒක හිතා ගන්න බැරි තරම් බරයි. මිනිස්සු ඔයාගෙ අසරණකමින් අයුතු ප්‍රයෝජන ගන්නකොට ආත්මානුකම්පාවක් දැනේවි, ඔයා ආදරේ කරපු අය ඔයාගෙන් ඈත් වෙනකොට ඔයාට මැරෙන්න හිතෙයි. එහෙම හිතෙනවද? එහෙනම් මම මේ ලියන්නෙ ඔයාට. එක විනාඩියක් අරගෙන කියවන්න.

හැනා.. ලස්සන, බුද්ධිමත්, පිස්සු, ඉක්මනට කේන්ති ගන්න, ආදරණීය කෙනෙක්. හැබයි හැනා තමන්ගෙ ජීවිතෙන්ම පළි ගත්ත. ඒ ඇයි? ටිකක් හිතන්න. අපි අතරෙම හැනාල තව දහස් ගාණක් ඇති. මේ දැනුත් හැනා කෙනෙක්, හැනා වගේ තීරණ ගන්න හිතනව ඇති. ඔයා ඒ හැනාගෙ යාළුවනම්, ඔයා ඒ හැනාගෙ ආදරවන්තය නම්, ඔයා ඒ හැනාගෙ ගුරුවරය නම්, ඔයා ඒ හැනාගෙ දෙම්ව්පියො නම්, මේ ඒ හැනාට ඔයාගෙ උදව් ඕන වෙලාව. ලෝකෙ මිනිස්සු විවිධාකාරයි. හැබැයි ඒ හැම කෙනාම තමන්ගෙ අභ්‍යන්තර සිතිවිලි හෙළි කරන ක්‍රම තියෙනව. ඔයාට පුළුවන් නම් ඒ ආත්මයට එබිල බලන්න. ඒ ආත්මයේ සැරිසරන්න, ඒ ආත්මය කියවන්න, එහෙනම් ඔයාට පුළුවන් ඒ හැනාව නවත්තන්න. අමතක කරන්න එපා එයා යන්න ගියාම ආයෙ හැරීමක් නෑ.

ඔයා ඒ හැනා නම්, චුට්ටක් හිතන්න. ඔයා රිද්දගන්නෙ ඔයාට වුණාට, ඒකෙන් රිදෙන්නෙ ඔයාටම විතරක් නෙවෙයි. ඔයා මැරෙන්නෙ එක වතාවක් වුණාට, ඔයාට ආදරේ කරපු හැම ආදරණීයයෙක්ම දහස් වතාවක් මැරි මැරී උපදිනව.. ජීවිත කාලෙම විඳවනව. හැබැයි ඔයාට පුළුවන් ඒක නතර කරන්න. ඒකට කරන්න තියෙන්නෙ පුංචි වැඩයි. තව චුට්ටක් ඉවසන්න. උදව් ඕන වෙලාවට උදව් ඉල්ලන්නෙ පරාජිතයෙක් නෙවෙයි, හැබෑම වීරයෙක්. ඒ නිසා උදව් ඕන වෙලාවට තනියම තීරණ ගන්නෙ නැතුව උදව්වක් ගන්න. ඒකෙන් ඔයාට ජීවිත ගාණකට ජීවිත කාලයක් සැනසීම උදා කරන්න පුළුවන්. මම මීට වඩා කියන්න යන්නෙ නෑ.

13 Reasons Why…
Mr. පොටර්, මාර්කස්, කෝර්ටෙනි, සැක්, රයන්, ටයිලර්, ෂෙරී, බ්‍රයිස්, ඇලෙක්ස්, ජෙසිකා, ජස්ටින්, ටෝනි, ක්ලේ.. මේ තමයි ඒ හේතු.

මට මේ කතා මාලාවේ අවසාන කතාංගයට බාර වෙන්න හේතුව වුණේ ශාන් විමුක්ති. ශාන් ගොඩක් ස්තූතියි මට අවසාන කතාංගය ලබා දුන්නට. හැමෝම දන්නව වගේ මේ කතා මාලාව සාමූහික ප්‍රයත්නයක ප්‍රතිඵලයක්. ඉතිං මේ වෙලාවෙ 13 Reasons Why සඳහා උපසිරැසිකරණයේ යෙදුණු බයිස්කෝප් සහෝදරයන් සියලු දෙනාවම මම ලෙංගතුව සිහිපත් කරනවා. මගේ උපසිරැසිකරණයේ මෙතෙක් මම උපසිරැසි ගන්වපු ලස්සනම සහ සංවේදීම කතාංගය මේක. මේකෙ පරිවර්තනය වුණු හැම වචනයක් පුරාම මට ලොකු වේදනාවක් දැණුන. ඒ හැනා නිසා. හැනාට ආදරේ කරපු ක්ලේ නිසා. හැනාගෙ දෙමව්පියො නිසා. තව බොහෝ හේතු කාරණා නිසා. කාලයේ පස්සට යන්න පුළුවන් වුණා නම් හැමෝම තම තමන්ගෙ නොදුටු වැරදි හදා ගනීවි. හැනා තාමත් ජීවත් වේවි. ඒත් කිසි දෙයක් ආයෙ එහෙම පරණ තත්වෙට එන්නෙ නෑ. පරණ කතා ගැන මම කිසි දෙයක් කියන්නෙ නෑ. කියන්න ඕනෙත් නෑ. මේතෙක් බැලුවනම් හැමෝම දැන් හැමදේම දන්නව. නොබලපු කවුරුහරි ඉන්නව නම්. ආන්නදයට එහා ගියපු බුද්ධියට ආමන්ත්‍රණය කරන්න ඕනෙ නම්. මුල් කතා සමයෙන් පටන් අරන් මේ වෙනකං එන්න.

අද කතාවෙන්…
පටන් ගන්නෙ බ්‍රයිස්ගෙ නඩුවෙන්. එතනදි ජෙසිකා උසාවියට කට උත්තරයක් දෙනව. හැබැයි විනිසුරුතුමා බ්‍රයිස්ට දෙන දඬුවම ප්‍රමාණවත් ද? බැලුවට පස්සෙ ඔයාටම තීරණයක් ගන්න පුළුවන් වේවි ඒ ගැන. නඩුවෙ වැඩ සියල්ල අවසාන වුණාට පස්සෙ හැනාගෙ දෙම්ව්පියො තීරණය කරනව හැනා දෙනුවෙන් දේව මෙහෙයක් පවත්වන්න. එතනදි මට නම් මුළු ලෝකෙම එකපාර කඩාගෙන වැටෙනව වගේ තමයි දැණුනෙ. ඒ ඇයි කියල මං කියන්නෙ නෑ. ඒක ඔයාගෙ හදවතින්ම විඳල බලන්න.

“I am not the only traveler..
Who has not repaid his debt..
I’ve been searching for a trail to follow again..
Take me back to the night we met..”

හැනා තමන්ගෙ මරණයට හේතු නොවුණු හේතු 13ක් ඇගේ පරිගණකයේ සටහන් කරල තිබුණ. “හෙල්මට්” ඇතුළු කරුණු 13ක්. හැනාගෙ මරණය බොහෝ දෙනෙකුගෙ ජීවිත කණපිට පෙරළන්න සමත් වුණා කියල අද ඔයාලට බලාගන්න පුළුවන්. ඒ අතරෙ ටයිලර් නිසා කතාව ලොකු පෙරළියකට ලක් වෙනව. ටයිලර් තවත් මහා ඛේදවාචකයක් ආරම්භ කරාවිද? කොහොමහරි ටයිලර් නිසා කතාව තුන්වන කතා සමයක් දක්වා ගමන් කරාවි කියල හිතන්න පුළුවන්. මෙතෙක් විකාශය වුණු දෙවැනි කතා සමයේ ඉහළම ප්‍රේක්ෂක ප්‍රතිචාර ලබාගෙන තියෙන්නෙ මේ කතාංගය. ඒ IMDb අගය 9.2ක් වගේ දැවැන්‍ත අගයකට ඔසවා තබමින්. එහෙනම් මේ කෙටි ජීවිත කාලය සැහැල්ලුවෙන් ගත කරන්න. එකිනෙකාට උපකාර කරන්න. එකිනෙකා ගැන හොයා බලන්න.. එකිනෙකාට ආදරය කරන්න. එහෙනම් ආයෙත් උපසිරැසියකින් හමුවෙමු!

“I think I have made myself very clear..
But no one’s coming forward to stop me.
Some of you care,
None of you cared enough..
Neither did I. And I’m sorry.
So.. It’s the end of tape 13.
There’s nothing more to say.”
-Hanna-

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

8,023 downloadsDownload 13-Reasons-Why-S02-E13.zip37 KB

https://d36zzuvfojr38z.cloudfront.net/wp_content/uploads/2017/07/Udayanga-Sampath.jpg මේ ලබා දී ඇති සිංහල උපසිරැසි පිළිබද “උදයංග සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.       

Subtitle Contributor Rank

BRONZE MEMBER
JOINING DATE – 2017-07-03
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.